▌ .. ماهوب كفو الوقت حبك يمحّيه ¬ • ياللي تخاف صروف الايام تمحاهَ ! ♥ [ مسآحة خآصة لَ محمدَ بنَ فطيسَ ] ‏

خـآيف ..!
يطول البعد وتسج مني ..
ويأخذمكآنكّ شخص ..
مآهوبـ يســوآكـ ..!
وش عآد اسوي ..
يومكّ أقفيت عني ..
لأأنآ أتآبع المقفي ..
ولآ آحـب فرقآآكـ ..!

غيبتك لو هي دقيقه تعتبر صدّه
الوقت دونك سجن وغيابك اسياجه

لا تعتذر لي ترى ماعاد في شدّه
اعيد حكي ٍ يكود الصدر مخراجه

دامه يوصف بجود ابيك وبجدّه
وشلون تبخل على المجروح بعلاجه

ووشلون قاوااك قلبك رده وصدّه
مع انه بيـّن عليه الضعف والحاجه

ياقو قلبك برد ايمينك وردّه
بخلت بمصافحه وارهيت بحراجه

لو ماسقى غيم عينه جرهدي خدّه
تراه يبكي وقلبه يلحق اخلاجه

ولو شفته يمازحك تراه من جدّه
الضحك عن درب ضيق الصدر ماعاجه

غير الغلا والوله عليك وش حدّه
يادرب ليله ويامسراه وسراجه

كنـّه يعرفك قبل يلقاك من مدّه
مع ان مابينك وما بينه امواجه

هواك بدو ٍ نووا للقلب بالشدّه
ورياض قلبي لشوف البدو محتاجه

والوصل..بحر ٍ متى انت بتسمح ابمدّه
السيف صبري وبحرك شح بامواجه

قصيدي اللي قريته واللي اعدّه
قديم لا يزعلك معناه واخراجه

وفراغ قلبي غلاك ارهى على سدّه
ليتك تشوف الغلا وابراجه وعاجه

اقوى رياح العذل ما تقدر تهدّه
والا الجفا لو تنفس هدم ابراجه

تغانم الوصل لن البعد لابدّه
ياتيك في يوم ثم ياخذك بادراجه

اللي لي انك تلين وتترك الشدّه
واللي لك اني ما سولف بك لهراجه

ولاني بزعلان واللي نرتجي مدّه
يا باب قلبي ويا قفله ومزلاجه

زعلة تغلي ومن تزعله من قدّه
ما دام كل ٍ يبي دربك ومنهاجه

غالي وتبخل علي وتطـّول الصدّه
الله يسامح غلاك ويلعن الحاجه

يا سارق(ن) قلبي اتتك جوارحي
طوع(ن) بلا امرٍ ولا استئذانـي

فأنـا الـذي اهملتـه وتركـتـه
كنز(ن) للص هواك حين اتانـي

فأرفق به مادمـت تملـك امـره
واحفظه حفـظ الصـدر لرئتانـي

واذا لقيتـك فأغنيـه دقائـق(ن)
ليجـدد الحـب بـه شريـانـي

فإذا قضيت فخذه مني راضي(ن)
سبحـان ممـن دونـهِ احيانـي

واذا لقيتك لا تسل عـن حالتـي
فملامحي بالشـوق خيـر بيانـي

للدمع والليـل الطويـل تركتنـي
وتقول لي فالبعـد مـا اضنانـي

عجبأ لأمرك كيف عن حالتي تسلا
و لم تكن في الهجر من اردانـي

عجبأ لأمر العاشقيـن لمـا ارى
لا يكره المجنـي عليـه الجانـي

دع عنك ماقد فات واسمع مايلـي
فالعمر مهما طـال طـولٍ فانـي

داوي المسامع بالكـلام وداونـي
بالوصـل ان فراقنـا اعيـانـي

في ليلةٍ قمريةٍ كي احلـف انـي
رأيــت بلـيـلـةٍ قـمـرانـي

واسمع عيونـي كلمـا لاقيتنـي
فأنـا عيونـي باللقـاء لسانـي

محبّتك فِ الوقت ذآ مآ تشبّه
إلا بِ خيمة بدو بين العمآرآت

ان شفتني ضآيق و اهوجس واسبّه
أخآف غدر الوقت .. و الوقت دورآت

لآ تحسب ان دمعي نزل دوُن سبّه
أبكي من الفرقآ و هي مآ بعد جآت

اليوم كل امورنآ مستتبّه
و بكره ماندري وش معه من مسرّآت !

