...السجـــن الأدبيْ...

فكرت بالدنيا وفيضت مكتوم ......... ما حان بليحان صدرى وحامي
وشاهدت بالدنيا غيارات وحلوم......وعجايب بأحوال سام وحامِ
كم دولة صالت وزالت لها حوم.......أخبارهم وأذكارهم كالحلامِ
ومن خاطب الجاهل جهل منه ملزوم.... حده لما ياطا الخطأ بالخطامي
ومن شاف عيب الناس بالعين معلوم....مغراً وعن عيبه عمى العين عامي
هيهات من يسلم من الشوم واللوم..... رضى الناس فيها غايةٍ ما ترامي
ما ذكر مخلوق عن العيب معصوم.... ا لا الذي ظلل عليه الغمامي
كم واحدٍ حده طغا الجهل والزوم...... لما شرب بالكره كأس الحمامِ
وكم ساري في تالي الليل منجوم..... يصبح بضحضاح بعيد المضامي
وكم جاهدٍ يغرى برايه وهو دوم...... يخوض في جهله غزير الحمامي
ولا عاد ينفع ميت القلب تعلوم........ تاه بعمى رايه قليل الرحامي
من يبذل المعروف بالنذل مليوم...... خاب وخسر من ياعضه بالملامي
أحذرك خلان الرخا عدهم قوم........ خلان من دامت نعيمه ودامي
ألى أدبرت دنياك عدوك معدوم....... مرّوك ما ردوا عليك السلامي
وأعنز ألىما حدك الدهر مضيوم......عدٍ يصدر حاميات الضوامي
وكم جامع مال وهو منه محروم...... سلِّط على ماله عيال الحرامي
وأبصر بحالاتك ترى العجل مذموم....ما ساعف الله من غشمها شمامي
والمكر وأثار المعاصي لها شوم......وأخطأ الخطا خلط الحلال بحرامي
ودار العقوبه عن دعاء كل مظلوم....عينه تنام وخالقه ما ينامي
والفرق ما بين المحبين معدوم....... والمزح يرث بالقلوب الندامي

أختار الأنيق ..

شكرآ الداميآء على الحضور والآبيآت الرائعة ...

بآنتظآر الأنيق ...

آبيآت كلهآ بمنتهى آلذوق ,
بِ إنتظآر الأنيق

شكرآ ... آلمجروح ... على حضورك الكريم ...

بأنتظاركـ ... الأنيق ...

يسلمك ربي يالدمياء دوم وافي
سوف أكون هنا
حتى أطيح على قصيده في أبوفهد

قصيده في الامير سلمان بن عبدالعزيز

عز الرياض وعز وادي حنيفـه وعز الاماره والامور العظايــم

عدل الحكم سلمان بالعز ريفــه خمسين عام كل ابوها غنايــــــم

تبصر بعدله عين حيٍ كفيفـــــه المجد له والطيب والعز دايـــــم

امير نجد الطيب نادر وصيفــه نسل الملوك امفرقيين الخصايــم

عدوهم يارد حياض النكيفــــــه ال السعود اهل السيوف الصرايم

سلمان لنجات المواقف عنيفـــه يشهر كما حرن مع الجو حايـــم

سلمان ياجار الوفاء ياحليفـــــه يامنصف المظلوم هول الظلايــم

سلمان ياستر العذارى العفيفــه يامطلق رقابٍ بها الحد قايــــــــم

في مجلسه يجمع حشودٍ لفيفــه فيه الكرم موجود للطيب رايـــــم

والبن الاشقر في دلالٍ صفيفــه والعود الازرق والشحم والنعايــم

ون جاه معسورٍ ديونه كليفــــه لبى مطاليبه زبون اللزايـــــــــــم

درعٍ متينٍ بالليال المخيفـــــــه تفداك ياسلمان روس وعمايـــــــم

مهندس التطوير كفو الوظيفــه يبذل جهوده من سنينٍ قدايـــــــــم

دامت رياض العز بأمن واليفه في ظل من يحكم ويرس الدعايـــم

في عيدها مالت غصونٍ رفيفه وبعيدها غنت طيور الحمايـــــــــم

أرشح بعدي أخي المتحد

وأشكر أختي روح الورد على هالموضوع

شكرآ الأنيق على الحضور والآبيات ...

بأنتظار المتحد ...

شكرا على هذا الموضوع الرااائع

وهذي هي كفالتي


لا يطول غيابك ثم اخذ عليه *** لو تخليت عني عنك قلبي تخلى


العذر والتعلل والحكي ما نبيه *** من تحرك فواده بالهوى ما تغلى


طبعي الصبر لكن وش عليه ارتجيه *** من طويل الصبر يعقوب وايوب ملا


دامني حي عطني وش بقى نحتريه *** ما بي دموعك اللي عقب موتي تهلا


ما بقى بالعمر مقدار ما راح فيه *** كل ما زل يوم يوم بالعمر ولى


ما يعرف الجمر مثل الذي يكتويه *** احد يدفا بناره واحد فيه يتصلى


يا من القلب حطيته براحة يديه *** ما رضى له مكان غير كفك محلا


كم تعذر وعيا عن هوى مهتويه *** لين طاح بيمينك بالغرام وتجلى

اختار ابو مشعل بعدي يسجن

ارسلي له