▌ .. ماهوب كفو الوقت حبك يمحّيه ¬ • ياللي تخاف صروف الايام تمحاهَ ! ♥ [ مسآحة خآصة لَ محمدَ بنَ فطيسَ ] ‏

هذآ أنآ .. يوم أخلف الوقت ظني..

الحزن حزني .. والسوآيآ (سوآيآك)..

بكيت .. وابكيت آلعيون .. وبكني

تعآل .. شفني كل ماحآن ذكرآك

كم وآحد جآني بعدك وسألني..

شخبآر من حبيت وأقفى وخلآك..؟

وأصد .. والحزن الخفي ممتحني..
_
وأن قلت: منهو.؟ قيل: مآهوب يخفآك..

قيل: العوض .. قلت: العوض مآ شحني..

والله لآ هذآ .. ولآ ذآ .. ولآ ذآك..

يآ مآ بعضهم مرني مآ فتني..

يآ جعل مآ هم بـ العوض في محيآك..

الله لآ يجبر عزآ .. من عذلني..

مآ جآه مآ جآني ..ولآ جآه مآ جآك..

واللي عذل ويقول .. [لو ولو أني]..

[.. جعل يعشق له وآحد كنه إيآك ..]

مآ فيه شي في حيآتي غبني..

ألآ نهآر أقفيت .. وأنآ أسمع إبكآك..

الله من جرح قديم مكني..

أمدآك نزفه لكن .. أدوآه مآ أمدآك..

علي كم جآر الزمآن وطعني..

أسمع صدى صوت المعآليق تنخآك..

وين أنت.؟ ياللي كل مآ غبت كني..

وآقف على بآب الأمل .. وأتحرآك..

ليتك تعرف تخون .. وأقول:..[ خني ]..

على الأقل ألقى سبب .. وأتنآسآك..

وليت الزمن فـ محبتك .. مآ خذلني..

وليت الهجر من طيب خآطرك .. ورضآك..

لو أن قربك والوصل .. بـ التمني..

مآ غبت عن عيني كثر مآ أتمنآك..

خآيف يطول البعد .. [ وتسج مني ]..

[.. ويآخذ مكآني ..] شخص .. مآهوب يسوآك..

وش عآد أسوي يومك أقفيت عني.؟!

:::: لآ انآ أتبع المقفي .. ولآ أحب فرقآك

البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني فـي لفة الدرب زليت ..
.. كان العيون من الدموع استباحت


التم غيـم الدمع مـن يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري إلآيالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت


اللي يحسب إني على البـد سجيت ..
.. والا ان عيوني للرقاد استباحت


ياليتني مـن قبل لا أحبه اقفيت ..
.. والا ان دروبي عن دروبه تناحت


أهون علي من البكا والتناهيت ..
.. وأشلا من سدودٍ على الناس باحت


عرفت كيف الحي يفرق عن الميت ..
.. وعرفت قيمة نعمتي يوم راـت


قولوله اني عقب بعده تدانيت ..
.. ورجلي عن دروب المعافين شاحت


البعد نار وطاعة العذل كبريت ..
.. يقصر على بعده .. ترى الكبد فاحت

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

خبرتوا ، !
حدٍ يبكي على واحدٍ يبكيه !
وَ خبرتوا / حدٍ مسجون ما !
يبغي إفراجه -

أحبه ، وَ لا أبغضته ع شيٍ ،
" يسويه "
ولا زالت / رقاب الرجا فيه - منعاجة

ماهو بكيفك عقب شيٍ حصلي ..
.. من ذوّق المحتاج يصبر الى احرجْه


خليتني من حلو حاليك احلي ..
.. واصبحت مدمن حب والقلب روّجْه


بين العروق وصار مافيه " ملي " ..
.. الا وله جُرّه تمرّه وتسهَجْه


وذود الغلا في عشب قلبي تفلي ..
.. وتراب صدري للمطر منـْك ما احوجْه


يمحل الى صدّيت ويموت يا اللي ..
.. صديت عنـّه والله احياه واخرجْه


ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه


ولي عين حالي دمعها لك يهلي ..
.. وانْ رحْت راحت مالح الدمع تزعجْه


غالي ولا يحتاج بسّك تغلي ..
.. غلاك اخذ قلبي وروّضـْه واسرجْه


ولو قلت ياعيني بصدره تملي ..
.. شافت خفوق ٍ حبك الذرْب توّجْه


وماهو على كيفك عقب ما حصلي ..
.. من ذوّق المحتاج يصبر الى ازعجْه


(عطيتني وجهك وانا جيت كلي ..
.. محروم والمحروم ما ينعطا وجْه)

