نسائم نسيم

جنيه الذهب مابيك تسهر وحيد
،،،،،،،،،،،،،،،،،،وانا اسهر مع اللي باع واللي شرا

الحياة صعبه وكل انسان يعيش مشاكل وهذا شي طبيعي لكن الفرق يكون في الشخص بعضهم همومه تصل الى الشرق الاوسط ولو تنشد اي واحد عرف مشكلته دايم يشكي مشاكله ومشغل خلق الله معه، والبعض الاخر عنده من المشاكل والضغوطات والعوائق مايتحملها مية رجال واذا جلست معه كأنه مالك مال قارون والابتسامة ماتفارقه ولايريد احد ان يعلم بما فيه وعايش مع الناس وساتر الله عليه .
الحمدلله على كل حال

الحمد لله على كل حال
انا الحمد لله من النوع الي مايوضح شي , منب مستفيد الا النقد وهذء الي حاصل !

صبحك الله بالخير ياعمدتنا
وكل عام وأنت بخير .
وأرجو أن تكون ترفل بثياب الصحة والعافية ..

اقتباس: المشاركة الأصلية كتبت بواسطة -{ فَـِgقّ مَسْتـgآك •●    الحمد لله على كل حال انا الحمد لله من النوع الي مايوضح شي , منب مستفيد الا النقد وهذء الي حاصل !

الحمد لله.
هذا والله الصحيح ويحبونك الناس بعد اذا صرت وذف وضحوك .استمر على ذلك ولاتشكي الا لله والا على رجل يحس بك ويقضي لزومك بس .

اقتباس: المشاركة الأصلية كتبت بواسطة الدامياء    صبحك الله بالخير ياعمدتنا وكل عام وأنت بخير . وأرجو أن تكون ترفل بثياب الصحة والعافية ..

الله يصبحك بالخير ويرضى عليك يالدامياء.
وانت طيب وسالم ان شاء الله.
بشرني عنك وعن احوالك وان شاء الله انك مبسوط.
والله لك حق ان نبادرك السلام ونهنيك بالعيد لكن هذا تقصير مني، مدري نسيان مدري اني قمت اسج مدري وش جاني ؟
الله يوفقك ويرحم والديك وكل مسلم

الدنيا حلاها،،،،،،،،،،، الحب والتواصل والسلام .
تجي راضي ،وتروح مرضي عليك.
مرتاح الضمير .

حكمه اليوم من نسيم
(الشهره تجلب الكراهيه ،وتكثر الاعداء )

صدقت أخوي نسيم
البعض لديه إبداع وموهبة صقلها الرب سبحانه"ولا أحد ينكر إبداعه" لكنه مولع بالترزز وحب الشهرة وهذا الفعل يزيد في كراهية الناس له
والناس يانسيم ماعاد هي زي أول تعرف اللي يحب يترزز واللي يحب يتميلح،،
كل عام وأنت بخير ياصاحبي

كل سنه وانت طيب ياسمو الامير .
حب الظهور وحب الشهره هذا له جانب اخر وهو ماقصدته انت بكلامك الجميل بارك الله فيك.
لكن فيه ناس تسعى لهم الشهرة وهم بعيدين عنها في مجالهم ابتلتهم الشهره والاشاده لانهم ابدعوا واتقنوا وبُحث عنهم والجانب الاخراللي ذكرته ياسمو الامير هم الاعداء لهؤلأ المبدعين .
الامثله كثيره مثل مشاهير كرة القدم وقعوا مابين نار وغار وانت تشوف وتسمع التهم وتشويه السمعه والتقليل والشتم والى اخره.
تحياتي لك