ارب قلبك مثل قلبي أربّه
مآ يخلفه شور العرب و المسآفآت

يآ قوّ قلبك على الصدّه ويَ صبرك
ويآ وسع عيني على صدّك ويَ صبري

ويآ طوُل عمرك بِ ذآكرتي و يَ كبرك
ويَ شيب عيني بشيّب عآد ذآ كبري !

والله لو انّ حمل صبري فوُقك ان تبرك
والله لو تعتذر منت بـ على خبري ..

،’

بعض العرب حبّه يورّدك الجنون
ولا يوصف له غلاه احكاك له

ما يقنعه وصف الغلا وش يكون
لو كل حرفٍ بالحرير يحاك له

الموت جاك وهو تقلبه الظنون
ولا لك الا الصبر وش وداك له

ان قلت ضايق قال هونها تهون
مايدري ان ضيقتك له وبكاك له

تقعد تحبه وانت ساكت ومغبون
يمكن بيوم يقال لك ما اوفاك له

وكانك مشكك هو يمون او ما يمون
تخيّل ان عفت الصبر فرقاك له

غلاه من فوق الغلا ماهو بـ دون
وحكاه سمعك يجبرك بارخاك له

ودك تحطه فالعيون من العيون
وتبسط على رمض الثرا يمناك له

وتظلّه من الشمس في ظل الجفون
ولا يمرّ أذنه سوا لبّاك له

وتسجّ من غيره لونهم يذكرون
ومنين ما سجت القدم ممشاك له

غروٍ يميّله الترف ميل الغصون
غصن الليان ومكرمه بسقاك له

جديله إلى أقفى ستر منه المتون
كنّي بريحه لا ألتفت لدعاك له

يزها الملابس أي لبس وأي لون
وفالليل وجهه لا ظهر قداك له

كيك وعسل لكن ما هو في صحون
ودعاك من عين الحسود اغطاك له

الله لا يعطيه ناسٍ ينضلون
ويستر عليه من النحل لا ياكله

والوصف والتعبير في وصفه يخون
غير اطلب الله يستجيب ادعاك له

وعذّال قلبك في محبته يهبون
سكينهم عن قطع حبله حاكله

اللي من لحوم الاوادم ياكلون
وحلوقهم دفع البلا متواكله

ناسٍ عن اعراض العرب ما يعرضون
ودايم على نفس الشكل والشاكله

في سلمهم اولى بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطّع له وذاك يواكله

من جاك منهم لا تبين له سنون
واضرب يمينه لا بغى يسراك له

يا جعلهم فدوة ثرى الغض الفتون
اللي على الدرب الطويل اخطاك له

طيفه إلى نام البشر زارك بهون
وطيفك الى نام البشر سرّاك له

حبه دفان ومقبرة خضر الطعون
بين العظام العوج كنك ناكله

فلو غلاة يوردك حوض الجنون
ولا يوصف له غلاة احكاك له

اللي كذا حبه لو تموت مغبون
ولا لك الا الصبر ويش وداك له

لعام خلي يسمع القلب لا صاح
واليوم مهما صاح ماهو بمسموع

يوم العهد به حده إسبوع لى راح
إسبوع ويعوّد علي شوق ودموع

واليوم خمس سنين والهم مازاح
هم الفراق الي بلا عذر مشروع

أستغفر الله تسعة شهور ياصاح
في غيبته قمت احسب اليوم بأسبوع !

