مأزالت الحوادث مستمره في دوار الموت (دوار الدفاع)

طـفــح الـكـيــل
بصرااااحة دوار في قمة التخلف

ويجب على البلدية إزالته في أسرع وقت ممكن

.

الحمدلله على سلامة ابوعبدالله وعائلته وهذا اهم شيء
انا اقول للمسؤول عن الدوار في البلديه ترى اقسم بالله ماتسوى ولدعمك او اخوك
يروح هو وعائلته بهالدوار بسبب غلطه منك منت راضي تصلحها وليس العيب ان تخطأ العيب ان تستمر في الخطأ
ابغى اعرف الى متى الانتظار اكثر من عشرين حادث بهالدوار وان ماشالوه اتمنى شباب تمير يشيلونه وانا مستعد
والله يستر على اهل تمير والزوار من دوار الموت

ترا اكبرواخطر مشكله نفسيه يعاني منها الانسان (اذا اخطا وكابر ع الغلط اللي هو مسويه) يعني بالعربي موقع الدوار سابقا ماكان فيه دوار... والحمدلله ماقد شفنا فيه حوادث ... انت ليش حطيت دوار عشان راحة وسلامة المواطنين ... طيب اثبت فشل المشروع بكثرة الحوادث طيب خلاص شله وريح الناس وارتح...او البلديه تكابر على حسابها وحساب قائدي السيارات...او اخذتهم العزه بالاثم...

بعدين مو المواطنين اللي اشتكو بس من الحادث حتى رجال الدفاع المدني كل مره تفزع قلوبهم بالحوادث... وحتى المستشفى نضرا لقلة الامكانيات عندهم كثرت عليهم الحالات والسبب الدوار...

والله نتضايق لما نسمع ان احد من ابناء تمير صار عليه حادث في اي مكان ولكن نقول قدر الله وماشاء فعل ....
لكن لما يصير الحادث بالدوار طبعا نقول قدر الله وماشاء فعل لكن الى مـــتـــــــــــــى .....

همسه في اذن رئيس البلديه الموقر(مشكور وابدعت في مدينتنا تمير لكن انت صاحب الصلاحيه الاولى في ازالة الدوار او تعديله او ترجل مشكورا عن المسؤوليه )
ودمتم بالف خير وعافيه

قبل اسبوعين جاية لاجنة من ادارة مرور الرياض علشان يشوفون الدوار وان شاءاللة راح يشلون الدوار

ومازلاالجهل والتخلف في التقدم الي الامام يامدينه تمير الحبيبه نشوف الضحيه التاليه ?????????????????????????????????

اول مرهـ اشوف دوار وفيه مواصير ورا ماتحطون الشركه الكهرب بكبرها وبس
ههههههههه
قمة التخلف..

الله يكتب الي فيه الخير ويفكونا من هالبلوي الي طاحت علي روسنا

اي والله الحمد لله على سلامتهم
يجب ان نشوف له حل

الله يستر...
والحمد لله ع سلامتهم..
ويعني بنقعد مكتفين الايدي..نعد في ضحايا دواركم,,
الله يحرس عيالنا وعيال المسلمين منه,,
والله شي يوجع القلب..
حطيناه مايضر لو نشيله يارئيس البلدية

..اولا الحمدلله ع السلامه ومايصيبه باس بإذن الله.

لنفترض ان الرجل موب راعي سرعه ممكن يكون ماشاف الدوار أو لاهي او كذا....

لكن فيه حوادث وقعت من السرعه او غيرهااا.. واناا ارى ان الدوار سليييييم جدا.... مابه الا عيب وااحد وهو ان الطبقه الاسفلتيه جايه كأنها مطبات دار مادار ع الدوار وهذا العيب مع كثر النقد مارأيت احد يتطرق له....

وأما وجوده في منحنى هذا موقع الديره يعني هل يغيرون منحنى الشارع ككل.... مشكلة تمير انهاا واادي والوادي يقع بين جبال!!!

بألأمسس نطالب بوضع دوار واليوم نطالب بإزالتهـ .. فعلا رضا الناس غايه لاتدركـ...

والبلديه ماقصرت وضعت ارشاداات وعيون قطط و.....و......و.........

لكن هناك شي وااحد ماترده البلديه ويجب ان نؤمن به ألاوهو القدر...قدر الله وماشاء فعل....

وأما من قال انه يوم كان تقاطع ماجا حوادث .... مالك لوااا عندنا سياره راحت تشليح من التقاطع,,, والسياره الثانيه المصدومه ايضا تشليح .....

وكفى,,,,