ذيب العرمه وامطار ابو ركبه والحقاقه ليوم الخميس 1/5/1431هـ

ما شاء الله يابو حمد امطار خير الله ينفع بها بس ودي اسئلك الذيب قبل ما يمطر ولا بعد لان الصوره ما فيها اثار مطر

اقتباس: المشاركة الأصلية كتبت بواسطة ولد العز    اللهم اجعلها امطار خير وبركه مشاء الله يعطيك العافيه اخوي ابوحمد صور تفتح النفس والله يزيد الخير

الله يحييك يا ولد العز والله يزيدنا من خيره ان شاء الله..

اقتباس: المشاركة الأصلية كتبت بواسطة الطربوش    مشكووووووور اخوي على التصوير الرئع ويعطيك العااااااااااااافيه اللهم اجعلها امطار خييير وبركه </B></I>

هلا اخوي الطربوش والله يعافيك شاكر لك حضورك..

اقتباس: المشاركة الأصلية كتبت بواسطة المحقق كونان    ما شاء الله يابو حمد امطار خير الله ينفع بها بس ودي اسئلك الذيب قبل ما يمطر ولا بعد لان الصوره ما فيها اثار مطر

مدري انت غشيم او تتغيشم يا المحقق كونن اقولك وانا جالس اضبط بالكبسه
وعندي الشعيب يمشي واضح وش معناها!!
وليه اثار المطر تبيها تجي في اعلوالظهاروفي الصيف..

الحمد لله على سلامتكم من هالذيب الامعط

وما شاء الله عليك يا أمير تقارير سريعة اولاً بأول

تفتح النفس ولا تمل من متابعتها ..

فالف الف شكر ايها الغالي لهذا العمل والجهد الجبار للارتقاء بهذا الكيان الغالي علينا جميعا

فجزاك الله الف خير وكثر الله من امثالك

لا تفهمني غلط يا ابو حمد والله انه مجرد سؤال بس لاني والله ودي اشوف ذيب على الطبيعه ما عمري شفته
عموما الحمد الله على السلامه
تقبل اعتذاري

اقتباس: المشاركة الأصلية كتبت بواسطة مخاوي تمير    الحمد لله على سلامتكم من هالذيب الامعط وما شاء الله عليك يا أمير تقارير سريعة اولاً بأول تفتح النفس ولا تمل من متابعتها .. فالف الف شكر ايها الغالي لهذا العمل والجهد الجبار للارتقاء بهذا الكيان الغالي علينا جميعا فجزاك الله الف خير وكثر الله من امثالك

الله يسلمك يا مخاوي تميروالحمد لله ماكان مغلوث كان رحنا فيها..
ونحن نسعى لما يفيد ويسعد إخواننا في هذا المنتدى وزواره..
تحياتي لك...

اقتباس: المشاركة الأصلية كتبت بواسطة المحقق كونان    لا تفهمني غلط يا ابو حمد والله انه مجرد سؤال بس لاني والله ودي اشوف ذيب على الطبيعه ما عمري شفته عموما الحمد الله على السلامه تقبل اعتذاري

ممكن كان فهمي لك غلط وما صار الا كل خيرواركب معي وابشر من يوريك الذيب
على الطبيعه يا المحقق كونن..
تحياتي لك والله يسلمك من الشر...

ابوحمد ،راح الموضوع ماسولفنا فيه خصوصا انه فيه حدث رهيب اللي هو الذيب

اقتباس: المشاركة الأصلية كتبت بواسطة نسيم    ابوحمد ،راح الموضوع ماسولفنا فيه خصوصا انه فيه حدث رهيب اللي هو الذيب

سم سم يا نسيم الصراحه اول مره اشوفه من قرب وعلى الطبيعه وفي النهار..
وبيني وبينه يوم اخذ هالصوره 200متر ولحقته وصار بيني وبينه 5 امتار فقط يعني
الحمد لله ما طاح في يد واحد مع بندق ثمين راح فيها ...