▌ .. من يقول الزين مايكمل حلاه ¬ • كل شي(ن) في حبيبي اكتمل ! ♥ [ مسآحة خآصة لـَ خالدَ الفَيصلَ ]

عقب رمضـا زماني جيت ادور ظلالك
بــل ريقي بقربك عقب طول الصيام

كل شي تبسم يوم لامس دلالك
وكل نار كوتني منك صارت سلام

أحب فيك الحب يـا جامع اثنين
الـــزين وطبوع تـكمل حلاتك

واحب فيك العطف واللطف واللين
واحب فيك رضاك عقب زعلاتـــك

واحب هاك الجيـــد بين الجديلين
واحب ما تخفيه طــرقة غطاتك

يا جارح المجروح لا تـــودع البين
يقضي علي بغيبتك وسفـراتك

استريحي يالظنون الثايرة
.............. لا تشبين الحرايق بالخضر

دام الافلاك بسماها سايرة
.............. كل مطلع شمس له علم وخبر

يستقيم الخط ولا دايرة
.............. الله اعلم وش مع طيف القدر

فدوة عيونك
لو غدت روح مغليك
وش عاد لوراحت لعينك
....................... عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

بي "عبرةٍ محبوسةٍ " ، تمتحني
في عيني وحلقي وصدري : شكاوي

طال السفر

...............والمنتظر مل صبره
والشوق يا محبوب في ناظري شاب

تدلل..تدلل علينا يا سمي الظبي وش عاد..
تدلل..ولك بأمر الهوى شافع عندي..
ولك في خيـال الشـاعر المهتوي ميـعـاد..
ومجلس على غيمه وليلة قمر نجدي..
أسـافر معك لـبلاد.. وانزل معك في بـلاد..
ومن غيمه..لغيمه ولا للسما حدي..

مآ هقِيت إن القمَر مثلهً : قمر
لِين شفتكْ ، يآ شبِيه أحلىَ ملآك
لِيتهُم سمّوك باسمَه .. واستِريح
كلّ مآ نآبيتكْ أغلَط فِي نبآك .. !

يا طــــــارد اللي راح خــله ومــلوه

ما يستــقيم الظــل لا عـــوج عــوده

ولا ينفــــع النـــدمان قولــة حــولاه

جـحر لـدغ يمنــاك لا لا تعــوده

مد النظر في خلق ربي تمعناه

إلى انتقص من حال حال يزوده

الله جعــــل للمبتــلي داه ودواه

وكل على عزمات قلبـــه حدوده

يــا ولد وإن طرا لك لا تسافر بعيد ..
ما هقى انك على فرقا الحبايب صبور

لا تعنى تــرى الفرقا عناها شديد ..
والهـوى تحت ضلعك باني له قصور

كان قلبك تعند والحبيب عنيد ..
في مهب الهبايب ضاع ريح العطور

كم قلب تندم والندم ما يفيد ..
اغنم اليوم واحذر لا الليالي تدور

جدد العهد واجعل كل صبح جديد ..
فيه للحب لفتـه وابتسامه ونور

اترك النوح خل الصوت فيه تغريد ..
وانزع من الثرى مع صادحات الطيور

كـل شمس تبين خلها شمس عيد ..
والليـالي قمرها لايصير مهجور