ܔ ضيــف ܔ في ضيافة همس القوافي _ ღ ღ

اقتباس: المشاركة الأصلية كتبت بواسطة مسلفه الراجحي    أبوحمد يشرفنا تكون أحد ضيوف هذا الموضوع بأنتظارك

مشكوره اختي مسلفه على الاستضافه
ويسعدني ويشرفني اشارك بموضوع مميز مثل هالموضوع
لي عوده ان شاء الله..

بسم الله نبداء

1- ماهــي عــــلاقتك بالشــــعر؟!!
علاقتي به علاقه مزاجيه..
2-مـــن هـــو شــــاعرك المفضــــل ؟!!

مافيه شاعر معين اسمع لكل ماهو مميز ..

3- اعضاء فــــي تمير تثق فــي ذائقتــــهم الشعـــــريه ؟!!
شموخ انثى كانت ذو ذوق جميل ورائع..

4- بيـــت شعـــر تهــــديه لعضــــو؟!!
ما فيه الا هالقصيده وكامله..

سلام الله يا مسافر عن عيوني سلام أحـزان
سترت بخافقي كل الجروح ولوعـة أحزانـي

صدق من قالها قبلي ياليت اللي جرى ماكان
ويا ليت اللي شرب كاس الغرام يحذّر الثانـي

دخيل الشعر وعيون القصيد ولهفة الولهـان
دخيل الليل لا نام الظـلام وغـاب سجانـي

شكيت الهم لامواج الخليج ورد لـي ظميـان
شكيته للغياب اللي شرب مـن دم شريانـي

عبث كل الكلام اللي رضع ثدي الهيام اشجان
يغيره الزمان اللـي تلبّـس ثـوب حرمانـي

زعلت وقلت في نفسي أبرسل دمعتي عنوان
لقيتك داله بيـن الغـرور وبيـن هجرانـي

علامك تركب امواج العناد وتعشق التجنـان
علامك تعزف ألحان الوداع بنوتـة ألحانـي

كتبت لخاطرك سحر الحروف وصرت لك فنان
سهرت وخلق ربي في لذيذ النـوم وحدانـي

تصورت الغلا رغم البطا وسط الحشا سكّـان
لقيته ينمحي مثل السـراب وكـن ماكانـي

تخيلتك مثـل ورد الربيـع وسحـره الفتـان
تخيلتك مثل غيم الجنـوب وحسـن ربانـي

تمنيتك جليسي والجليـس يعلـل السهـران
تعال وشب من ليل القصيد وحـرّك أشجانـي

وعد مني لاغني لك على كل الطروق ألـوان
قصايد عشـق ماغنّـى بهـا نـزار قبانـي

5- بيــــت شعـــــر يحـــــضرك دائمــــاً ؟!!

لاتشتكي من جوور الايام للناس
***************** وادفن همومك في ثرى الصمت كله

وايضاً>>>

بعض المواقف تجي وتروح ما تبقي
وبعض المواقف جرحها بالعمر باقي

يا صاحبي معي لا تتعب ولا تشقي
يتبدل الوقت ولاخلاقي هي اخلاقي

ان جيت ارحب وان ما جيت تبقي
انت اكثر انسان عزيته من اعماقي

6- قصيــده تعدهـــــا مــن اروع القصـــــائد ؟!!


((نجوم اليتم))

قصيده للشاعره منيره الحمد رثاء في والدها الشيخ حمد المبارك
رحمه الله
ودع حبيبي..واسلم الروح ..وارتاح
وانا على فرقى الحبايب.. حزانا

