رُكْن النهاية

قصة الامير نايف بن عبدالعزيز الله يرحمه مع المطيري
على عهد الملك خالد رحمه الله كان الامير نايف بن عبدالعزيز في مقناص مع ربعه و جماعته ...و هدّ أغلى و أعزّ طير عنده لكنه للاسف ما رجع وذهب للبحث عن الطير
اخذ معه اثنين السواق و شخص يقال له ابن هلاّل على سيارة جمس .

بحثوا عن الطير الى ان غابت الشمس و قرروا يرجعون لربعهم بعد ان تعبوا لكن في طريق العودة جتهم عاصفة رملية شديدة ومعها أمطار وكان الوقت شتاء و ضيعوا طريقهم خصوصاً ان ما معهم اجهزة اتصال لانها ما كانت متوفرة ذاك الوقت

بعد فترة قال الامير نايف : حنا ما نقدر نصبر على الوضع هذا لازم نلقى أحد نخطره ما نقدر نمشي بهالظلماء و العجاج و االمطر نحتاج مكان نستريح فيه يا جماعة

و ماهي الا دقائق حتى شافوا الابل أمامهم و قدامها بيت شعر كبير و ناره شابه و علومه طيبة ...نادى الامير بصوته لكن ما احد سمعه من صوت العجاج ...طق البوري ثم طلع له رجل كبير من البيت يقول : أقلطو أقلطو

ثم التفت الامير نايف لجماعته و قال : لا أحد يتكلم و يقول هذا نايف بن عبدالعزيز قولوا حنا اهل قنص و ضيعنا طريقنا مع العج ...
قالوا أبشر

قلطوا عند الرجال و تقهووا عنده ثم أرسل الرجل ولده يذبح لهم طلي " خروف صغير " و تعشوا الريجايل و اخذوا علوم بعض ثم قدم لهم الرجل مجموعة فرش و لحف
و قال لهم :الجود من الموجود و اعذرونا على القصور
قالوا : عز الله ما قصرت و وجهك ابيض
و نام الجميع

و يوم جاء من الفجر و الى الرجال شاب ناره و مدفي الماء للوضوء
و صلوا الفجر و أفطروا
و زان الجو
و جاء وقت الرحيل

ثم قال الامير نايف انا من البارح اسولف معك و آخذ علومك لكن ما سألتك : من انت ؟
قال الرجل : انا بدوي من الشعب السعودي
قال الامير نايف : كلنا بدو من الشعب السعودي لكن وش أسمك؟
قال الرجل : وش تبغى بأسمي انا ضيفتكم و الحمدلله و ان شاء الله اني ما قصرت
قال الامير : انا نايف ابن عبدالعزيز , انت من انت ؟
قال الرجل : انا اخو جوزاء ليش ما علمتوني من البارح؟؟؟
قال الامير : وش تبي تسوي ؟ تسوي أحسن من كذا ؟ و الله افضل اكل اللي أكلته البارح و احلى نومه اللي نمتها البارح
بس انت علمني وش اسمك ؟
قال الرجل : انا عبدالله بن فلاح ابو شويربات المطيري
قال ابن هلاّل : هذا من شيوخ مطير شيخ ولد شيخ دايم أسمع فيه
قال الامير : بكره ان شاء الله ابيك تلحقني للرياض ضروري
قال الرجل : على خير ان شاء الله
و ذهب الامير و جماعته و ودعوا الرجل و شكروه على حسن ضيافته و كرمه

بعد اسبوع سأل الامير ابن هلاّل : وين الرجال اللي وعدناه قبل اسبوع ؟ ما حضر ؟
قال ابن هلاّل : لا و الله ما حضر

قال الامير : و نعم و الله بهذاكالمطيري أنا أشهد انه عزيز نفس و لو انه غيره كان من ثاني يوم وهو لاحقني في مكتبي

و قعد الامير سنتين كل ما شاف ابن هلاّل قال : وين معزبنا اللي ضيّفنا ؟ ما حضر ؟
و بعد فترة توفي ابوشويربات و علم الامير بهذا و عزاء اهله في وفاته

