سواليف الضحى العااااالي

ايييه يالدنيا الله اكبر عليتس تغيرتي

الزمن ما تغير الاوادم هي اللي تغيرت

ماشاء الله عليك هبوب كلامك عجيب والله

مدونة ممتعه سارسو فيها دائما وابدا واقرا افكارك واهتماماتك


بنت تمير ’’’’

الله ييحيتس يا بنت تمير بيتس الثاني

ويشرفني حضورك بعد

آكلين وشاربين ونايمين ومصلين اللهم لك الحمد امن وامان وطاعت رحمان

احمدوا ربكم واشكروه كل ما اصبحتم وكل ما امسيتم

وقال الله تعالى عن سليمان -عليه السلام-: (قال هذا من فضل ربي ليبلوني أأشكر أم أكفر ومن شكر فإنما يشكر لنفسه ومن كفر فإن ربي غني كريم)

صبحكم الله بالخير

وراحت علي نومه اليوم

بدينا السهر وبدا يكثر النوم

ما يصير يا هبوب الريح لا تخرب روحك

مقتطفاات هبوب ليوم الاربعاء

لاتلوموني على النوم اليوم لأن الله يسلمكم الاربعاء هذا نحسبله الف حساب

اهل الرياض بيجون اليوم والبيت بيمتلي من بزارين وحريم ورجاجيل كالعادة الخميس والجمعة منكض البيت كض

اذا جاء يوم الخميس مر من عند الخبازين وش اللي يشري خبز بسبعه ريال واكثر ترى اهل الرياض عندهم ومرقة الفطور كبر مطبخية العزايم

هم مرقتهم مع الغداء وحنا فطور وعشاء

الله يصلح الذرية والعطا

القصااب مسكر ولا عنده لحم

والدجاج مخلص وهذي ازمه نعاني منها في هذه الديرة

غلاء المعيشة مرتفع والدراهم مب مثل اول تشتري ويفذ دراهم وريالنا معاد له قيمه مدري ليش....؟؟؟؟؟

نصيحه مجاني

الحين صندوق التنمية العقاري بيعطيك خمسمية الف وقسطها الشهري الف وستميه لمدة خمسة وعشرين سنة ؟؟؟؟؟

من وين تسدد بعد التقاعد؟؟؟ اذا صار راتبك شوي بعد التقاعد

انتظروا الحل ؟

الحل يالربع

صمم بيت لك يكون فيه شقتين مسروقات في الدور الثاني والسطح خلك مثل اهل الرياض

ترى الوضع تغير يالربع فكروا بالمستقبل

لايصير فكركم عند طرف خشومكم

واجار الشقق تغير في سدير مب مثل اول

منول اجار الشقق 7000 الاف ريال

اما الحين بـ 15000 الف ريال حيفال مار تسدد بنك العقاري