حملة مقاطعة شركة المراعي في السعودية

تبي الصدق ... يا أبو رائد ...

هونت عن المقاطعة ...

كل ما شريت شيء لقيته تبع المراعي ...

أموت جوع يعني ...

وبعدين الأمير سلطان بن محمد .. رجال فيه خير وراعي خير ..

ويكفي دعمه للمشاريع الخيرية ومنها جمعية البر الخيرية في تمير ...

خله يرفع السعر شوي ... على شان يطلع الدراهم غصب من بعض اللي يمسكون الريال ويحبون اللبن ..

اقتباس: المشاركة الأصلية كتبت بواسطة المهند    تبي الصدق ... يا أبو رائد ... هونت عن المقاطعة ... كل ما شريت شيء لقيته تبع المراعي ... أموت جوع يعني ... وبعدين الأمير سلطان بن محمد .. رجال فيه خير وراعي خير .. ويكفي دعمه للمشاريع الخيرية ومنها جمعية البر الخيرية في تمير ... خله يرفع السعر شوي ... على شان يطلع الدراهم غصب من بعض اللي يمسكون الريال ويحبون اللبن ..

افااااااااا

عدل بدل يا ابو مهند

لا تتراجع خلك قد كلمتك الاولى

وش قلب رااااااسك

اكيد دفعوا لك

بنعطيك اكثر منهم

والله العاااااالم في جميع المنتديااااااات شابين في الشركة لانها سبب وسباقه لارتفاع الدجاااااج المبرد والالبان والزبدة والحليب

تدري ان تكلفة انتاج اللتر لا تتجاوز 1,5 ريال ونصف ويباع بـ 7 ولا هم مكفيهم !!


وبعدين وش دخل اللي يمسكون الريال يعني اللي بيشتريه بـ 7 مهيب رادته يدفع 8 ولكن الحين السااااالفه صارت سالفه مبداء

المهم باقي نص ساعة ويسكرون المحلات الحق على لبن المراعي . .

ابو مهند شف اكبر دليل على استغلال السعودين
تم رفع سعر اللبن فقط في السعودية ؟!
والبحرين والامارات لم يتم رفع السعر !!

ابو رائد ..كيف حالك

وش جاك علينا...افااا مالقيت غير المراعي

والله انهم حبوبين وبعدين اذارفعوو السعر زادت اسهمنا ...ان شاء الله رابحين

عليكم بغيرنا تكفا.خلنا نترزق الله>>>شكلي ابصيح

اقتباس: الحمدالله والشكر لله شعب فاضي مالقى شغله الا على المراعي عشان ارتفع سعره ريال واحد وينكم عن الرز مرتفع 120 ريال حليب الاطفال 8 ريال الاغنام من 250 الى 1000 ريال زياده 750 ريال شعب مستحيل يسوي مقاطعه وراضي بكل الزياده

صدقت والله

اقتباس: السبب واضح ؟؟ الهلال يبي يجيب لاعب ((عالمي ))قالو نرفع سعر اللبن والحليب على المواطن

ههههه اذا كذا ابشر بعز المقاطعه

يقولون إن التجارة منعتهم من رفع السعر فوق 7 ريال . والظاهر إن هالقرار جاء بالتنسيق مع المراعي بعد خسائرها من تكدس منتجاتها في الأسواق
لكن يجب أن نستمر في مقاطعة هالشركة للابد حتى لو تبيع ب5ربال علشان تكون عبرة لها ولغيرها
والحمد لله البدائل موجودة من الشركات الأخرى وبجودة أفضل

اقتباس: المشاركة الأصلية كتبت بواسطة نقا الكرم    يقولون إن التجارة منعتهم من رفع السعر فوق 7 ريال . والظاهر إن هالقرار جاء بالتنسيق مع المراعي بعد خسائرها من تكدس منتجاتها في الأسواق لكن يجب أن نستمر في مقاطعة هالشركة للابد حتى لو تبيع ب5ربال علشان تكون عبرة لها ولغيرها والحمد لله البدائل موجودة من الشركات الأخرى وبجودة أفضل

ايه علم ابو مهند مسيكين ما مقدر يقاوم لبن المراعي في بداية المقاطعه كان معنا ثم ما ادري وش جاه . .

ترى حتى احنا نحب منتجات المراعي ولا نتعداها لكن ما نبغى شركة المراعي تستغلنا وترفع الاسعار والشركات الثانية ما تصدق خبر وترفع الاسعااااار معها . .

شف نتائج المقاطعه خلال فقط اقل من اسبوع رجعت الشركة اسعارها بعد مقاطعه شرسه من المواطنين . .

مشكله المراعي الحين ان الشعب بيقاطعونه حتى بعد ما نزلت سعر اللبن لسعره القديم وما راح يشترونه الا بخمسه ريال

والمقاطعه راااااح تكون على جميع منتجات شركة المراعي . .

انا اليوم في هيبربنده والله رفوف المراعي مليانه والتواريخ قديمه ونااااادك شبه فااااااضيه . .

حسيت اني كثرت الكلام ومتحمس صح

المهم نبغى فزعتكم في المقاطعه وعلموا اللي حولكم والبدائل موجودة