ضاع الحساب وشفت برق الجفا لاح
وأيست لو لا إن الرجا في مزروع

وحالى نحل والحال مهوب منساح
من كثر ماأظمأ للمواصيل وأجوع

بليت في من دونه سيوف ورماح
وغدا علي وصله مثل حبة الكوع

له مني إن سره على الناس ماباح
ولي منه إن الصد غصبٍ بلا طوع

قد عطيتك وانـت ماظنّـك لئيـم
والنصيـحـه لليـالـي تـذكـره

لاتحرّك جرحـي الماضـي الأليـم
ولاتحسب ان طول بعـدك طهـّره

كل جرح يهـون يالجـرح القديـم
وكل شي قد مضـا معـك اذكـره

جرحي وذكـراك والليـل البهيـم
حـزّت فـوادي بمثـل المنشـره

العذول غراب وانا اكبـر غشيـم
والجروح الماء وطاريـك حجـره

والزمان اكرم من الحـظ الكريـم
لأنفتح لي بـاب صوبـك سكـره

وحبك اللي لاطرى لي رحت اهيـم
قمت احسب اصغر كلامك واكبـره

ليتنـي عـاد الهـوى تـوه فطيـم
انعذلـت لعاذلـي بـس خـيـره

مالقيت من الوفـاء يـااول نديـم
كون صدق الحزن وجهه وظهـره

عقب رمح الشوق في وجه الصميم
سيف هجرك في قفاه وشف ثـره

وانت شكلك تحسبنـي فـي نعيـم
لنـي اخبـي صوابـي واستـره

لايغـرك حلـم رجــال حلـيـم
مهون اللي مـن سكوتـه فجـره

ولاتحسب الجفن من دمعه عقيـم
يستحي منك والى اقفيـت انثـره

ولايغرك وان بدا جسمـي سليـم
والله ان جسمي سـوار المقبـره

والله ان امر من ضحـك الغريـم
شوف حقي بين اياديـه اشكـره

والله ان احر مـن دمـع اليتيـم
دمعة الرجـال مـن فرقـا مـره

غيبتك لو هي دقيقة تعتبر صدة
الوقت عقبك سجن وغيابك سياجه
لاتعتذر لي ترى ما عاد في شدة
أعيد حكيٍ يكود الصدر مخراجه
دامه يوصف بجود إبيك و بجده
وشلون تبخل على المجروح بعلاجه
وشلون قاواك قلبك رده و صده
مع إنه بين عليه الضعف و الحاجة
يا قو قلبك برد يمينك و رده
بخلت بمصافحه و أرهيت باحراجه
لوما سقا غيم عينه جرهدي خده
تراه يبكي و قلبه يلحق اخلاجه
و لوشفته يمازحك تراه من جده
الضحك عن درب ضيق الصدر ما عاجه
غير الوله و الغلا عليك وش حده
يا درب ليله و يا مسراه و سراجه
كنه يعرفك قبل يلقاك من مده
مع إن ما بينك و بينه امواجه
هواك بدوٍ نووا القلب بالشدة
و رياض قلبي لشوف البدو محتاجة
و الوصل بحرٍ متى أنت بتسمح بمده
السيف صبري و بحرك شح بأمواجه
و قصيدي إللي قريته و اللي اعده
قديم لا يزعلك معناه و اخراجه
و فراغ قلبي غلاك أرهى على سده
ليتك تشوف الغلا و أبراجه و عاجه
أقوى رياح العذل ما تقدر تهده
و لا الجفا لو تنفس هدم أبراجه
تغانم الوصل لأن البعد لا بده
ياتيك في يوم ثم ياخذك بأدراجه
إللي لي إنك تلين و تترك الشدة
و إللي لك إني ما أسولف بك لهراجه
لانيب زعلان و إلليني أرتجي مده
يا باب قلبي و ياقفله و مزلاجه
زعلك تغلي و من تزعله من قده
مدام كلن يبي دربك و منهاجه
غالي و تبخل علي و تطول الصدة
الله يسامح غلاك و يلعن الحاجة

ابن فطيس"

كل ماذعذع علي صلف الهوى حدرية
يكفخ فوادي بصدري قبل يكفخ ثوبي

خص لاجا باردٍ ومذعذعٍ عصرية
يجمع اللي به من الذكرى وياتي صوبي

قبل يلعب بي وانا قد ريت في مارية
ضايقٍ من صبح والهاجوس دوبه دوبي

والله ان كنه يداوي الجرح بالشبريه
والجوارح من هواه الصلف ماصدوبي

لاذكرت اللي رحل وعيونه الدرية
كل مالديت فيها تهت لا لدوبي

تمطر عيوني وخفاقي سرا ساريه
ينعصر وانا دموعي للوفا عذروبي

صمت عن وصل المحبة لانها عذرية
والردى ماهوب من طبعي ولا بسلوبي

اذكر انه قال لي مرة وش الحرية
قلت عكس اللي لقيته منك يامحبوبي

اهتوي طاري هله من حبي لطاريه
والدروب اللي تجنبهم ماهي بدروبي

متعبٍ رجلي ولو هي صوبهم عبرية
وابني امالي على الترحيب لاهلوا بي

اثرهم ناويني بالنيّه الشريّه
واثرهم دارين وانا اقول ماشكو بي

واثرني ضايع واصدق قصة الحورية
وش ينجيهم من اثامي اذا قفوا بي

جزت مادام الهوى يبغي عصا سحرية
وتبت مادام القدر عيا على مطلوبي

قد همومي وين ألاقي الصيد في البرية
وقومةٍ في وجه ضيفي واعرف ماجوبي

اصغر اهدافي تزول الدولة العبرية
واكبر امالي يغفر الله جميع اذنووبي