حـارت سبـور الدمـع فــي محـجـر العـيـن ،،،،،،،،،،،،،،،،،،،،،،،،حــــتــــى تــحـــمـــل بــالـــدمـــوع الــــذروفـــــه وهــلــت همـالـيـلـه عــلــى اربــــع وثـنـتـيــن ،،،،،،،،،،،،،،،،،،،،،،،،مــثــل الـغـشـيـن الــلـــي هـبــوبــه جـعــوفــه وجضيت من عقب استماع النبا الشين ،،،،،،،،،،،،،،،،،،،،،،،،ومـــن مـــا دهـــا عـزمــي لحـقـنـي كـلـوفــه يــــا عــيــن مــــن كــثــر الـبـكــا لا تـمـلـيـن ،،،،،،،،،،،،،،،،،،،،،،،،تــــرى ســحـــاب الــحـــزن هــلـــت قـنــوفــه هـــلـــي عـــلـــى فـــرقـــا فــقــيــد الـمـلايــيــن ،،،،،،،،،،،،،،،،،،،الــلـــي عــلـــى الامـــــة وفـــاتـــه حــســوفــه درع الامـــــان الـــلـــي يـــصـــد الـمـعــاديــن ،،،،،،،،،،،،،،،،،،،لـــــو تـــــذرف الـدمــعــه عـلــيــه مـخـلــوفــه يـالـعـدل زارك فــــي مــســا لــيــل الاثـنـيــن ،،،،،،،،،،،،،،،،،،عـــــدلٍ عــلــيــك يــــــزود بــالــعــدل نـــوفـــه زارك بـــعـــد صـــلـــوا عــلــيـــه الـمـصـلــيــن ،،،،،،،،،،،،،،،،،،فـالـمـوقــع الــلـــي كــــــل مــســلــم يــطــوفــه نايـف حريـب الحيـف مسنـد هــل الـديـن ،،،،،،،،،،،،،،،،،جــــــالٍ يـــلـــوذ الـمـلـتـجــي فــــــي لــجــوفــه هـو درعـنـا الـواقـي عـلـى العـسـر واللـيـن ،،،،،،،،،،،،،،،،،مــواقـــفـــه عــــنــــد الــجــمــيـــع مـــعـــروفـــه دمــــث الـجـنــاب الــلـــي لـفـعـلــه بـراهــيــن ،،،،،،،،،،،،،،،،الــشـــعـــب كــــلـــــه غــــامـــــره بــمــعــروفـــه هـــش ٍ بـشــاشٍ جـانـبـه لـلـعــرب زيــــن ،،،،،،،،،،،،،،،مــنـــه الـمــواطــن مـــــا يـنــوشــه حــفــوفــه وأثقـل علـى العاصيـن مـن ضلـع ابانيـن ،،،،،،،،،،،،،،،ويــــــروف بــالــلــي يـسـتــحــق الــمــروفـــه وعـنــده عـلــى بـعــد الـنـظـر زود تـمـكـيـن ،،،،،،،،،،،،،،،يــشـــوف شـــــي ٍ كــلــنــا مــــــا نــشــوفــه وان جـاه مضهـود ٍ مـن الحمـل والديـن ،،،،،،،،،،،،،يــرجــع حــمــول الــكــود عــنـــه مـحــذوفــه وان جـاه مـن يشكـي مــن الظـلـم والبـيـن ،،،،،،،،،،،،ظـلـمـه يـــزول الــيــا شــــرح لــــه ظــروفــه اقـــفـــا عــــــن الــدنــيــا ربـــيـــع الـمـقـلــيــن ،،،،،،،،،،،بـضـيـافــة الــلـــي مـــــا يـخــيّــب ضــيــوفــه عــســى مــقــره بــيــن خــضــر البـسـاتـيـن ،،،،،،،،،،،،،فــــي روضـــــة ٍ بـالـمـكـرمـات مـحـفـوفــه يـكــنــف عــلـــى قـــبـــره ورود وريــاحــيــن ،،،،،،،،،،،،،،،وحـدايـق ٍ خـضـر ٍ عـلـى مـــد شـوفــه وحـنــا بــمــا جــانــا مــــن الــــرب راضــيــن ،،،،،،،،،،،،حــيــث الــقــدر مــــا تـنـتـصـارع صــدوفـــه يــا نـاصــر الانـصــار فـــي بـــدر وحـنـيـن ،،،،،،،،،،،تــجـــعـــل مــفـــارقـــة الــفــقــيــد مــخــلــوفـــه بــخــوانـــه الـــلــــي لـلــخــلــف مـسـتــعــديــن ،،،،،،،،،،تــــهــــوم هـــومـــاتـــه وتــــاقـــــف وقــــوفـــــه وعـيـالــه الــلــي مــــع مـمـاشـيــه مـاشــيــن ،،،،،،،،،،،كــــل الـسـيــوف الاربــعــه هـــــي سـيــوفــه

