مستشفى تمير والاهمآل

موضوع حلو
والمستشفى هي اساس تمير وواجهتها اذا مهتمو بها ايش الفايده منها
والحكومه ماقصرت تصرف بالهبل بس مالقت ولي مصلح الله يهديهم
وترى فيه مسولين كبار تنظف المستشفى من هالعاطلين في كراسيهم بس ياخذون رواتب بدون اي حق
والمدير لو يكون حازم ويشوف اموره في المستشفى مشت عدل بس العيب في الاداره يجلس على مكتبه والشغل يجي له

اقتباس: المشاركة الأصلية كتبت بواسطة الغلا لي    ضحكت من قلب على كلامك تبي تصويت على مدير المستشفى اقترح يكون التصويت في المنتدى المدير ماعليه كلام البلوى من الموظفين الي يشتغلون معه هم الواحد منهم يدور له اقرب مرايه يصلح مرازيم غترته

من يقول البلا كله من المدير قارنوا بين الادار قبل والحين يوم كانت الاداره السابقه شلون والاداره الحاليه شلون وتعرفون الفرق البلا كله من الاداره وتهاونها
لازم الامر يوصل لوزير الصحه ويعرف معاناة اهلي تمير

المدير لو بيده شيء كان ماصار كل هالشكاوي من هالمستشفى لكنه مغير اجتماعات وبس وماشفنا شيء جديد

اليوم مسوي اجتماع لجميع طاقم المستشفى ونشوف وش يصير من تطورات لعل وعسى ....

اليوم رحت المستشفى عندي موعد تحليل دم رحت الساعه 7.25 صباحاً طبعا المستشفى خاليه تماماً الا من عمال النظافه

رحت غرفة الممرضه حقت التحليل مالقيتها توجهت للاستقبال ابغى استفسر مافيه احد ابد رحت العيادات كلها مسكره والاستراحه بها 2 نساء ينتظرون

رجعت ثاني لغرفة التحليل وجلست انتظر الساعه 7.45 اجا حق الاشاعه وبعده بخمس دقايق اجت الصيدلانيه ومعاها حقت الاستقبال طبعا توجهت الهم اسئلهم وين الناس ؟
قالت لي اجتماع قلت طيب وانا عندي موعد تحليل لابد احلل اليوم وفترة الصباح وانا عندي عمل ولابد ارجع دوامي قالت الاجتماع اجا مفاجيء ويالله يخلص 8.30

قلت طيب بنتظر ولحد 8.15 تقريبا اجت الممرضه وذهلت عند دخولها الغرفه بوجودنا حيث كنا 3 نساء كلنا تحليل دم وابرة
المهم طلبت احلل انا بلأول وفعلاً اخذت الابره وتريد اخراج الدم من يدي بقوه ماطلع معها شيء حاولت مره ثانيه بساعدي وماصار شيء مره ثالثه بكفي ماطلع معاها شي كله وابرتها اللي تبرم فيها داخل العصب مو الوريد كوم الله ياخذها تورمت يدي وطلعت زرقا والدم ينزف طبعا خافت وصارت تمسح بالمسحات الطبيه والقطن وراحت نادت ممرضه ثانيه عشان تعمل التحليل الي وفعلا جزاها الله خير من اول مادخلت الابره بيدي طلع الدم طبعا الاخت اللي بعدي خافت يصير الها زيي قالت الها بنرفزه ابره وحده بس تطقينا فيني مو اكثر وانا جالسه اضحك وبنفس الوقت اتألم وماسكه يدي والله بغيت اصورها وهي متورمه وتنزف عشان يكون دليل واضح بس مامداني لاني كنت مستعجله ووراي شغل كثير بالدوام ورجعت لدوامي ووريت الجميع أثر مأساتي ويا هالممرضه ؟؟؟

ناس ماتعرف تغز ابره ليه تخلونها تجرب بالناس ؟ وليه اذا فيه اجتماع ماينبه به عشان المراجعين مايجون وينطقون الين يخلص ؟؟

وليه وليه وليه ؟؟؟

!!!! لاحياة لمن تناااااااااااااااااااادي !!!!

والله مانقول الا الله يصبرنا على هالمصاريا هاللي رافعين خشومهم علينا

اهمال لابعد الحدود..

اقتباس: المشاركة الأصلية كتبت بواسطة ذكرى الايام    المهم طلبت احلل انا بلأول وفعلاً اخذت الابره وتريد اخراج الدم من يدي بقوه ماطلع معها شيء حاولت مره ثانيه بساعدي وماصار شيء مره ثالثه بكفي ماطلع معاها شي كله وابرتها اللي تبرم فيها داخل العصب مو الوريد كوم الله ياخذها تورمت يدي وطلعت زرقا والدم ينزف طبعا خافت وصارت تمسح بالمسحات الطبيه والقطن

ذكرتيني بولدي يوم كان عمره اربع سنوات جاء مع ابوه بيحلل دمه وانا كنت في الانتظار ولعبت في حسبته تدخل وتطلع في ذا الابره والدم ينزف من يدينه يوم دخلت عليهم وقف الدم في عروقي وخنقتني العبره وتمنيت اني اسطرها كف على وجهها
حسبي الله عليها كرهت الولد في المستشفيات

من جد مادري من لعب عليهم وسموه مستشفى

-
الله يعينكم والله ،

سوال يطرح نفسة:
هل المسئولين في المستشفى ينظرون الى مانكتب؟
ولماذا لايكون لهم مداخلات هنا؟

..قال هو بنفسه لو في خير ما جابوني في هذا المستشفى وهذي القريه

قووووووووووووووووووووووووية ’’’,


انا كنت مسجل قبل سنوات,, وللحين المشكلة موجودة,, صدق ماساة,,

الشكوى للمدير هو الحل,و يعني الكل يشكي اكيد بيكون فيه محاسبة للمقصرين,,

بس لو جلسنا بس نتكلم في المنتدى ما في اي فايدة,,

يعني اي احد يصير معه موقف,, يروح للمدير,, يقول السالفة,و يتبع شنو صار,, موب ننسى السالفة ولا كان شيء صار,, عشان بس المصحلة العامة,, ولتطور ورقي في مدينة, تمير والصحه اهم معالم التطور,,, في اي بلد,,,