نسائم نسيم

وش خليت وش خليت ...
وش لك بالبرستد ... دامك عاني عاني لهاك العمارة ...
مر الصياد .. وخذ لك كاتم ... واضبط لك مكرونة .. تكفيك أنت واللي يعرم فخذ الدجاجة ..

نسيم أنا يوم بغيت أعرس ...
وداني واحد من الشباب لمحل في الرياض حق عطورات .. لاهوب نعومي ... لكنه حوله ...
وشرينا من هاك الروائح الزينة والمكعبات اللي تحط فيه الدواليب ... وشفتك ولا شفتها ..
حنا عايشين في نجد ... عايشين على الجفاسة واليباسة ..

..

السلام عليكم ..

نسيم انا .. قصرت من المهند ..

شكلي بوقفه .. ما جاز لي شغله ..

ابنشب له في المنتدى .. و في دوامه ..

والله ياخي كلامك طيب ومن زود التمعن وانا اقرأ ماتكتبه اتخيل اني اروح للصيدلية واطلب اللي تقول لكن فيه مشكلة اني اسبح وانا واقف اللي عندي دش. ماعندي بانيو.يصلح بدون بانيو؟
اما نيتروجين هذي مالها داعي صراحة.وشو حقه النيتروجين؟
طيب اذا سويت اللي انت تقوله يبطي والا اكررها قبل .ان كانها على طول فهذي متعبه صدق .
حنا سباحتنا وقفه بس ونقعد نشاهق من الماء مانحبه صدق والله مانسبح الا مكرهين ياعصي الدمع.

معليش ياعصي ... الدمع ...
نسيم ما يصلح .. جد ..

اقتباس: المشاركة الأصلية كتبت بواسطة عصي الدمع    و شاور جيل بـ 12 ريال .. ان بغيته فراوله ولا بردقان ولا فانيلا حسب .. الموسم .. و قل له .. لوشن ( كريم ) للجسم خفيف .. بـ 18 ريال .. وخذ بريحة نفس الشاور جيل .. و خذ معطر جسم بخاخ من نفس الريحة بـ 14 ريال ..

لا تتوثم في الرجال يا عصي الدمع ...
نصف هالكريمات يبي يأكلها ...

والرجال انتهاء زمانه .. وريحته ..... وكالة وشد بلد .. فخله على حاله ..

والله إن سواها ...إن تدور حوله الشكوك والظنون ..
فكرنا كذا تربينا عليه .. وتربى عليه اللي داخل البيت ..

اقتباس: المشاركة الأصلية كتبت بواسطة المهند    وش خليت وش خليت ... وش لك بالبرستد ... دامك عاني عاني لهاك العمارة ... مر الصياد .. وخذ لك كاتم ... واضبط لك مكرونة .. تكفيك أنت واللي يعرم فخذ الدجاجة .. نسيم أنا يوم بغيت أعرس ... وداني واحد من الشباب لمحل في الرياض حق عطورات .. لاهوب نعومي ... لكنه حوله ... وشرينا من هاك الروائح الزينة والمكعبات اللي تحط فيه الدواليب ... وشفتك ولا شفتها .. حنا عايشين في نجد ... عايشين على الجفاسة واليباسة ..

دريت وش انت شاري ،انت شاري سفنيك حق الارضه عشان ماتحرق صمط خلاقينك.
ياخوي السفنيك هذا جابه ابوي جعله فالجنة وحنا ندرع فيه انا واخواني نحسبه يوكل قسم بالله يالمهند.
المهند خذلك مكعب سفنيك وحطه في اباطك ههههههههههههههه

:

يصلح بدون بانيو .. يكفي منك كل جمعه .. موب لازم كل يوم .. شي اهون من لا شي ..
لو تعود نفسك الحزات الزود اللي ما فيها لا شغل ولا طلعات .. مغير تهوهي في البيت
اسبح و خذها وناسه .. موب فرض ..
و انت من اول مره بتصير تحب السباحه لانك تطعم بها ..
يا اخي لك اجر تدري ولالا ؟؟ .. ما توذي المسلمين

اقتباس: المشاركة الأصلية كتبت بواسطة عصي الدمع    .. السلام عليكم .. نسيم انا .. قصرت من المهند .. شكلي بوقفه .. ما جاز لي شغله .. ابنشب له في المنتدى .. و في دوامه ..

المهند مايقاله شي ياعصي الدمع.
يخطي واذا شكيته قالوا المهند هذا من حمام مكه انت اللي تخطي .يعني ريح عمرك لا هوب موقف ولا احد مهاوشه .الطفل المدلل عند الحمران

ههههههههههههههههههههههه

حرام عليك يالمهند ..

خل الرجال يشوف حياته و يبدا من جديد .. دامه حي و بصحة فالعمر توه ..

ما اعرف نسيم .. شخصيا .. و عمره يمكن في عمري او اكبر .. لكن اشوفه كتفكير .. و حب للحياة

اصغر مني و منك .. رجال لين .. و يحب اللين في كل شي .. ما يبي الا الوناسه وبس

اقتباس: المشاركة الأصلية كتبت بواسطة نسيم    المهند مايقاله شي ياعصي الدمع. يخطي واذا شكيته قالوا المهند هذا من حمام مكه انت اللي تخطي .يعني ريح عمرك لا هوب موقف ولا احد مهاوشه .الطفل المدلل عند الحمران

لا يهمك .. و قسم بالله اني معطي الادارة تنبيه عنه .. و بناء عليه يتخذ القرار ..

ترى هالمنتدى .. دروبه .. عندي .. لاتهمك هالالوان ..

اقتباس: المشاركة الأصلية كتبت بواسطة المهند    معليش ياعصي ... الدمع ... نسيم ما يصلح .. جد .. لا تتوثم في الرجال يا عصي الدمع ... نصف هالكريمات يبي يأكلها ... والرجال انتهاء زمانه .. وريحته ..... وكالة وشد بلد .. فخله على حاله .. والله إن سواها ...إن تدور حوله الشكوك والظنون .. فكرنا كذا تربينا عليه .. وتربى عليه اللي داخل البيت ..

والله الحسود،
هو وده يقفل ويشطب بس ماله درب علينا ياعصي الدمع لذا جاء يحاول يخرب ويقطع كلامنا الزين اللي ماقد سمعت مثله ولا استفدت من المنتدى الا هالحزة.
رح ياخوي شف القرود والمطر فكنا يالمهند