سواليف الضحى العااااالي

صبحكم خير وآسف على سوالف الضحى اليوم ما جت

اليوم الصبح رحت لزلفي عند بداح مرسلني ابوي يمه

الا اجيب من عنده ثور للبقر اللي عندنا

رحت ومالي نفس المهم وصلت عند بداح وقال هذا ثوركم والحن وياه شيل وحط

يالله بالحسره ربطناه وحملناه الدينا وجبته للمزرعه ودخلنا ه على البقر ويالله تعال شف البقر وش يسوي مثل افلام كرتوون

كل وحده تحمبي تقول انا ازين من الثانيه والثور يتكيبر عليهم مستنكر المراح اللي هو فيه

وعقب التعب والجهد اليوم هذا هاك يا هبوب جحتن باااااااارده وينك ياللي تاكلها طعمها يصك الرااااس

مسكين ابو ساميه يبغى يموت
الاسعاف ياهل الهوى قولوا نعم
ياناس ياناس لو هي بالبخوت
ماكان حظي تردى وانحطم
بعد الكدالك وتشكيل الفروت
مع عجة السوق قمت امشي قدم
خلوني برفع شراع الجالبوت
وبهيم في البحر وامواج الظلم

مساء الخير

المجامله وما ادراك من المجامله

يضحك في وجهك مرتين والثالثه يكرشك بسعفه

طيب ليش من البداية انت تسذا
صفات غير مقبوله في الشخص وانا ما احبها لانه في نظري انه مريض نفسي اللي يجاملك

عالم مدري وشلون عايشه يضحكون في وجهك ومن وراك يغتابونك

ياويلكم من الله ياهل النميمه .

الصراحه زينه وخليك دغري لاتلف ولاتدور

بصلي المغرب وارجع لكم اكمل السوالف

القهوه والشاهي زاهبات على الدكة برادات وفلة حجاج الله لا يغيرها نعمة

اليوم احس اني متغير واجد عن اول لاني عرفت ارسل على الخاص وعرفت الون وكبر بس باقي الصور وشلون انزلها واتفنن فيها

جااااااري البحث عن قناة سواااالف الضحى العااااالي

الواحد الايام هذي ما عاد يعرف يحتسي

راحوا الطيبين اللي عليهم المقوول واذا خلت على احد تسئل يقولك نعم وش تبي يا خي فكنا من شرك

ناس مريضه الله يشفيهم ويعافيهم

الابتسامه في وجه اخيك صدقه

لكن البخل الله يكفينا شره وهذي ابتسامه ما نشوفها وشلون لوه شي ثاني كان وش يصير...؟؟

طيب انا حق من حقوقي اني اتكلم في مدونتي مب شرط يكون فيها ثمره

المهم افضفض اللي بخاطري

واذا سئلت احد عن مدونتي وقلتلك زينه او لا ذيك الساعه جاوبي يالطيبين ؟

بسم الله والصلاة والسلام على رسول الله

اللهم اعطنى خير ما في هذا اليوم واكفنا من شر هذا اليوم

اصبحنا واصبح الملك لله

صباح الخير للجميع