:: الكشتة الربيعية السنوية :: مع ربعاً نشامى وشقردية :: يكفيك أنهم تميراوية 11 / 4 / 1432هـ

اقتباس: المشاركة الأصلية كتبت بواسطة أبـوحـمـد    ههههههه اتوقع لة تشوفين الي يولم التمر على الطبيعه يالمتميزه >>> ماراح تاكلين تمر ,,, طلعه جميله يالمهند مع ربع شقرديه والله يديم الاخوه بينك.. ويا حسفاب الريضان ما شبعنا منها هالسنه ابدددد لكن العوض في الي جاي والله يعينى على الحر.. تحياتي لك..

أبو حمد ... خلك عاقل .... ولا تحش في صديقي ...
مستانس بصديقك اللي منقص ظفر رجله نصفين ... ههههههههه

يا هلا بكوما عليك زود أخوي أبوحمد ...

وعز الله ماخذنا حقنا من الكشتات هالسنة ... لكن الحمدلله عقب هالسيول ... يبي يبرض السدر ... ويزين القيصوم والجث جاث ... ونبي نقطع الصيف في هاك الحزوم ...

ميزة الحر أن ضبانه هالسنة تتربع .. في بعض المناطق ..

ياهلا بك ...

اقتباس: المشاركة الأصلية كتبت بواسطة أبو تميم الفيصل    تسلم على التقرير الرائع

سلمت ولاهنت يا أبو تميم ..

شكراً لحضورك ..

اقتباس: المشاركة الأصلية كتبت بواسطة عرق الأرطى    مشاء الله كشته كايفه خضره وغدير وش خليتا تسلم ..,

سلمت ... يالعرق ..

وراك نسيت الوجه الحسن ..

ماشاء الله عليك يالمهند تقرير ولا اروع خاصه صوره هالخضار والسيل
الصراحه صور جميله جدا
ومنورين ابوبسام وابوعبدالله والحر وانت يالمهند
ويعطيكم العافيه

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    - الله , اللهَ , الله وشِ هـ التقريرِ المجنون , بـ صرآحة من كثر التقآرير ضييعتَ , أخي المهند لآجديد مبدعَ ومختلفَ ب كلَ تقريرَ لك َ , الله لايضركَ ليش كل طلعة بر لزم تمرون محل وشسمه اللوآزم والرحلات , يعني كل يوم سكيين ==> مآتحب الخسآئر وي قلبي على هـ الخروف ِ , طقتني الصيحه إلا شوويّ وآو مذهلة ي نآر شبي لكَ آقوى تقيمَ + نجوومَ . . ()

ردودك غير يالوفاء ... ويجي لها قعضبه ... ودائماً ما تثري الموضوع بالتعليقات المميزة ...

ياسرع ما تضيع السكين .. هذا اللي يخلينا نشتري كل طلعة ... وبعدين على حسب الطلعة اللي نطلعها واللحمة اللي نأخذها ...

جتك الصيحة على شان خروف ...
بنتي تشوف الصورة وتقول بابا خروف مات .. ليه تذبحه ... يالله طلعت براءة ... يوم وريتها صور اللي ذبحه ...

أما الشمس المذهله ... هذي حلاة البر في هالوقت ... كل شيء راكد ... ما عدا الطيور والنجر ..

شكراً لهذا الحضور السخي ...

اقتباس: المشاركة الأصلية كتبت بواسطة عَ ـزَوـوفْ ..(~    ماشاء الله كشتة ولا اروع وتقرير مميز سلمت.. ونتطلع للجديد..

الله يسلمك يا عزوف ...
شكراً لهذا المرور ...

اقتباس: المشاركة الأصلية كتبت بواسطة ابوخليــــل    تسلم على التقرير الرائع والله ربيع كااااايف تحياااتي لك منور اخوي البرق

الله يسلمك أخوي أبو خليل ... ونصف الحرب دهوله ..!!

أنت منور عندك البراق لحاله .. وأبو مشعل كلهم إلا البراق ...
أشوى عدلتوا ..

اقتباس: المشاركة الأصلية كتبت بواسطة الشقردي    خوة نشاما صيتهم عالي هع ماشاء الله تبارك الرحمن كشتاتك انت يالمهند خورافية جميلة ومميزة وومتعة الله يجعكم على طاعته ولايفرق بينكم ويونسكم بالعافية اوووووووووخص ماشاء الله علييك يابوبسام خطييييييييييييير والله اثاريك سفاح وانا مدري وانا اقول ذا الاسبوع الرجال مداوم وهو مسفهل ماشاء الله دوم هالابتسامة هع حفظكم الله من كل سوء ومكروة الشقردي

هلا بالشقردي ...

وش رأيك عاد بكشتاتي مهيب خورافية ...

الدقة على التصوير والنقل ..

المهم ما عليك زود ..

وأبو بسام مستانس يومه شراء أرض ...

اقتباس: المشاركة الأصلية كتبت بواسطة ابو مشعل    ماشاء الله عليك يالمهند تقرير ولا اروع خاصه صوره هالخضار والسيل الصراحه صور جميله جدا ومنورين ابوبسام وابوعبدالله والحر وانت يالمهند ويعطيكم العافيه

الله يعافيك أخوي أبو مشعل ...

وين خامسنا ما كتبته ... أو يكفي ذكره أبو خليل ..

شكراً لك ولحضورك ...

كما عوتنا
بتقريرك الجميل والفكاهي
يسلم راسك يالمهند