قبل ما حظي مع خلي يجمد
ما أحسب يومي ولا أحس بمروره


يوم كان إسمي محيميد أتحمد
كان مسموح أنظره وأرقى لسوره


أحذف الكوره على بيته تعمد
لجل أجي وأقول محد شاف كوره


وأستلذ بشوفته توي وأكمد
بالوصال جروح فالصدر محكوره


وقت وأحرقه الزمان إلين رمد
ما يعود لو يدور ألفين دوره


راح من عمري وقدني ذا محمد
صعب شوفته حتى في وسط صوره

ياصاحبي وين انت لا حس ولا صوت
.......................مـــاتـــدري ان الـــحـــب مــافــيــه إجـــــــازه
قـلـبــي عــلــى طــاريــك كــنــه بـريــمــوت
....................امـــنــــيــــن مـــــاطــــــروك زاد اهــــــتــــــزازه
وســرك حفظـتـه داخــل القـلـب منـحـوت
...........................مالـلـعـرب فـــي بـعــض الاســــرار عــــازه
ياخـوخ فــي رمــان فــي لــوز فــي تــوت
......................فــــي زبــــد فـــــي ديــبـــاج دونـــــه قـــــزازه
الحـق علـى قدنـي مـن الشـوق بامـوت
............................وان مـالـحـقـت الــحــق صــــلاة الـجـنــازة

يامؤمن الريفي انا جيتك زبون
جيتك على مدح اكثر الناس وعنيت

جيت وتعالى الله عما يشركون
لولاه يامؤمن لطبك ما اهتديت

راضي بحكم الله علي مهما يكون
عالج عيوني لو بعد طبك عميت

ودي اخاشر فالبصر من يبصرون
واشوف دربي لا سرحت ولا ضويت

والى قنصت اثبت مع اللي يثبتون
واشوف طيري كل ما اوميت ودعيت

ياااكثر ما يضرب خويي الطابلون
من كثر ما اكلته مطباات وكليت

وودي اشوف اللي علي يعرضون
وبعض الليالي ودي اسري دون ليت

وااشوف ناس فالقفا ما يرحمون
اما وقفت لصاحبي والا مشيت

من دون نظاره ولا هم يحزنون
ياكثر ما كسرت كشمات وشريت

لكن يا دكتور جعلك ما تهون
ابغيك كلمت راس دامك ما بديت

اسمع ولا ابغي اللي وزانك يسمعون
ربي كتب يكشف لك اسراري وجيت

صورة عديل الروح عندك فالعيون
واخاف تقطعها بموسك ما وعيت

ولا عليك امر اطوها تحت الجفون
وعقبه لو تقطع عيوني ما شكيت

هي راس مالي والعرب ما يدركون
اني على باب الممات و ما حكيت

ياقو قلبي يوم قفن الضعون
اللي على ذاك الموادع ما بكيت

ويا صبر صبري والعواذل يحسبون
اني دلهت من الهوى والا سليت

اسكت عساهم من سكاتي يسكتون
وانا عن اللي في ضميري ما انتهيت

وادور الفرحه مع اللي يسهرون
وان ذكروني خذت فنجال وسريت

اخذت من وقتك يا دكتور العيون
عالج عيوني لو بعد طبك عميت

واستر علي واللي معك لا يفطنون
انت الوحيد اللي بعد ربي دريت

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد

وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد

وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد

ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد

وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد

اشهد أن خيـر المـدارس تجـارب الأولين
واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد

القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد

شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد

مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد

عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد

صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد