●• خزآمىَ الصَحآرى « للشعْر والخَوآطرْ !

لا تلومني لا جيتك بـ طفرة احساس !
ليتك تشوف اقبالك شلون صاير ..

اشعاع وجهك وانت في زحمة الناس
شمس العصر لا جات بين العماير !

ماكل كلمة داخل الصدر .. تنقال
بعض الحروف تموت ضيم وغبينه !

قالوا تصبّر والأماني لها جال !
طيّب صبرنا لكن الجال .. وينه !؟

ليت حبك بإختياري وأستخير
وأترك الأيام … في مشوارها !

جيتني صدفة ، وحبيتك كثير
والصدف مافيه أحد يختارها !

تضيق لكن عند ربك فرجها
… والله كفيل الخلق تاجر ومحتاج

سامع دعاويها ورافع حرجها
… ماحط له عن دعوة العبد مزلاج

يارب انا المخطي اللي قيدته الذنوب
واسرف بنفسه ، وحملها مالا يُحتمل

استغفرك من خطا نفسي وذنبي واتوب
واسألك عفوك ، وغفرانك ، وخير العمل

هلا بصاحب عزة النفس والجود
اللي تسعد النفس ساعه وصاله..

لو يبتعد عنا على البال موجود
ذكره على الخاطر برغم انشغاله ..

فاحت ورود الشوق من قلب مغليك
تحضن مشاعر خآطرك في حياتك

أرتاح لك ... وأرتاح لأسمك وطاريك
و أحب ، همسات الغـلا في كلامك.

ان ماتت الذكرى على صفحة الأمس
تعيش مع رش المطر لا نعشها

ودمع الغيوم اللي بكا هجرة الشمس
ماهوب مروي جوع الارض وعطشها

يا راعي الكيف والفنجال والدله
تعال أقهويك من كيفي بفنجالي

بآصب لك كيف والثاني رديف له
والثالث يسااق من غالي لغالي

الأمَل مجدآفْ وَ آلدنيآ سفِينَه
و آلوفآ مآهُو من أطبآع آلبحَر
آلليآلِي سُود وَ آلرحلَه حزِينه
وَ آليديّن قصآر لو طآل آلبصَر !