الشمس غابت..والقمر بعدها راح

وصرنا نجوم الليتم واظلـم سمانا

عذب الندا..فقده على القلب ذباح

"يمه".."يبه"..ماعاد تنطق شفانا

الله..يا دنـيـا الفـنا كلك جراح

هم يقابلنا..وهم..ورانا

ودع حبيب الناس..كساب الامداح

حضر ..وبدو..تقبلوا به عزانا

وجه سموح ..وللخـطا دوم دمـاح

وفارس على خيل الكرم.. له ديانا

سجل زمان الشح..جوده بالالواح

يا ما..بفعله..في زمانه..تفانا

لماح..مجلس لاكمل الراي..وضاح

سباح في بحـر الجـمـايل..زمانا

عاش بدوي.. يفخراذا قيل..فلاح

شيخ على حلواالشمايل..غدانا

يبكي علـيه الطـيب ويـبكـيه الاصلاح

وتبكيه عين اللي من "الضنك "عانى

كل القلوب الي بكت موتـه..وشاح

يحكي لنا عن سيرته..ما خفانا

خلف صقور..صيتها بارقه لاح

فيهم عزانا..يوم ودع غلانا

لي شفتهم قدامي ..الضيق ينزاح

ريح الحبايب..ما تفارق فضانا

يالله عسى الجنه..لهم بيت وامراح

قي عالي الفردوس..خير المكانا

في رحـمتـك يـا مجلـي ليـل الاتراح

يا سامع الدعوات..تقبل ادعانا

لا تحسبون الشعـر بيـديننا سـلاح

مـاهوب دايم في المواقف معانا

وقف نفس حرفي من اوجاعي وطاح

عجزه خذلني ..عن شعوري توانى

من يوم ودعت الحبيبين ..ما فاح

عطره..ولا تروي عـيونه ضمـانا

الشاعره منيره الحمد

7- هــــل لك محـــــاولات فـــي كتـــــابه الشعـــــر ؟!!

لي محاولات بسيطه لم تستمر ..

8- لك مســـــاحه بـــلا حــــدود
وحــــريه بلا قيــــود
امتعـــــنا بقصيــــده علــــى ذوقـك؟!!

ابشروا
مايملي عيون الحسود بهالزمن غيـر التـراب = ومن لا يتوب من الخطا تحـرم عليـه المعـذرة
اللي من أولهـا خـراب أكيـد تاليهـا خـراب = والبنـدق اللـي ماتثـور بهدفـهـا تـذعـره
ودك ليا من جاتك الغلطة من النـاس القـراب = الصاحب اللـي ماكسبـت محبتـه ماتخسـره
مشكلتي إني ماعرفت أحسب لصدتهـم حسـاب = قلطتهم صدري على ذكـرى قصيـد وحنجـرة
صوتٍ يصول منبره وخطـاب ما مثلـه خطـاب = والطيبة اللي زعزعت صوت الخطيب ومنبـره
ما في دمعٍ صوبـوه أحبابـي بوجهـي وخـاب = ولا زرق حزني على غالـي ولا فـج أنحـره
كل الزهاب اللي معي ذكرى من أصحاب الزهاب = واللي بقا لي من عذاب أشرس طريقي وأخطره
لأني تجنبت الغرق, عديت من فـوق السحـاب = لأن أكثر أصحابي ورق ماشفت للطيـب ثمـره
والله ماحطيت بيـن الحقـد والخـوة حجـاب = حتى غدو ربعي يحدوني على الضيـق أشكـره
البارحة ثارت علي أرقـاب و آوتنـي أرقـاب = البارحـة وياثقـل دم الـبـارح ويا محـقـره
أثر المصايب ماتجيك إلا مـن النـاس القـراب = وبهالزمن حتى الخوي اللي تثق فيـه إحـذره
هب يا وجه الحسـد وشلـون جمعهـم وغـاب؟ = كيف السنين اللـي عطتنـي بعثرتهـم بعثـره؟
لا بارك الله في رفيـقٍ تزعلـه كلمـة عتـاب = ولاجمّـع الله الرجـال اللـي تفرقهـم مــره
الصاحب اللي مايجي من صحبته غير العـذاب = نذرٍ علي إن ما هجرني ولا أنـا اللـي بهجـره
من يفتح لفرقاي باب أفك لـه عشريـن بـاب = وإذا خويـي مايقـدر خوتـي مــا أقــدره
عودت نفسـي كـل ماشـددت لليمـه ركـاب = ما صد وجهي عن طمـوح إلا ليا جبـت خبـره
إن روحو فأنا بـريء منهـم ليـوم الحسـاب = وإن جرّحو قولوا لهـم ماحركـو فـيّ شعـره
شفهم لهم حول السنة ولا خـذو منـي جـواب = أحـسـن دوا لـلـي يستـفـزك تـحـقـره
ماكنت أحاتيهم صغير, عـاد أحاتيهـم شبـاب! = الصاحب اللي مأذخره لليوم الأسود ما أذخـره
شفني جمّعت أوراقهم بكتاب وأغلقـت الكتـاب = يا وقت لـم اللـي تلمـه وأنثـر اللـي تنثـره
اللي يخاف من الظما يترك لنا طـرد السـراب = واللي ما هو بقد الظـلام و وحشتـه لا يسهـره
عقب إكتئاب البارحة ماعاد أنا حمـل إكتئـاب = الطيب جرجرني وأنا مانـي بناقـص جرجـره
أنا تجرعت الظما ليـن إحتـرق وجهـي وذاب = أنا كسرت بخاطـري قبـل الصداقـة تكسـره
أنا خسرت اللي غيابه غير عـن كـل الغيـاب = أنـا غفـرت لعالـم ماتستـحـق المغـفـرة
أنا أكثر إنسان تعلم من كثر ما أخطـا وصـاب = أنا آخر لسـان يتكلـم فـي زمـان الثرثـرة
أنا القصيد اللي فزع من دفتـره مليـون نـاب = وأنا الوحيد اللي جمـع مليـون نـاب بدفتـره
جفني وجرحه السهر وحيلي هدتـه الصعـاب = دمعي هدر, ضحكي ندر, عمري وضيعت أكثره
شيبت بعقول العـرب, هيبـت روسٍ ماتهـاب = جمهرة نـاسٍ عمرهـم مايعرفـون الجمهـرة
ماصرت ذيـب إلا لأن اللـي تحدونـي ذيـاب = ما كنت أغيـب إلا لأن العفـو عنـد المقـدرة
ترا حلاتك لا حملـت لصاحبـك كلمـة عتـاب = إن مانطقـت بهـا بوجهـه, ما تذمـه بظهـره
بهالزمن مايملي عيـون الحسـود إلا التـراب = ولا الحظيظ الطلقة اللـي مـا تصيبـه تذعـره
ودك اليامن جاتك الغلطة من النـاس القـراب = الصاحب اللـي ماكسبـت محبتـه ماتخسـره