عسى ربي يسامح كل مـن لـه فـي الفـراق ايديـن
،،،،،،،،،،،،،،،،،،،،،،سبـق سيـف الفـراق العـذل ياروحيـن منـزوعـه

ياشينها يامحنيٍ راس الابهام ..
،،،،،،،،،،،،،،،،،،،،،،،.. ماقدر على شوفك وانا عند بيتك

الاعمار ما تضمن وانا اخاف الاحكام ..
،،،،،،،،،،،،،،،،،،،،،،،،.. ارثيك خاف اودعك ما رثيتك

مدوووووونه ذووووووق

متاااااااااااااابعه بصمممت

حياك الله عشقت عيونك

تشرفت بحضورك

كنت أظنِّك .. من عيوني ما تطيح
لين في " عيني ".. إرتفَع غيرك , و ..طحت !!

قصة شاعر!


هذا الشاعر الكبير رحمة الله عليه ناصربن ضيدان الزغيبي الحربي له قصيدة مشهوره ومعروفه ولكنها غير محفوظة وبحثت عنها ولم اجدها كامله

واخذتها من بعض الرواة ،

ناصر الضيدان شاعر ويتغزل في منيرة ،ويقول من ضمن قصيدته اللي عليها السالفة او القصيدة:

الهوا ياصاحبي مابه معيره


،،،،،،،،،،،،،،،،،،،،،،،قبلنا ماعيب النجدي ونايف


ولاعيب الجربان حكام الجزيرة


،،،،،،،،،،،،،،،،،،،،،،والا انا واياك ياخلي خفايف


مارياوجود القلب ياحبة منيرة


،،،،،،،،،،،،،،،،،،،وغيرها لومت ماعليّه حسايف


في البيت اللي يقول ياوجودي ياحبة منيرة!الشاعر مايعرف منيرة وهي ماتعرفه!لكن يسمع بانها بنت مزيونه وقام يقصد فيها!


منيرة سمعت ان ناصر الزغيبي يقصد فيها ويقول مار ياوجودي ياحبة منيره!واذا حبيتها لو اموت عقبها!


قالت منيرة نذر علي لو اشوف ناصرالضيدان الزغيبي اني لحبه لو الناس يشوفون!راحت الايام وجت منيرة وارده مع اخوانها على عد بحلالهم يبي يسقون غنمهم وبعارينهم ويوم اسقو حلالهم وشربوا،لين فيه رجال جنبهم يسقي حلاله حوضه جنب حوض اخوانها،وسمعتهم يقول هذا ناصر الزغيبي ،قالت هذا ناصر؟ قالوا نعم هذا ناصر!لين ناصر لاهي ويسقي غنمه وهي تجيه منيره وهو غافل ولاهي ،وهي تمسك رقبته وهو يلتفت مايدري من مسكه لين منيره في وجهه وهي تحبه !!والناس تناظر واخوانها يشوفون!
ويوم حبته قالت ياناصر الضيدان انت تقول في قصيدتك :
مارياوجود القلب ياحبة منيرة


،،،،،،،،،،،،،،،،،،،وغيرها لومت ماعليّه حسايف

وهالحين ياناصر جتك حبة منيره اللي تمنّاها وعقبها مت ،يومك تقول وان مت ماعليه حسايف!

ويوم حبته قالت انا في حسنت اخواني يعني ان سمحوا لي والا يسوون اللي يسوونه عقب ماوفيت بنذري يوم حبيتك ياناصر!
قالوا اخوانها اما لو ان سواتكم هذي في محل صاد والله ان ندفنك في هالبير انتي وناصر لكن يوم الامر حاصل وحنا نشوف مسموحه يامنيره!