●• خزآمىَ الصَحآرى « للشعْر والخَوآطرْ !

إنَتْ فَرِحَ قَلبَيْ وَعُمْرِيْ وَ دَنَيْآيْ
وَإنَتْ البَقَآيْآ الطَيّبَه فَيْ حَيْآتَيْ

ياطير شف درفة الشباك مفتوحه ..
.................تركتها لك مثل ما كنت خابرها !

تعال شف صاحبك قافل على روحه ..
..................بيبان الايام ،، والدنيا مسكرها !

طاحت نجوم الغلا والصدر ضاق
وأنت صدرك مايضيق ولاعليه

لاتكلمني عن أسباب الفراق
خلّني ساكت وسوّ اللي تبيه ..!

لاغاب صوتك ماتفيد المراسيل
لايومي بيـوم ٍ ولا ليلـي بليـل .. ولا السّعد مقبل ولا الهـم زايـل
ماغير ازم هموم واحـط واشيـل .. ولاراح منهـا هـم جالـه بدايـل
تدرون يالعربان وشهي البهاذيـل .. فرقى وليف وحظ مامـن صمايـل
الوصل نعمه والمفـارق غرابيـل .. ياحـظ ليتـك تعتـدل ماتمـايـل
والمهرة اللي ماتعيّن مـع الخيـل .. من دونها تقصر جميع الأصايـل
من دونها ضاعت عقول الحلاحيل .. وتضاربت فيهـا سلـوم القبايـل
وانا اتصبّر وازهم العقل والحيـل .. والقلب يشكي للضلـوع النحايـل
اصبر مثل صبر الرجال المشاكيل .. واخبّي جـروح الزمـن واتحايـل
لن الردي والهيس وخبل الرجاجيل .. تفرح لا وراني الزمـان الهوايـل
أشب نار الشوق وارهي المعاميل .. واريّح اعصابـي ببـدع المثايـل
ولاّ الغلا ماعاد يحتـاج تفصيـل .. لنّـه مورينـي نجـوم القوايـل
ياللي غيابك حط بالقلـب تنكيـل .. ويلي على قربك ولانـي بطايـل
لاغاب صوتك ماتفيـد المراسيـل .. وفر على الجوال كثـر الرسايـل
والله لـو تاخـذ لدمـي تحاليـل .. تلقاك بالجينـات صايـل وجايـل
وانته تواعدني من اسهيل لسهيل .. والشوق في قلبي مسوي عمايـل
ليتك تبادلني الغـلا والمواصيـل .. وترد لي بعض الوفـا والجمايـل
تعبت من قولة ظروف وعراقيـل .. وتعبت من قولة ياقـل الوسايـل
لاقلت انا احبك ومشتـاق بالحيـل .. تقول لي جعل العوض فالموبايل
يعني انا ويـاك مثـل المهابيـل .. واشباهنـا فالوقـت هـذا قلايـل

حنا لنا عادات من صد نسيناهـ

أخـذت اعـد أيامهـا والليـالـي
دنيا تقلب مـا عرفنـا لهـا قيـاس
كم فرقت ما بيـن غالـي وغالـي
المستريح اللي مـن العقـل خالـي
ما هو بلجات الهواجيـس غطـاس
ماهوب مثلـي مشكلاتـه جلالـي
أزريت أسجلهن بحبـر وقرطـاس

حملـي ثقيـل وشايلـة باحتمالـي
واصبر على مر الليالي والاتعـاس
وارسي كما ترسي رواس الجبالـي
ولا يشتكي ضلعٍ عليـه القـدم داس

بعض البشر بوصالهم راحة البال
وبعض البشر في وصلهم نار حيه

والمهره اللي ماتثمّن بالاموااال
خياااالها يبعـــد عـن اللي رديّه

لاينحني يجمع ثمارٍ على الجال
اطيب ثمر فوق الغصوون النديّه

والمهره الصعبه على كل الاحوال
تبقى على مــــر الليااااالي وفيّه

جرح الغياب اللي سكن في خفوقي ..
...................... ماضمده غير كثرة حضـــورك على البال

كل الجروح تهون....ايام وتروح
..................إل ا الجروح اللي تمس الكرامة

الا يا نجـوم الليـل لـو غابت القمرا
..................... فـلا بـد ما تطلع تنـوّر ليالينـا
ولا يا خزامى نجـد لو جفت الصحرا
..................... فـلا بـد ما تمطر وتـروي مفالينا
نشوف الزبيدي والنفل واصفر الزهرا
......................وترتع بها الغزلان من حورها العينا
حبيبي جزاه الله جزاني الجزا المـرا
.....................وانا اللي جزت عيني بهجره يجازينا
انا ادري وهي تدري وذاك الهوى يدرا
.................... ولو كان من بدري فـلا هي تدارينا
حبيبـي سألتك بالـذي نـزّل الفجرا
.....................هو الحب ذنبي يوم تفرض تجافينا
تعـالي وحسي قلب مجروح بالهجرا
....................وش اللي حصل ياحب تنسين ماضينا
رضعت الطفولة حب وأسقيتها الفخرا
..................... لغيرك فـلا والله بالحب يغرينـا
حكمتي تحكمتي وحكمـك عليّ امـرا
....................وانا العبـد يتعبـد بمحراب داعينا
سحرتي وساحرتك وبعض العشق سحرا
.................. وانا اللي بسحرك صرت مثل المجانينا
تعالي حبيب الروح نحلم على الذكرا
.................... نسامر نجـوم الليـل والليل يخفينا
تعالي نشوف سهيل ونجـوم بالمكرا
.................. تحاول عبث تطفي الفـرح في مآقينا
يبون القمر يخسف يبون الشجر يعرا
..................يبونا نعـدل "قل هـو الله" و "آمينا "
جيوش العهر سارت تبي تهدم القبرا
...................وحبـك بقـلبي انقبـر بالشرايينا
تعـالي نسل سيوف من حرفنا تقرا
.................. ونكتب بكل الفخـر ياناس حبينـا
نسلم على القمـرا نقول الوعد بكرا
...................وننطر متى بكره لعـله يـلاقينا