مأزالت الحوادث مستمره في دوار الموت (دوار الدفاع)

الدوار هذا جاب لي الدوار

شقراء كلها دوارات ومع ذلك ماشفت اي خطر وانا امشي في شوارعها
وهالدوار كل يوم اقول ابجيب خبر العيد فيه
الله يستر

سيبقى هذا الدوار حتى تقع الكارثة ويذهب احدنا فيه
واقول لكم جميعا لا تنتظروا الضحية القادمة بل عجلوا بالحل
فالضحية في الطريق قادم
(يا تلحقون عليه يا ماتلحقون )
الله يلطف ويرحمنا برحمته

اقتباس: المشاركة الأصلية كتبت بواسطة عبدالعزيز الهزاع    الحين الرجال على كلام الشهود يقولون طاير بين السما والارض وش ذنب الدوار في الحادث؟ بعدين تخيلو على سرعته الجنونيه هذي وقبل لا يحطون الدوار ايام كان تقاطع طلع له سياره من الشارع الثاني وصدم فيه وصارت البلوى ثنتين هل بنجي نقول الخطأ من التقاطع شيلوه؟ حكمو عقولكم شوي وركزو على صاحب السياره الي يمشي ميتين ولا في طريق الرياض السريع

اما ربعك بهالديره يحكمون عقولهم (ايه هين)
ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه


وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

هذا بدل ما تقول الحمد لله على سلامته تقول يستاهل ونص ما تجي منك هالكلمه

علم ثاني ما قد شفنا دوار في ملف ابد والبلديه شغلها ما يجي كامل لابد من نواقص

لكن قد يكون هناك اشياء لا نعلمها نحن المواطنون

والله يكون في العووووون

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

الله يهديك يا ابو عبدالله ما عرفناك بهذه الصورة وش اللي غيرك

يا ريت تحمدت له بالسلامة ولم تقل كل دقه بتعليمه ترا عندك عيال الله يخليهم لك

ولا يشوفون مكروه يا رب .

الحقيقة التي تخاف منها ان هذا الدوار لم يخطط له نهائيا بل حط دوار وبس خلنا

نعيش مع العالم بمناظر خداعه ونحط دوار يعطي منظر والنتيجة حوادث بالكوم

الله يهديك للمره الثانيه وللمره الالف

البلديه مسوين فيها شغل واخر شي دوارات مال امها داعي
واحد رئيس بلدية مهب من اهل تمير وقاعد يسوي الي فراسه قاعد يسوي تجارب على ابناء الديرة

اقتباس: المشاركة الأصلية كتبت بواسطة عالم ثاني    اما ربعك بهالديره يحكمون عقولهم (ايه هين) ربك مع احترامي طايرين بالعجه والا هاللي صادم بالدوار او راعي البيجو او راعي الصالون قبله كلهم طايرين كنهم في سباق فوق الـ160 بشارع السرعه القانونيه فيه ما تتعدى 75 الا يستاهل ونص والله يستر عليه وعلى من معه الله يالدنيا غيرتك مجالس تمير عنا ..وصرت تتلكم وانت ماتدرى .. وادري ان نصكم مو عاجبه كلامي ( بس هذا هو الحق والا حنا تعودنا تشطح بالبلدية وخلاص)

لا ابشرك كلنا ماهو عاجبنا كلامك واحتفظ به لنفسك احسن ..

المشكلة تراها مشتركة
الدوار فيه خطأ وموقعه خطأ
والناس تسرع ولا تنتبه لمفاجآت الطريق
الله يستر على المسلمين

همسه
عالم ثاني
المفروض مايجي منك هالكلام ( مع تعديل المتحد ) !!!
انت رجال عاقل وحصيف

الدور فيه حاجه غلط لاحد يبرر
15 حادث مو معقوله الكل طاير
ياليت نشوف حل بدال التبرير الي ماله داعي
والله يستر على كل مسلم

قبل امس حادث الفجرفي الدواربس الله ستر على الرجال وبدال مايروح يداوم في الرياض
راح لصناعيه المنهاج..

ليتهم والله فكونا من دوراتهم الي ماجبت النا الا الحوادث ووجع الراس والشي جاي بالطريق
لو يعدلون الين باكر...