●• خزآمىَ الصَحآرى « للشعْر والخَوآطرْ !

أبسألك ياليل هو باقي احباب ؟
.................والا الوفا ماله بهالوقت قيمه ؟
اللي بقالي دمعةٍ تحرق اهداب
.....................وأحلام خلقت في حياتي يتيمه

الادمي لولا المكارم والاخلاق
.......................... كالحنظله من عرقها لا ورقها

الا ليتنـي في حبكـم غـاويٍ مختـار
احبـك على وصـلك وغير بتغييـره ..

كريم يابارق ينوض حدري
واللي سرى بالغداري يقتدي به ..
والى ضرب وادي خلاه يجري
عسى طروش البوادي ترتوي به ..
البارحه ياحبيبي ضاق صدري
من واهج بالحشا زود لهيبه ..

ترى شرهة الغالي مثل دمعة الرجال
ما تطلع سوى من حاجة مابها حيلة

كل زهر فاح عطـره واغتشـى
بالرياض وبالنفـود وبالهضـاب ..
مانسيتك ياهـوى بالي حشـا
حبك بروحي وبالخفـاق ذاب ..

حاول تميز في طبوعك وتختار
.............احلى الطبوع اللي لها قدر وثمن
ثلاث تجعل لك مع الناس مقدار
..............اسلوبك وطيبك مع الخلق الحسن

ياصاحبي صديت عني وقفيت
وانا موريك الغلا والحشيمه ..
سيور ماتذكر الى اصبحت وامسيت
هاك الليالي اللي صفا لك نعيمه ..

لو ينشرى قربه شريناه بالروح
مير البلا شوفه غدا به هقاوي ..
أهل دمع فوق الاوجان مسفوح
على الذي ماهوب للغدر ناوي ..