- [ ســجلَ دخـولـكَ و خروجكَ ] بـــ بـــيـــتُ أو أكثرَ من الشـعر ‌¬ الجزء الرآبع ] ! ‏

‏اتخيلك واستلهمك واتحراك
‏واشوف زولك بين جفني وعيني
‏وانظم من الاشعار واحلم بلقياك
‏واقول خل الشوق بينك وبيني
‏وازعل الغالي من الناس لرضاك
‏واذا زعلتي بس افرك يديني
‏صحيح ماكحلت عيني بروياك
‏لكن خيالك كل يوم يجيني

لله يا غيّاب .. إحنا مساكين

أشواقنا / تملأ جيوب الخلايا ،، !!

اسالك بالله وش سر الغلا
كيف هالخفاق مزعجني يبيك
طول ليله عن خيالك ماسلا
ومع طلوع الصبح قاعد يحتريك
لي

تأخذني اشواقي مع الصبح وآجيك*
واقول [ لولا الشوق ] ماجيت سارح*

وان قلت وش ذكر بهالوقت ، طاريك*
اقول من شفتك وانا فيك / ســارح*

قبل تجيني جا خيالك يباريك
وافي ولك في خافقي شوق جارح
لاصار تغليني وانا مثلك اغليك
لاتبتعد تعال خل نتصارح
لي

انا لو بغيت ارحل مع رحلة " النسيان "
لفى الطيف يدعيني ترا غيره المنسي !!
يغيب القمر لاغاب ويبين لامن " بان "
حضوره يخلي كل ذالكون رومنسي !

البرد ماهو برد رفحاء وﻻ الجوف
و ﻻ تبوك الثلج و جبال #حايل
البرد برد القلب في داخل الجوف
ﻻ حال من بين المحبين حايل

مرحوم ياللي باقي بداخلي حـي
قفّى عسى جنـات ربي مكانه

أبكيھ ودمعي بالخفـى ماهو شوي
لكن دموعي ماترجع لي زمانه

مايوجع الحي غير فقده للأموات
وﻻ يوجع اللي مات غير ذنوبه

اغنم زمانك ماتفيد الملذات
ياكم شخص(ن) مات من غير توبه

يآ مآ تجـمّلت في نآكر و متنـآسي
و آلطيب في ذمة الأنذآل متغيّب
و مآحدٍ تجمّل معي الآ شعر رآسي
آللي بعد كل هالصكآت ( مآ شيّب )