نجم الجوزاء 3/7/2010م

اقتباس: المشاركة الأصلية كتبت بواسطة المهند    لا والله خلها على فالها يانسيم .. مير أذكر أننا إلى اجتمعنا وهيجنا في الكنود تجي على البال هالقصيدة ولا أدري وش ماريتها والله.. من يوم دخلت هقعك وحنا في زود براد .. والظاهر أن جيل الخلاوي تغير .. ليتك والله تجيب لنا شيء حديث وجديد ..

اجل نخليها في فالها يالمهند،بصرك.
انت تغني بشي ماتعرفه ولاهوب انت لحالك كثير وكثير لايعي مايحمل .
هذي قصيدة غزليه رمزيه تشبيهيه بين الفتاة ونجمة الجوزا لانها اخذت لجمال هذا النجم وسطوعه وايضا اخفاء مايقصد امام الناس مثل اللغز.مثل الشاعر اللي يقول /
يانجمة الصبح كبدي منك مرهوقه
،،،،،،،،،،،،،،،،،،،ليا شع نورك علينا لا تغيبيني
يستاير القلب من فرقاك مفتوقه
،،،،،،،،،،،،،،،،،اصبر من العام لين انك ذبحتيني
لبيك ياللي تتل القلب وعروقه
،،،،،،،،،،،،،،،،،،،كله على شان يوم انك تلبيني
ياقلبي اللي من الغالي دنا عوقه
،،،،،،،،،،،،،،،يا ناس اشيروا عليها لا تقاضيني
وان كان قلبي تليش عنه صندوقه
،،،،،،،،،،،،،،،،،،،،شدوه لين اتجود فيه بيديني
قالوا معاليق قلبك منه مسروقه
،،،،،،،،،،،،،،قلنا خذتها الضحى والناس واعيني
عديت عن مبسم المجمول لا ذوقه
،،،،،،،،،،،،،،،،انا بلاوي الحيا وادري على ديني
الود لو نتركه عنا وطاروقه
،،،،،،،،،،،،،،،،،،اظني ارتاح وانتي تستريحيني
يالله يا خالق الدنيا لمخلوقه
،،،،،،،،،،،،،،،تقدر على الموت تذبحني وتحييني
تلم شملي لابد الروح مرفوقه
،،،،،،،،،،،،،،بأربع هناديس في قبري تخاويني
في هذه القصيدة لايعني اي نجم بل العشيقه ومن يحب فقط.

تسلم ياحكيم المنتدى نسيم.

اقتباس: المشاركة الأصلية كتبت بواسطة ابو منيره    تسلم ياحكيم المنتدى نسيم.

ايه هذه الكلام يابومنيرة امدحني تراي احب المدح .
تسلم يابومنيرة

منيب أمدحك أنا يانسيم.
أقول الصدق.

اقتباس: المشاركة الأصلية كتبت بواسطة ابو منيره    منيب أمدحك أنا يانسيم. أقول الصدق.

انا علي من المكتوب يابومنيرة .

نسيم ماجانا من الحر اللي تقوله شين

اقتباس: المشاركة الأصلية كتبت بواسطة ضراب    نسيم ماجانا من الحر اللي تقوله شين

اجل يبي يجي من الحر سين