نسائم نسيم

اقتباس: المشاركة الأصلية كتبت بواسطة المهند    هلا بك ياصديق صديقي أبوحمد والله أشتقنا لك ولسواليفك وسعة الصدر ... لكن شوفة عينيك طوفان من الوفود توافدت علينا وحنا نبي نقوم بالواجب والوعد الاسبوع الجاي ... أنا أقول وين نسيم ... أحمد ربك صار لك ذرا ومزبن في هالمدونة ... لو أنك بايعها في هالفائت إن كان وطوك هالوفود ...

والله انا بعد مشتاق لكن كله بكره ونر اجع الملفات السابقة.
عزالله انك صادق مافي العجلة خير يالمهند .
نسيم

راحت شموح انثى !
تتهاوى النجوم !
ليه ؟
صبر جميل والله المستعان .
إنما أشكو بثي وحزني إلى الله

نسسسسسسسسسسسسسسسسسسسسسيم
هذه حال المنتدياات وأنا اخوك الدبوس مايروح الا الطيبيييييين شرواك

مرحبا اخوي الدبوس تشرفت بحضورك وتعليقك الرائع .

نحن الان في نجم الجوزاء الثاني الهنعة .ومدته 13عشر ليلة .
وبـوارح الـجـوزا ربــا فـيـه بسـرهـا
واختلفت الالوان بين خضـر الجرايـد
والى ظهـر المـرزم شبـع كـل كالـف
مــن الغـيـد وانـحـن الليـالـي الـشـدايـد

هلا بك يا نسيم

أنا عندي تحفظ من الكتابة في المدونات

لكن مدونتك غير ..

وش رايك نقول للإدارة يلغون ملتقى الأعضاء وتصير هالمدونة ملتقى لنا ونغير اسمها لـ ديوانية نسيم

اقتباس: المشاركة الأصلية كتبت بواسطة النجدي    هلا بك يا نسيم أنا عندي تحفظ من الكتابة في المدونات لكن مدونتك غير .. وش رايك نقول للإدارة يلغون ملتقى الأعضاء وتصير هالمدونة ملتقى لنا ونغير اسمها لـ ديوانية نسيم

تصدق يالنجدي اني انسى هالمدونة ،والا كان احكي فيه كل يوم الى مني مالقيت احد .
اللي فاضي ولا له شغل يجي نخرط فيها لين نقصر ،وش حنا حاطينها الا للسوالف وسعة الصدر،هالحين بعض الناس مايبيك تقرب مدونته ،الله لونها قرءان منزل .
كم واحد جيته في مدونته مسير ابسولف معه وزعل وقال هذا ماهوب مكان سوالف!!!!!!

من مِنا إذا رأى شيئًا في الدنيا ربطه بآخرته؟! من منا إذا تحدث بحديث جعل للآخرة نصيبًا منه؟! من منا إذا فرح فرح للآخرة، وإذا حزن حزن للآخرة، وإذا رضي فللآخرة، وإذا غضب فللآخرة، وجعل كل حركاته وسعيه للآخرة؟! أسئلة تحتاج إلى تأمل عند إجابتنا عليها. اللهم لا تجعل الدنيا أكبر همنا.
أخي في الله، تعال معي نستمع وإياك إلى قول حبيبنا وهو يذكر هاذين الصنفين من الناس، في الحديث الذي أخرجه الترمذي وصححه الألباني عن أنس رضي الله عنه أن النبي قال: ((من كان همه الآخرة جمع الله له شمله، وجعل غناه في قلبه، وأتته الدنيا راغمة. ومن كان همه الدنيا فرق الله عليه أمره، وجعل فقره بين عينيه، ولم يأته من الدنيا إلا ما كتب له))، وفي رواية أخرى عن زيد بن ثابت رضي الله عنه قال: سمعت رسول الله يقول: ((من كانت الدنيا همه فرق الله عليه أمره، وجعل فقره بين عينيه، ولم يأته من الدنيا إلا ما كتب له. ومن كانت الآخرة نيته جمع الله له أمره، وجعل غناه في قلبه، وأتته الدنيا وهي راغمة)) رواه ابن ماجه وصححه الألباني.

جزام الله خيريا نسيم ورحم الله والديك عن النار..

اقتباس: المشاركة الأصلية كتبت بواسطة ابوحمد2011    جزام الله خيريا نسيم ورحم الله والديك عن النار..

الله يجزاك الجنة ويرحم والديك عن النار ياصديقي.
الحديث المذكور يحكي عن حال من يجري وراء التجارة واهمال العمل للاخرة.
لو كل واحد منا عمل للاخرة مثل عمل الدنيا لوفق الاثنتين جميعا مثل ابن المبارك رحمة الله عليه كان يقول ان الدنيا تأتيني واركلها برجل يعني المال وهو رجل عابد زاهد عالما جليل .
تحياتي لك نسيم