وتقبلوا تحياتي
ابو حمد..

؛؛

السلام عليكم

و لك من التحايا مثلها . .

و اتحفتنا يــ أبوحمد . . بذوقك و اختياراتك . .

و حلوه ابياتك يالشاعر . .

؛؛

؛؛

الف شكر اختى مسلفه على استضافه هرجل المبدع من خلال قرايتي لاجوبته عرفت ان اخونا ابو حمد شاعر وله ذائقه شعريه مميزه مختلفه عن الباقين

الله يديم المحبه والاخوه

نسيم متى دوره؟؟؟؟هههههههههههههههههه

يعطيك الف عافيه انتى والاخ ابو حمد

استمتعنا بذائقتك الشعريه يابو حمد

ولاهنت ويعطيك الف عافيه

يعطيك العافيه مسلفه على استضافه ابو حمد
مبدع واختيارك للابيات رائع

اقتباس: المشاركة الأصلية كتبت بواسطة عصي الدمع    ؛؛ السلام عليكم و لك من التحايا مثلها . . و اتحفتنا يــ أبوحمد . . بذوقك و اختياراتك . . و حلوه ابياتك يالشاعر . . ؛؛ ؛؛

هلابك اخوي عصي الدمع

تراها بيتين لا تكبرها في راسي ..


تحياتي لك..

اقتباس: المشاركة الأصلية كتبت بواسطة أهلاوي    الف شكر اختى مسلفه على استضافه هرجل المبدع من خلال قرايتي لاجوبته عرفت ان اخونا ابو حمد شاعر وله ذائقه شعريه مميزه مختلفه عن الباقين الله يديم المحبه والاخوه نسيم متى دوره؟؟؟؟هههههههههههههههههه يعطيك الف عافيه انتى والاخ ابو حمد

وين شاعر معه الشعر يبيله جلد ويبيله ناس تردده..
وانا من الاساس ما احفظ..
هلابك يا اهلاوي والله يعافيك..

اقتباس: المشاركة الأصلية كتبت بواسطة طير شلوى    استمتعنا بذائقتك الشعريه يابو حمد ولاهنت ويعطيك الف عافيه

هلا بك يا طير شلوى

والله يعافيك

تحياتي لك..

اقتباس: المشاركة الأصلية كتبت بواسطة سويد السويدي    يعطيك العافيه مسلفه على استضافه ابو حمد مبدع واختيارك للابيات رائع

الله يعافيك يا سويد وكل الشكر لوجودك
تحياتي لك..