نسائم نسيم

اولا .. كل عام و انت بخير يا نسيم ..

رابعا .. تركتني .. حيران .. صبا هائما ..
أرعى النجوم .. و انت في عيش هني ..

الموضوع كبير ان نخوض فيه يا نسيم .. فلكل حالة مقالها .. فالتعميم هنا غير مفيد

و التخصيص .. غير ممكن ..

ولكن الحب لذة من ملذات الدنيا .. الحب يجمع الاحترام و الرحمة و التقدير و التضحية و الصدق ..

و البعد .. يا يقتل الحب .. او يزيدهـ .. اذا كان في رجا عودة من يحب ..

والاشر .. ان يكون من طرف واحد .. مجهول النهاية .. ان صرحت به ما تدري وش تواليها

و ان سكت .. جاك سكته ..
.
.
موضوعك في غير وقته يا نسيم .. بالنسبة لحالي و للوقت ..

ولكن لازم لنا عودة عشان .. نمزمز براحتنا ..

حياة الوهم والامل وعدم قبول الواقع او عدم تحمل الحقيقة تكون عند العاشق دائما بين الرجاء والياس بعكس الانسان المادي اللي يبحث عن الفلوس على فكرة الانسان المادي تراه فاقد للعاطفة والاحساس خالي على قولهم من المراجل ولاحظوا في الواقع وتشوفون حتى اشكالهم اللهم لك الحمد ولبسهم وتعاملهم خالي من المرونه والتعاون ونظرته نظرة وحش مفترس يبي ياكل من حوله استغلالي مافي وجهه حياء او مروه لايعرف التعاون .
لكن اهل العشق ناس طيبين يملكون العطاء البذل التعاون.

كل سنة وانت طيب ياعصي الدمع والشهر مبارك.
اعرف ان الوقت غير مناسب لكن هذي مفاتيح وان شاء الله بعد هذا الشهر الفضيل لنا وقفات .
تحية لك خاصة ياعصي الدمع ولكل زائر

والله انك صدقت .. و اذكر هالكلام قلته لواحد من سنه تقريبا .. بالنص ..

العشاق .. فيهم عطف و لين جانب .. ابتسامة بروح العطاء .. لا يشك ولا يسئ الظن

رقة في الكلام و التعامل .. لا قيود .. لايهتم بقضايا الاخرين و يتدخل في وينهم ؟ وش سووا ؟

اييييييييييييه يا نسيم ..

ولي فؤاد اذا طال العذاب به .. هام اشتياقا الى لقيا معذبه

عصي الدمع ،،،،
مايدرون ،،،الناس ماتدري اذا قالوا ماخلق غيرها ،،،،،كثر التراب يدور غيرها.
كلن به جروح وبعض الشوق يضنيني
،،،،،،،،،،،،،،،،،،،،،،،،ياويش أسوي بقلب يصعب علاجه
غير أشتكي من هوى يبعد و يدنيني
،،،،،،،،،،،،،،،،،،،،،وأشكي من الليل لا منه غطى داجه
لأقعد على درب خلي وأنتظر حيني
،،،،،،،،،،،،،،،،،،،،،حتى يجيني القدر والدنيا غناجه
يا قمرا نورك يذكرني ويبكيني
،،،،،،،،،،،،،،،وياشمس قلبي على المزيون وهاجه
أوصيت منهو يحفر القبر ويذريني
،،،،،،،،،،،،يكتب على النصب مات وله بكم حاجه
الكلام هذا ماهوب مايقوله الانسان المادي اللي مايعرف الا كم سيمت او حدها ،والالة الحاسبة في مخباه يجمع ويكسر كم مربحه .

الناس في شهر عبادة وحريمنا كل يوم تعطينا اوراق نبي ونبي .
بيوتنا مليناه من النعمة لكن حنا للاسف الشديد ارض خصبه للي يدور الدراهم حنا مجتمع استهلاكي .
مقاضي رمضان!!!!!هههههههههه والله شي مضحك ،،مقاضي رمضان...طيب رمضان وش فرقه عن شعبان وشوال ؟
والمشكله الكبيرة انك ماتصل للحاجات المكتوبه لك من قبل الحريم الا بشق الانفس من الزحام الشديد.
مافيه امل نتطور ونتقدم ابد .

نسيم ..
استغلونا العثيم وبنده والدانوب ..
صرنا نروح للرياض والمجمعة على شان نوفر ستة وثلاثين ريال .. ونخسر ستمائة وثلاثين ريال في أشياء ماكنا ناوين نشريها ..

كل سنة وأنت طيب .. ورمضان مبارك ..

اقتباس: المشاركة الأصلية كتبت بواسطة المهند    نسيم .. استغلونا العثيم وبنده والدانوب .. صرنا نروح للرياض والمجمعة على شان نوفر ستة وثلاثين ريال .. ونخسر ستمائة وثلاثين ريال في أشياء ماكنا ناوين نشريها .. كل سنة وأنت طيب .. ورمضان مبارك ..

هلا بالمهند كل سنة وانت طيب والشهر مبارك.
استغلونا!!!!!!!!!!!!!!!!!!تكفى وش هالاكتشاف الخطير .استغلونا الا محتلينا وماهنينا مهن بتدبير هالمغفلات اللي ماترحم ابد ولاتقدر ظروف وغلا ومشاوير .ودي اسوق في غرشة التوت 15ريال ولا روح للرياض ولاغيره.
بقدونس بصل اخضر كراث سمبوسه توست وثوم وامش .ياالله مطايا وبس .

المشكله كل المقاضي تروح في بطونكم خخخخخخخخخخ

اقتباس: ودي اسوق في غرشة التوت 15ريال ولا روح للرياض ولاغيره.

هههههههههههههههههههههههه
الله يرجك ؛
ودي تشوف النآس وشلون تطآق على غرآش التوت ان جآءهآ تخفيضْ

اقتباس: المشكله كل المقاضي تروح في بطونكم خخخخخخخخخخ

وهذي المشكلة ياتمسآح