إشارة حي الياسمين خطيرة

شكلها ماراح تنحل المشكله الا بالقوه ونجيب الشيول ونشيلها

اقتباس: المشاركة الأصلية كتبت بواسطة النادر    انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين . الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف شارع فيه 5 اشارات لكن نقول ربك يعين ويرزقنا شخص فاهم ويحل هالمشاكل الي نعاني منها في تمير

اشارة الملتقى يبيلها موضوع خااااص

من جد كل ما جاء احد من ربعي من الرياض يضحك علينا يقول اشاره في حاره واشاره في محطه
وووووينكم فيه انتم ولا الي يقهر اشارتين جنب بعض يعني طريقها واحد

اليوم الظهر وانا رايح لصناعية لقيت الاشارة طافية واستانست قلت أكيد ألغوها ويوم رجعت ألاها حمراء قدامي أثر الكهرب طافي على العزيزية

اخطر ثم اخطر من الدوار الي شيل لكن مهب مشيوله اللين يجي شي الله يستر علينا وعلى المسلمين

صدقت ياعاشق أن الاشارة خطيرة وكودهم يشيلون الاشارة قبل لا يقع احد فيها ضحية مثل دوار الوسيعة

انا اشوف الاشاره راح تكون لها قيمه بس تسرعو ف تشغيلها
والله يستر ع الجميع

من كبر تمير عشان الاشارات لو يشلونها كلها احسن والله واريح

لو الشرطة كل ماخذت توقف عند الاشارات كان محد يقطعها حتى ألحين أشارة الملتقى والاتصالات محد ياقف عندها وين الشرطة لا حس ولا نس

الاشاره مكانها خطير وانا يوميا اكثر من مره اطلع من حي الخزان لخبيره واشوف ناس على سرعتها سوا جايه من مبايض او طالعه من تمير قاطعه الاشاره

[SIZE="7"]رضاء الناس غايه لاتدرك كلن له راي