[ســجل دخولك وحضــورك ] بـــ بـــيـــت أو بيــتين شـعر

جيتك بكلمة .. كنّها صعقـة الويـل
إن قلت تكفـآ ... لا تهـآون بتكفـآ
تكفآ .. تراها كلمـةٍ تقطـم الحيـل
لا بالله الا تنسـف الحيـل نسـفـا
تكفآ.. تجنّبني هـل القـآل والقيـل
مانيب من ينكـف علـى كـل ملفـآ
تكفا .. ترى تكفـآ تـذّل الرجآجيـل
ولولا صروف الوقت ماقلت .. تكفـآ

ان شكيت الهم قالوا لي ذليل .........

وان كتمته ماسلمت من الملام...

الزين يذبح يالله المخراج
......... وصد الحبايب موت ٍ مفاجي

والوضع ما يحتاج لاستنتاج
........ شوفه شفاي ووصله علاجي

أقول .. وألا أقول ما يحتاج
........ أحسن لي أسكت وأرجع أدراجي

يامن سوت عينه مخاليق وأجناس
ادخل على الله لا تزيد المواجع

ليت الزمان اللـي جبرنـي اخليـك

يمحي غلاك اللي بقى فـي فـؤادي

تعال خل المسافه .. والعتب والعذاب !
تعال ضم الحنايا ضَمّه ../ بلا .. وعي !

لك مدة وانت تكرر خطاياك
ماني بجاهل تزعله ثم ترضيه

في الحب عز النفس شرعي وديني

ومن لا رفع راسه فملزوم ينداس

شفتك معه وأقفيت عنكم وصديت
....... أخاف أموت من القهر في مكاني

مبعد ولابك ياهوى البال ظنيت
........... إنك تعاشر بالهوى خـل ثانـي

وشفتك تناظرني وأنا عنك قفيت
....... مقهور راحت منك عشري ثماني

ياليتني ماجيت شفـقٍ ومريـت
........وماشفت شوفٍ زاد منه أمتحاني

يامرخص الغالين بالحب ياليـت
..........أني عرفت نهايتك من زمانـي

وياليتني ماطعت نفسي وحبيـت
...........حبٍ علـى ذل الغـرام يحدانـي

واليوم لك بينت يا زين ما أخفيت
.........ومن كل قلبي لك رفعت التهاني

افتح شبابيك الهوى جيتـك اليـوم
باحساس من زود الوله كني اطيـر
جيتك مثل طفلٍ لـه أيـام محـروم
عن حضن أمـه بعدتـه المقاديـر
وجيتك مثل عودٍ له أيـام مهمـوم
وده يلاقي بأخـر الوقـت تقديـر
وجيتك حضن عاشق وهايم ومغروم
وده يضمك لين تصبح على خيـر
متى تحس أن الهوى شي مقسـوم
من قسمة الخالق على خلقه يصير
ومتى تحس أني لك أطيـح وأقـوم
واتعب على شانك وأقدرك وآغيـر
لي في هواك أحلام وآمال وعلـوم
وأحزاب وأصحاب وقصيد وجماهير
وهموم وأفكار وهواجيس وحلـوم
ودروب وأخطار وعذاب ومشاويـر
وحب وغلا وإخلاص ومعاند ولـوم
وإحساس والهام وشعور وتفاكيـر
وصحبة سهر ومقاطعة لذة النـوم
وأشواق جياشة وعشـق وتعابيـر
في ذمتك مابان لـك شـي مكتـوم
من بعد ماصورت الأوضاع تصوير
لاتحسب انك شي عابـر ومعـدوم
وتاريخ حبك فاق كـل الأساطيـر
في كل شي أتخيلك وأسمعـك دوم
وأتأملك في الوقـت الأول ولآخيـر
من ماضي الأيـام لايومـك اليـوم
وغلاك عندي ماحصل فيـه تغييـر
وانا لك الله ما اقبل البيع والسـوم
ولا ارضى علي ولاعليك المخاسير
لاْني الوحيد اللي على بحرك يعوم
واللي عرف مرساه في رحلة السير
لحظه حبيبي قبل يسبقنـي النـوم
بضم صدرك لين تصبح على خيـر