يوم في حياة عضو

ام منى الله يطول لك بعمر الوالده ويصلح لك ذريتك
اللهم امين
الله يحفظ لي امي وابوي ويخليهم لي والله يهدي عيالي ويوفقهم
وجزاك الله خيرا ولك بمثل ماقلت..

الله يعافيك ام منى استمتعنا معك بيومك والله يحفط لك اهلك من كل شر..

لحظات واعود لكم ...

اقتباس: المشاركة الأصلية كتبت بواسطة أبـوحـمـد    الله يعافيك ام منى استمتعنا معك بيومك والله يحفط لك اهلك من كل شر..

جزاك الله خيرا

اشكر الاخت احلام ورديه على الترشيح واليكم القصه ...

في يوم الاربعاء وانا جالس بالبيت >>> على المنتدى
جاني اتصال من شخص عزيز علي وقالي يالله نروح
لم القصيم ويوم ركبت معه نسيت البوك بالبيت
بس تدرون وين كنا فيه حول تفتيش الزلفي
ويقومون بالتفتيش وتفتيش السياره ويدقون برنت وما يصدقون اني اسمي افلان ولد فلان ونتحول لم قسم شرطة
الغاط الي الله لا يعيده من قسم اعوذ بالله
ناس بجم تقول جايهم ارهابي مكلبش اليدين والرجلين
بصراحه انا قلت عسى منيب ذابح احد اعوذ بالله
وندخل على الظابط قال هلا والله ومرحبا من وين جاين قلت من الرياض اهل الرياض
قلت هلا بكم والله قال وين رايحين انت وخويك
قلت ابد مسيرين على باريس نجد ويجيني القلم
يمشي مليون بصدري قلت يالعن ام الاحترام الي تعرفه
قام وقال الي ما يمشي بي اثباته يعتبر مجرم قلتله سجل
الرقم المدني وشيك على اسمي اذا بغيت تعرف من اكون
قال اقول اسكت ولو اسمع صوت والله لجدعك بالزنزانه
قلت الله يستر من الزنزانه اثر الرجال مطول ويقوم خوي
ويرجع لم الرياض وانا ما ادري عنه انه راجع لم الرياض
واقوم وانام لك ذيك الليله عندهم الله لا يعيدها من روحه
واقوم واقول بصوت عالي ياما في السجن مضاليم قال العسكري الي مستلم على باب السجن وش تقول قلت سلامتك ويقومون ويجيبون
العشاء الله يدوم النعمه يارب رز ابيض مافيه ملح ودجاج
ما انطبخ زين اقوله طيب جب جوالي بدق على الوالد
قال انت متسول قلت احترم الفاظك ويرتفع الظغط عندي 1000 قلت اسمع انت والله لو انك ادمي افصخ البدله وتعال ادخل >>> قطع ازرار عسكري عليه 6 شهور قلت اسمع الوعد المحكمه يوم السبت وانا اوريك على الفاظك القبيحه ويجي يوم الخميس الصبح ويدخلون علي واحد سكران والعياذ بالله ويقوم ويتلفظ على العسكري ويجونك يمشون مليون ويوطونه برجولهم ويجي خويي الصبح ويجيب الاثبات ويطلعوني وانتهت السالفه وارجع لم
الرياض وارفع خطاب عليهم وتنتهي السالفه ...

وارشح اخوي ابو حمد

هههههههه
بس ماودي اضحك اخاف يصير علي مثلك ياسويد
والله قهرني تصرفهم معك يآخي معروف السعودي من الاجنبي إلا كانك تشبه يماني خخخخ عشان كذى صرت متسلسل
الحمدلله على سلامتك ومادرينا عنك كان خليناك عندهم قصدي طلعناك من عندهم حللني لايصير لي ماصار لك .
دمت بخير

اقتباس: قلت ابد مسيرين على باريس نجد ويجيني القلم يمشي مليون بصدري قلت يالعن ام الاحترام الي تعرفه

من جدك َ والله
للأسف كان التعامل كذا ..!! وشئ غريب َ فعلا ً

اقتباس: المشاركة الأصلية كتبت بواسطة الموادع    هههههههه بس ماودي اضحك اخاف يصير علي مثلك ياسويد والله قهرني تصرفهم معك يآخي معروف السعودي من الاجنبي إلا كانك تشبه يماني خخخخ عشان كذى صرت متسلسل الحمدلله على سلامتك ومادرينا عنك كان خليناك عندهم قصدي طلعناك من عندهم حللني لايصير لي ماصار لك . دمت بخير

الله يحللك يالموادع تراني والله كنت قاعد اضحك
على واحد ماسكينه رايح لم ماكدونالدز على رجليه
وما معه اثبات قمة استهبل عليه واضحك
بس والله جلست يومين الا انا ناسي الاثبات

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    من جدك َ والله للأسف كان التعامل كذا ..!! وشئ غريب َ فعلا ً

اقول جعل ما يجيك مثل ما جاني

والله رحمتك من جد يالسويد
قصتك تقطع القلب
والله يكون بعون الي مثلك ينسى الهويه