كشته صمانية وأجواء ربيعيه بروائح زكيه

اقتباس: المشاركة الأصلية كتبت بواسطة الراقيه    مآشآء الله تقرير وصور أحترآفيه ... وأجوآء ومنآظر روعه تستآهل من يروح لهآ .. بالعآفيه عليك الحليب مآشآء الله وشلون تشربونه طيب والرغوه فوقه مرتفعه .. شكلي بجرب شربه لو مره بس ريحته مآتقبلتهآ

تستاهل يالراقيه وخص الوقت هذا لا برد ولا حر>>> الجو معتدل..

عادي نشربه هو ورغوته ويا زينها بعد اذا جاء عليها تميرات ..

اشربيه وسدي خشمك ههههههههه

اقتباس: المشاركة الأصلية كتبت بواسطة أبـوحـمـد    حليبها لو تذوقه يا نسيم ان تقول خل ناصله >> وتراي بروح له اذا صملتني..

خابر حليب الحمرا مامثله شي وحتى ديسها يجي نظيف .بس الحمرا قشرا طبوع ماتقواه الا بالطق والربط.
ايه نروح الاسبوع الجاي ان شاء الله مافيها كلام.

اقتباس: المشاركة الأصلية كتبت بواسطة ولد العز    تقرير رائع يا ابوحمد وكان الله في عون بعض العماله على كفالائهم الذين لايعرفون الرحمه وبعضهم لايعطيه رواتبه نسيم الصوره فيها شبه منك!!

هذولا الله ماراح يوفقهم لا في حلالهم ولا معيشتهم
وان الله يمهل ولا يهمل..


هههههههههههه كنك تشوفه اجل يشبهه

اقتباس: المشاركة الأصلية كتبت بواسطة المهند    إذا علمتني وراك مضيع الغنم وجاي تتقهوى مع أبو حمد خخخخخخ ..

انا الان ارمه في حالة رمه يالمهند.يعني اذا جاء ربيع والحلال مفلي مايروح ونقول الحلال يرمه يتفرق ولا يبعد والراعي يرمي عصاه،عاد انا رمهت عند ابوحمد

اقتباس: المشاركة الأصلية كتبت بواسطة المتحـ2007ـد    ما شاء الله ربيع هذي الجهات زين والحن نطق مشوار لشقران وام المصران كل الشكر لك على هذه الصور والله يعطيك العافيه

مافيه احسن من ربيع ام المصران وجهاتها يالمتحد وهالريضان هذي مهيب شي عند شقرام...

حياك وكل الشكر لحضورك,,

اقتباس: المشاركة الأصلية كتبت بواسطة جار القمر    والله صدقت يابوحمد بعض الناس حتى مواضيع الرحلات الخاصة يقص ويلصق اذا كان كاتب تحت الموضوع منقول فهو قبيح وشلون اللي مايكتب شي شكرا يابوحمد على التقرير الزين وان شاء الله الخير قادم

تصدق لقيت لي كم موضوع ويقول طلعتلي ههههههه

بس الحمد لله ان الصور ما طلعت له >> ما تهنئ بالموضوع..

وانا بالنسبه لي عادي ينقل بس يكتب منقول مو يقول طلعتي ..

وحياك يا جاروابشر بالخير ان شاء الله..

ابوحمد يبي لنا اسبوع ياالله نوفي هالموضوع حقه لانه شيق وممتع.
ابسولف ولو اني زعل ومهاوش ولا لي خلق على الحكي!!! لكن وش اسوي عاد ،قبل نبتل وحنا زعلين نزعل ونرضى هو يضر؟

تسلم يبوحمد على التقرير

اقتباس: المشاركة الأصلية كتبت بواسطة نسيم    الله من الحليب في هالحمرا

قل ما شاء الله يانسيم لاتعطيعها عين...

ماشاء الله تبارك الله
تصوير رائع
ومناظر طبيعيه جميله
بس البعد شين
والله يرحم ضعف هالرعاة ويجبر بخاطرهم
وعليك بالعافيه الحليب
وتسلم اخوي على التقرير الاكثر من رائع