▌ .. عزآه , يَ حلمَ معكَ مآتحقق ¬ • أقل مآبه لوَ مصَآفح يَدينكَ ! ♥ [ مسآحة خآصة للبدر ّ ]

ليت ..
الشوآرع / تجمع إثنين صدفه ؟

سامحينا يالمحبة .. لو جرحنا وانجرحنا ..
سامحينا لو نسينا .. في الهوى ضحكة فرحنا

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينة ..
أجمل ألوان الغروب ..
ناظري ضيّ الحوانيت القديمة ..
ونقش أبواب البيوت ..
كلها شعر ومواعيدٍ قديمة ..
وصوت قلبـي اللي يموت .. وما يموت ..

المحبة أرض والفرقا أراضي
والزمن كله ترى لاغبت ماضي !
..
قالوا العـذّال والعـذّال مرضى
وش بلا حالك من الاشواق قاضي ؟
قلت يهجرني حبيبي لين يرضى : (
علّموا الظالم ترى المظلوم راضي

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له ف قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
ف طرف ثُوبك له دما ..
يا خٌوفتي .. اللي سبح في نهرك الجَارف ..
غدا موته ظما ..

سيدي قم
مآ خبرت آللي يحب يشتهي النوم ..!

ثقلت خطاي

ثـقلت خـطاي وكـن الايـام فوقي
صـخر الجبال وتحتي الريح والعج

لا والله الا صـار مـا ارجيه عوقي
غـير الـذي عـن طلبته ما تحرج

يـا الله يـا مضوي السما بالبروقي
ويـا مـخرج وبل السحابه من اللج

تـمطرني بـرحمتك وتـفك عوقي
وتجعل لي من الضيقات والهم مخرج

أنـا مـثل حـر تـخاطف سبوقي
يـد الـعمر والياس والحظ الاعرج

كـم غـارة صـاليت وافـتك نوقي
وكـم طعنه عانيت من غير ما احتج

ويـاما رفـيت مـن الـليالي فتوقي
ويـاما عطيت وللعطا كنت الاحوج

مـرحوم يـا من شيمته في عروقي
دم وفــي فـكري سـجاياه مـنهج

مـشيت دربـك لـين وقف خفوقي
مـن الـتعب مبعدك يا الفجر الابلج

لا تظنّ المسآفر من يسوقْ الرّحول

.................... من وقف دون حلمه عآجزٍ مآ رحل

ومآ لمخلوق منجى في الحذر والجفول

....................مآ تصيب السهآم ولا يطيش الآجل

اللّيالي خوات .. مير منّهي البتول ؟!

..................... والحوآدث عشآير .. مير وين الفحل ؟!

ليلةٍ لك .. وليلةٍ بالفرح مآ تطول

.................... وليلةٍ من شهدها ذب رآس الجبل

اه من ليل التجافي ماطوله
ليله العاَشق .. ثواَنيهاََ ليال
من يقول الشمس باكر مقبله
كل شمسً مالها وجهك ظلال ..!
كل شمسً مالها وجهك ظلال ..!

حبيبي ما خبرت الدمع يرقا وجنة المشطون

ذليل الدمع .. لابد يتحدر لو رفع راسه

بقالي عزتي ياللي على اللي ما سواها تمون

وأظنك ما سمعت بعاشقٍ قلبه عصى وداسه

أنا الحطاب في قاعٍ جرد ما به شمع وغصون

حداه البرد والليل الطويل وشب فاسه