نسائم نسيم

رمضان في الشتاء

الصوره ابلغ من الكلام...

الله يسلمك ياصديقي على الاضافة والتعديل وكل علومك طيبه الله يمد في عمرك

كل عام والجميع طيب والحمدلله اللي عيدنا وصمنا على خير.
من دخل العيد وحنا ماش ماعرفنا نقول شي ،ماعرفنا نحكي ،تقول صيّام.

في العيد تشوف انواع الزين والتكلف والتشخيص!!!!لكن هناك عدم تناسق في التركيبه للشخص وقل توفيق، بعضهم يحط سكسوكه وحالق الشنب صفر وبشرته سمراء فا السكسوسه ماتبين لذا اشوف انها غير مجديه بالنسبة لهذا الشخص.
وبعضهم يجيك مضيق الثوب مره وجسمه مترهل تقول مافيه عظم، والى من مشى تقول حلا الجلي وحالق الشنب ومطول الشعر صراحة ماتركب عليه ابد .

خخخخخخخخخخخخخخخخخ لاتدقق يانسومي خل العالم تطلع مواهبها في العيد
ماودنا نتعمق والا القربه مليانه خخخخخخخخ

اقتباس: المشاركة الأصلية كتبت بواسطة شر التماسيح    خخخخخخخخخخخخخخخخخ لاتدقق يانسومي خل العالم تطلع مواهبها في العيد ماودنا نتعمق والا القربه مليانه خخخخخخخخ

اثرك فيه.
لا ، من جد تراي والله ناصح للمتكلفين على الزين اي والله .بالله عليك يجي الواحد لابس بشت زين والشماغ من الاولات القديمه ابوطبعه سوداء ولونه احمر غامق ومبطي عنده ومن كثر الغسل ومرور الزمن صاير كنه بيز والعقال في اخر الراس والزرار مفتوح ماتجي ابد.
والا يجيك واحد لابس غتره بيضا!!!!!!!!!!!!!!!!!ياخي بعض الناس ماتركب له الغتره البيضاء،الغتره البيضاء تبي واحد ماشاء الله فيه عينة حلا شوي ووجه يميل للبياض والشعر خفيف لكن شنبات وغتره بيضاء .صعبه والله.

لا ومايدبل كبدك الا ذا اللي يجيك لابس سجاده مادري ستاره حقت العرضات الظاهر انها دقله مذهبه وتار عمره تقول جايب خبر العيد خخخخخخخخخ
وعلى قولتك الغتره البيضاء للناس الزيون قد خبرت شماغ يركب على مصري هذولا ربعنا يلبسون لبس مايناسب تضاريس وجيهم خخخخخخخ

اقتباس: المشاركة الأصلية كتبت بواسطة شر التماسيح    لا ومايدبل كبدك الا ذا اللي يجيك لابس سجاده مادري ستاره حقت العرضات الظاهر انها دقله مذهبه وتار عمره تقول جايب خبر العيد خخخخخخخخخ وعلى قولتك الغتره البيضاء للناس الزيون قد خبرت شماغ يركب على مصري هذولا ربعنا يلبسون لبس مايناسب تضاريس وجيهم خخخخخخخ

اما بدلة العرضه هذي ماله داعي .من وين يجيبونها؟تجيك تاكته تكت وحتى مشيهم من الميخ والزود يتغير كنه يبي يطير .
انا سمعت انهم يستاجرونها ههههههههههههههههههه.

ابكي على اطلال الليالي القديمة
،،،،،،،،،،،،،،،،،،،،،الى طرالك جوها فذكرني