نسائم نسيم

اقتباس: المشاركة الأصلية كتبت بواسطة تـوأم الـجـود    والله انها مدونه من ذهب و ان حاول ( بعض المخربون ) افسادها و لكنه الذهب لا يصدأ ؛؛ و ما تتفوه به يا نسيم هو الذهب ذاته توأم الجود

الله يجبر بخاطرك ياتوأم الجود ويرحم والديك عن النار .

المخربون دواهم الاستمرار الى ان يقضي الله امرا كان مقضي.
تحياتي لك

اقتباس: المشاركة الأصلية كتبت بواسطة نسيم    انت تدورها وتبي تحصلها يابومنيرة.

نسيم أنت تعرف مداى أحترامي وتقديري لك.
وتدري أني دوم أدور إللي يرضيك.

اقتباس: المشاركة الأصلية كتبت بواسطة ابو منيره    نسيم أنت تعرف مداى أحترامي وتقديري لك. وتدري أني دوم أدور إللي يرضيك.

للاسف ان تفكيرك سطحي يابومنيرة.انا ماني بحاجة دلع ولابحاجة تفريش.
لكن ياالله خاطب القوم على قد عقولها.
تحياتي لك

اليوم وامس انا مبسوط جدا .......
سبحان الله وشلون الكلام الزين يغير في الانسان؟الكلام بلاش !ليه نتكاثره ونشح به اذا انه يوسع الصدر؟؟؟؟؟؟؟؟؟؟؟؟؟؟
الرسائل هذي لها معروف كبير كبير ......ياالله عساها من يم الاحباب ماتنقطع.
من امس وانا اتذكر ومن الاناسه ادلي اضحك لحالي وفي عالم ثاني بعيد بعيد عن المجتمع .
حقيقة ان الشي الجميل يفرض عليك احترامه وحبه .لكن الموت اذا صار شين وقوي عين هذا اللي مافيه طب .ياالله دخلك منه .
تحياتي يا اعز الناس واغلاها .
نسيم

لاترحلي وانتي بقلبي مقيمه
،،،،،،،،،،،،،،،،،كوني بجنبي وأحكمي واظلميني
لاترحلي كوني بقلبي رحيمه
،،،،،،،،،،،،،،بس اخذي وأعطي معي وأفهميني
كوني لي الدافع وروح العزيمه
،،،،،،،،،،،،،،،،،،،،قبل الفراق المنتظر علميني
مالي بدونك في الحياة أي قيمه
،،،،،،،،،،،،،،،ان مت من حر الفراق اعذريني
أنتي عظيمه فعلا انتي عظيمه
،،،،،،،،،،،،،،،،،وأنا عظيم اللي تطولك ايديني
أنتي تركتيني بصورة سليمة
،،،،،،،،،،،،،،،،،أنا أهجر الدنيا ولا تهجريني
ذلي وضعفي وانكساري هزيمه
،،،،،،،،،،،،،،،ماهي صفاتي لاحشى تعرفيني
جيتي كريمه واهجريني كريمه
،،،،،،،،،،،،،،،،،يمكن تردك مقبلات السنيني
أنا أدري الأيام ما هي مديمه
،،،،،،،،،،،،،،،،،دوراتها تقبل وتقفي بحيني
وأبكي على اطلال ألليالي القديمه
،،،،،،،،،،،،،،،،،اذا طرالك جوها فاذ كريني
فعلاً معاناة اجاد شاعرها تصويرها .

مالي بدونك في الحياة أي قيمه
،،،،،،،،،،،،،،،ان مت من حر الفراق اعذريني
أنتي عظيمه فعلا انتي عظيمه
،،،،،،،،،،،،،،،،،وأنا عظيم اللي تطولك ايديني

صح لسانك يانسيم عز الله انها قصيدة
عافاك ربي عليها

السلام عليكم ..

نسيم .. صدقت الكلام ببلاش و الكلمة الزينه ترد الروح .. و بلسم ..

لكن !! ما تحس بها الا اذا كانت من القلب .. و هذا اللي مونسك ..

يا زينها لاطارت بك ظنونك بعييييييييييد و تخليك من الوناسه تضحك ..

يعجبني حبك للحياة و فهمك لها و التعايش فيها و عسى حياتك دوم افراح و ضحك ..

اقتباس: المشاركة الأصلية كتبت بواسطة النادر    مالي بدونك في الحياة أي قيمه ،،،،،،،،،،،،،،،ان مت من حر الفراق اعذريني أنتي عظيمه فعلا انتي عظيمه ،،،،،،،،،،،،،،،،،وأنا عظيم اللي تطولك ايديني صح لسانك يانسيم عز الله انها قصيدة عافاك ربي عليها

تسلم على حضورك يالنادر وتشجيعك المستمر .

اقتباس: المشاركة الأصلية كتبت بواسطة عصي الدمع    السلام عليكم .. نسيم .. صدقت الكلام ببلاش و الكلمة الزينه ترد الروح .. و بلسم .. لكن !! ما تحس بها الا اذا كانت من القلب .. و هذا اللي مونسك .. يا زينها لاطارت بك ظنونك بعييييييييييد و تخليك من الوناسه تضحك .. يعجبني حبك للحياة و فهمك لها و التعايش فيها و عسى حياتك دوم افراح و ضحك ..

تدري وش اللي يزين الشي عندنا ،هقاوينا كبار وخيالنا واسع ،وعلى قول المثل المبروك اللي يوسع الصدر ياعصي الدمع.
بعض الناس اذا سمع الكلام الزين يتحرك عنده النفس الشريره وتقول تراه ماهوب صادق !!ليه؟خذ الدنيا على ظاهرها وخل عنك نوايا القلوب .ياانسان ياغشيم حرر نفسك ابحث عن سعادتها لاتضيق الخناق على نفسك التعبانه .
بعض الناس شين وقوي عين مايشوف الاوادم عنده بعضوه سبحان الله شي مضحك .
تحياتي لك

من القصائد الخالده والحكمه

قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم .




طبيعـةٍ بمـوت ماجـزت عنهـا
أشكي على الخلاق وارفع لـه إيـديّ
لاكثـرت الأفـكـار يـفـك منـهـا
أما الكرم قد فـاز بـه حاتـم الطـيّ
حتى الفرس من شان ضيفه طعنهـا
خلوني أكرم في حياتـي وأنـا حـيّ
ولامت مـدري جثتـي مـن دفنهـا
خلقت في الدنيا وأنـا ما معـي شـيّ
وبروح منهـا مامعـي شـي منهـا
مسكين ياللي تحسب الواجـد شـويّ
والعافيـه لـو تنشـري وش ثمنهـا
يا جاهـل الدنيـا تراهـا كمـا الفـيّ
يا مخبل اللـي فـي حياتـه ومنهـا
إن ناحرت لك قامت تـروح وتجـيّ
مثل الذلـول اللـي طويـلٍ رسنهـا
وإن أدبـرت خلتـك طايـح ومرمـيّ
وكم واحـد ٍ لـه حاجـةٍ ماضمنهـا
لابد ما نرحـل عـن المـزح والغـيّ
ونسكن بيـوتٍ قبلنـا مـن سكنهـا
النفس مثل الغصن عايش على الـريّ
ولولاه كـل النـاس عافـت وطنهـا
يالله عسى الحسنات تقضي على السيّ
لاقربـوا للنفـس ذرعــة كفنـهـا