حملة مقاطعة شركة المراعي في السعودية

اقتباس: المشاركة الأصلية كتبت بواسطة المهند    وش حادهم يكبونه ..!! يغيرون تاريخه .. ويرجعونه ... قطع يا أبو رائد ... جعلك ما تقاطعني ... شبيت فيهم شبوب ...

هههههههههه اجل انتبه والا سوينا عليك مقاطعه ههههههههه

اقتباس: المشاركة الأصلية كتبت بواسطة المكتب الخاص    يابوالشباب تراها منقلبه وانت تقول يكبونه ))) شكل الشوف نخل

داري والله داري انها منقلبه

لكن موظفينها لصاااااالح المقاطعه بس

وصدقت الشوف عندي تراه نخل

يقولون إنهم ما تأثروا بالمقاطعه هههههههه
اذا كنت تحب المرآعي لآ تحرم نفسك بس عشان ريال مدري ريالين

تسلم على الطرح

اقتباس: المشاركة الأصلية كتبت بواسطة مزاجية تمير    يقولون إنهم ما تأثروا بالمقاطعه هههههههه اذا كنت تحب المرآعي لآ تحرم نفسك بس عشان ريال مدري ريالين تسلم على الطرح

ترى الدعوى مهيب مسألة احرم نفسي بسبه ريال والا ريالين لااااااا

شفيكم انتم ما فكرتم بالضعوف والفقراء والمساكين

ريال مع ريال ينفعهم

شركة المراعي ما رحمتهم مع انها شركه ربحانه مليارات لكن الطمع اعماهم

الحمد لله انا بخير ولا حرمت نفسي من شيئ اقدر عليه

لكن المسألة مسأله مبداء وتعاون وتفعيل لدور المواطن وتوحيد كلمه الشعب ضد اي تاجر جشع يفكر يرفع الاسعار بدون سبب

خليتيني اتفلسف وانا ما ودي . .


شكرا لمرورك

سبحااااااااان الله العظيم

شوف الوزارة الطيبة تدخلت سبحان الله عشان ريال تدخلت الوزارة بكبرها
تحولون تستغفلون الشعب عشان ريال ....... للمعلومية المقاطعة ليست بسبب ريال

لكن بسبب ان الشعب بدء يفهم قيمة المقاطعة وتأثيرها

وينكم ياوزارة التجارة يوم الارتفاعات الكبيرة في الارز والسكر والحليب الارز ارتفع اكثر من 120% الآن تحركتوا بسبب ريال

سبحان الله العظيم

سنقاطعهم ومن على شاكلتهم من التجار الى الامام الى الامام


اعجبني كلامه ونقلته لكم

هههههههههههههههههههههههَ

كفو والله َ يآ آبو رآئدْ ..

آسكتهمَ جميعآ ..

هوَ وربعهَ يبون يقآطعوَن وصآدقينَ ..

آومآ سآلفة الهلال قويهَ ..

كلش َ الا الهلال خخخخخَ ..

الدنيآ الحين كلهآ غلاَ ..

الله يعينَ بسسَ :(

....
والله مالقــآهـآ إلـآ ششركةة نـآدك

مشهد حصل اليوم في احدى السوبرماركتات

شخص معه ورقة مقاضي ويدف عربيه مليانه اغراض

يطالع فيها ويعد ويحسب

وماشي مكندس رأسه على الورقه

وصل لثلاجة المراعي الخاصة بمنتجاتها ومنتجات الصافي

" دائم مع بعض منتجات الشركتين"

جلس يبحث ويحوس وصرخ يا رفيق ..فين لبن نادك

قال الهندي هازا مراعي اليوم

رد الأخ خلي مراعي يولي فين نادك أو لبن ثاني غير مراعي صافي

قال الهندي مافيه ليش زئلان هازا يرجع سعر قديم

رد الحبيب عليه ..يرجع والا مايرجع ماني شاري لو بوأحد ريال لبنهم أو حليبهم

وعشان انته بس يبيع مراعي وصافي ..انا ماشري منك اغراض ..خذ رجعها

وترك عربيته وخرج من المحل ..والله العظيم اقشعر جسمي من موقفه ماشاء الله عليه

انا ماكذبت خبر ورحت اشرح لبو هنود السالفه وان رمضان قريب

اذا بس بتجيب مراعي وصافي محد جايك يتقضى أنت ورأسك

قال خذ رقم جوال مدير ..كلمت المدير وشرحت له الحاصل .وقال والله العظيم مرتبطين بعقد مع الشركتين

وان شاء الله قبل رمضان اذا استمر الوضع زي ماهو عليه

راح نلغي العقود معها ونجيب منتجات اخرى وسئلني وش افضل البان في نظرك

ماكذبت خبر قلت مايبي لها كلأم

نادك

تكفون يالربع واصلو المقاطعه ..الهدف أكبر من مقاطعة منتجات المراعي والصافي

الهدف هو ان نتحد على من يسرقنا مستقبلاً



منقووووول

من يلومهم قبل شهر مسوين زواج خيري جماعي اكثر من 100 عريس على نفقتهم وقبل اسابيع مسوين حفل قفز الحواجز للخيل في الرياض وقبله سباق بالشرقية وحائل على حسابهم وزعو الجوائز وديورو علينا كسبو السمعة عند المسؤولين في الجانب الاجتماعي والرياضي والاعلامي والجانب المعيشي مايهم.حسابيا سددت الفاتورة يالمراعي .