[ســجل دخولك وحضــورك ] بـــ بـــيـــت أو بيــتين شـعر

//
\\
*
ولاتحسب الجفن من دمعه عقيـم // يستحي منك والى اقفيـت انثـره

ولايغرك .. وان بدا جسمـي سليـم // والله انه مثل سور المقبـره

والله ان امر من ضحـك الغريـم // شوف حقي بين اياديـه اشكـره .. !

ووالله ان احر مـن دمـع اليتيـم // دمعة الرجـال .. مـن فرقـا مـره .. !!
..,

يا ناقش الحنا على راحة اليد * * * حبك نقشته في حنايا فؤادي


على قفا يمناك حاني ومسود * * * وانا على عيني سوات السوادي


ويفوح من ردنك كما العود والند * * * والا شذا وردٍ على جال وادي


قض الشعر خله على المتن يمتد * * * حتى يقيدني ويحكم قيادي


تمزح وتلعب بي وهمي على جد * * * مثل الزمان اللي يدور عنادي


من كثر لعبك ما اعرف الوصل والصد * * * ولا اعرف أن الوعد وعدٍ وكادي


تحكم بلد ما تاخذ الشور من حد * * * تحكم بلد ربعك وتحكم بلادي


تاخذ مع العشاق مشوار وترد * * * مثل الكحيلا في نهار الطرادي


أنا احسب أن القلب تايب عن الود * * * وأثره مع العشاق تايه وغادي


قفيت مير الطرف مشغول ويلد * * * يمك مفرقته دموع ٍٍ جدادي

حبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب


/

طلال الرشيد

رحمة الله

كثر ما بالمدا فرحة رسم ظلم الزمان أسوار
عـلـى ذاك الـفـقـيـر الـلـي يـدور بالـمــسـا نـوره

كثر ما بالسما نـجـم يـنـور جـلـسـة الأحـرار
كثر ما للحزن فيني .. شكاني الشعـر بـسـطـوره

أنا ماابي من أوقات الفرح .. يادنيتي أعـمـار
أنا لـوتسمحي لي بس .. أبي لحـظـات مـيـسـوره

أبي يا ساكنه غيري .. تزوري لو ثواني الدار
وشوفـي حالـة أوراقي بحـور الشـعـر وشـعـوره

أبي تروي جفاف الحبر لي بُعدك سنين اختار
ويـثـمـر في بسـاتيني .. رحـيق من الأمـل نـوره

أنا .. عد الحـروف اللـي نزفها قلـبي الـمنـهـار
أبـي أسـقي ضميري يـوم .. لـو أحـلام مـعـذوره

أنا .. كثر الطاعون اللي غرسها رمحك الغدار
يداعبني ألـم هـالـكـون .. يـمـشـي عـلـى شـوره

عـلى كثـر الـفـراق الـلـي غـديـنـا لـه أبـد زوار
نحـاول نخـفي الدمـعـه .. بها الأعـماق مـسـتـوره

بلحظة كانت الفرحة زماني .. وانتهى المشوار
غدا كل عـلى كـيف الـمـواجـع .. يصـرخ بـدوره

وعد ما بقي على حالي .. بـدور للـفـرح أعـذار
عسى باكر تكون الشمس .. ويضوي حلمنا سوره

ويبقى الحلم به نـرقى .. ويصـمد للأمل تـذكـار
مصير الفـرح يتلاقى .. بـدربـي .. لوكـثر جـوره

//
\\
*
من هيبته يآمر ..على .. كل مطلوب
يآمر وانا من هيبته .. كلّي إعجاب
.
تعال بعثرني وانا اوعدك .. بـآذوب
لين يتمنى حضن الأيام .. لو ذاب
..,

وعلى كـثر القصـيد وكـثر ماقـلـنا من الأ شــعــــار

تعـبت ومـا لقــيت إلا ســموّك بـس يشـبهـلك

الود ما يعطى جميع المخاليق

.................. الود يعطى فالمخاليق واحد

سلام يا كاسب غلا كل مغليك,,,,,, ياملك زمام المراجل بيمناك
الطيب ساسك والعرب عزها فيك,,,,لضاعت علوم الرجاجيل تنصاك
ربعك تفاخربك وتفاخر بطاريك ,,,,,,يعيش أبوك الي على الطيب رباك

//
\\
*
حسبي عليك ان كان فيني تماديت

اول خــذيت القلــب والحــين كلــــي
..,

ناديـت والليـل جاوبنـي وبكـانـي
محد سمعني سوى ليل نـزع دمعـي

ماغير ليلي مـن الاحبـاب واسانـي
ياويل من همله ربعـه مثـل ربعـي

طالت مسافاتي وتاهت بـي ازمانـي
وعلمني الوقت كيف اقسى على طبعي

ومن طاول الوقت لو هو قاسي لانـي
ومن يرفض العشر يقبل عقبها سبعي

كم عاقل صار بامر الحـب هيمانـي
وكم قلب عذره ترك فيه الهوى صدعي

ياعازف بالهوى منضومـة الحانـي
رد المواجع نغم في قلبـي وسمعـي

غن الغزل ينتعـش خفـاق ولهانـي
واشرب زلال الهوى من كأس ونبعـي

ومادام أنا حي كـل الحـب ميدانـي
وان مت ياحادي الاشواق لك بدعـي