نسائم نسيم

خخخخخخخخخخخخخخخخخخخخخخخخ في هذي صدقت الحلوم الزينه ماتكمل والا لوانه جاثوم قعد فوق صدرك تبي الفكه منه تموت ماقومك احد خخخخخخخخخخخ

حتى الجاثوم معد يبي احد مقصر من عمره يبي العافية من بعض الاوادم

و يا وجودي كل ما أضحيت ثم مال الظلال
،،،،،،،،،،،،،،،،،،،،،،لا غفت عيني و لا ذقت شي مشتهيه

وجد من قفى و هو في رجا كلمة تعال
،،،،،،،،،،،،،،،،و التفت من عقب ما أقفى و لا احد لد فيه

و يا عذابي لا دنا الليل من روس الجبال
،،،،،،،،،،،،،،،،،،،،و أنتهى يوم من العمر ما عاد أرتجيه

وجد من قفى و هو في رجا كلمة تعال
،،،،،،،،،،،،،،،،و التفت من عقب ما أقفى و لا احد لد فيه

قصة عاطفية محزنة .

كانت تعيش الشاعرة نورة الحوشان في بلدها جهات المزاحميه او ضرما

مع زوجها عبود بن علي بن سويلم إلى أن وقع بينهما خلاف أدى إلى طلاقها طلاقاً

لا رجعة فيه ، وبعد الطلاق تقدم لها الكثير طالب الزواج منها حيث أنها امرأة جميلة

ومن عائلة معروفة ومحافظة ، وقد رفضت الزواج بعد زوجها عبود الذي كانت تحبه وترى

فيه مواصفات الرجل المثالي ....

وذات يوم كانت تسير على طريقٍ يمر بمزرعته وبصحبتها أولادها منه،

وعندما مرت بالمزرعة رأته فوقفت على ناحية المزرعة وانطلق الأولاد

للسلام على أبيهم وبقيت تنتظرهم إلى أن رجعوا إليها فأخذتهم

وأكملت مسيرها ، وقد تذكرت أيامها معه وتذكرت من تقدم لخطبتها بعد

الطلاق ورفضُها لهم فقالت قصيدتها المشهورة والبيت اللي يقول اللي نبيه عيا البخت لايجيبه.

ياعـين هِـلِّي صَـافي الدمع هِـلِّـيـه ... وإلْيَا انتهى صافِيْه هَاتي سِرِيـْبـِه


ياعـين شوفي زرع خلك وراعيه ... شوفي معَاوِيْدِهْ وشــــوفي قِليــــْبِه


مـــن أول .. دايــــم لرايه نماليه ... واليــــــوم جَـيَّـتْهُم علينا صعيبـــه


وان مرني بالدرب ما اقدر أحاكيه ... مصيـبــــة ياكـبرها مــــن مصيبه


اللي يبينا عيت النفس تبغـيه ... واللي نبي عـيا البخت لا يجيبه

تو اقرأ قصة الشاعر المعروف فهيد المجماج التميمي مع ابنت عمته اللي يحبها وتزوجت من رجل غيره وحزن حزن شديد وبكا عليه بكاء يبكي من عرف قصته .

كان فهيد يؤمل في الزواج من محبوبته لما بينه وبينها من القرابة فهي بنت عمته غير أن أباها زوجها من ابن اخيه الذي نشأ يتيماً فكفله وتربى تحت رعايته فلما كانت ليلة زفافها على ابن عمها جزع فهيد جزعاً شديداً وأتى عمته وشكا اليها ما يعانيه وبكى فقالت له عمته يا ولدي لا تبك فالنساء كثيرات وفيهن مثل حسن وفيهن اجمل منها فزاده ذلك حسرة وألماً فقال








يا ونتي ونة ضعيف الـى هيـن
،،،،،،،،،،،،،،،،،واجرحي اللي كل ما له يكـودي
والناس فكروا بي ولا همب دارين
،،،،،،،،،،،،،،،وان سايلوني قلت ذا لون عودي
انا اطلب الله يا هلي قولوا آمين
،،،،،،،،،،،،،،عسى العجايز في جحيم الوقودي
ان يقولـن للحبيـب حليـيـن
،،،،،،،،،،،،،وكل العذارى من عشيرك وزودي
لا تاهمون بزينكم يـا مساكيـن
،،،،،،،،،،،،،،،،والله ما للزيـن معكـم مقـودي
والله مانتـم للحبيـب مـلاديـن
،،،،،،،،،،،،،،لا بالجمال ولا بحسن الوقـودي
يا زين من بين العواتق نظيميـن
،،،،،،،،،،،،،،فارقهن اللولو بحلقـه عقـودي
عليه من صيغة بريـدة مثاميـن
،،،،،،،،،،،،تسعين ما ني كاذب في عـدودي
أوي خـل بـس لـولاه جافيـن
،،،،،،،،،،،،ولولاه يمنحني بكثر الصـدودي
عز الله انه من عربنا المواليـن
،،،،،،،،،،،لا شك عداني صليـب الجـدودي

دنيا مافيها خير تبعد الاحباب عن بعض .
القصص هذي للعبره وفيها دروس يستفيد منها الاخرين مثل الشاعرة نورة الحوشان تحب زوجها لكن حصل خلاف والخلاف هذا لم يتنازل احد الطرفين عنه وانتهت بالفراق وهم يحبون بعض والنتيجة الندم والحسرة .
التسرع والعجله فيها خسائر لاتعوض ابد .

ااذا حصل خلاف المفروض على المرأه ان تتنازل رضاء لزوجها ومعرفتها بكبرياء الرجل وعدم رغبته في التنازل ،
وطاعه الرجال واجبه كما بين لنا الدين الحنيف .

هلا طير شلوى وين الغيبات؟ياصاحبي ويش هالصده؟الحريم خلاص ياطير شلوى معد يشوفن من السماء كبر العباة ولايهمهن احد .

اقتباس: ااذا حصل خلاف المفروض على المرأه ان تتنازل رضاء لزوجها ومعرفتها بكبرياء الرجل وعدم رغبته في التنازل ، وطاعه الرجال واجبه كما بين لنا الدين الحنيف .

اسمح لي نسيم

طير شلوى ها الكلام أكيد من قانون كيفك !!!