::مكة:ميناء جدة:ربيع الليث والقنفذة:جبل شدا:عمق:جازان:العيون الحارة في العارضة وبني مالك:فيقا:الحدود اليمنية::315صورة تحكي الرحلة 1432

اقتباس: المشاركة الأصلية كتبت بواسطة أبـوحـمـد    ما شاء الله 315صوره تقرير متعوب عليه .. رحلة جميلة وموفقة تشدك من أولها لآخرها .. مناظر جدا جميلة استمتعت بمشاهدتها تبهج النفس .. فقد طرحت وأجدت الصراحه يالمهند مدري وش اقتبس ووش اخلي.. بس الباين ان ربيع هذيك المناطق غير.. بس يبيلي روحه لم هذيك الجهه يوم ماء وكيف كان الطلوع لفيفا وهل استقر الحال عقب الحروب الي جت من كم شهر بين الحدود.. وسوق الخوبه وش صار عليه ..

هلا أخوي أبو حمد ..
315 صورة بعد أن تم استبعاد 1200 صورة ...
يكفيني حضورك وتعليقك في هذا الموضوع ..

وربيع هاك الجهات مهوب مثل ربيعنا ... ما من ريحة زود .. ولا فيه شيء ينوكل ..
وهذا وقت الروحات يمها .. خذ لك عمره .. واطلع مناك عليها .. وأهم شيء لاتجي مع طريق الباحة .. خبري بك صادوك أمن الطرق ألين قصروا ..

الطلوع لفيفا طبيعي مثل أي مرة وعقب ما شفنا العقبات الثانية .. صار زي العسل ... والخوبة ما جيناها .. يقولون أن معد فيه سوق ولاديرة .. ولقينا مأوى للي على الحدود بين العارضة وفيفا إن كاني ما نسيت مخيمهم ..

اقتباس: المشاركة الأصلية كتبت بواسطة عَ ـزَوـوفْ ..(~    ماشاءالله تبارك الله رحلة ممتعة ورووعة سلمت وعافك ربي..

الله يسلمك ويعافيك ياعزوف ..

شاكر لك هذه الدعوة ..

اقتباس: المشاركة الأصلية كتبت بواسطة وردهـ    ماشاء الله تبارك الله تقرير متعوب عليه تعبت وانا اناظر واقراء بس شي ماينمل كاني عايشه معكم ربي يعطيك العافيه وعمره مقبوله

الله يتقبل منا ومنك ويسلمك ياورده ..

التقرير اجتهدت فيه .. لوضع الصورة أمام من يرغب بزيارة تلك المناطق هذه الأيام ..

اقتباس: المشاركة الأصلية كتبت بواسطة ابوخليــــل    ماشاء الله تبااارك الله 300 صوره يعطيك العااافيه على التقرير وماقصرت تستاهل النجوم

الله يعافيك يا أبوخليل ...

وشكراً على النجوم ..

اقتباس: المشاركة الأصلية كتبت بواسطة عزوز الرياض    ماشاء الله هل تكفي ام انت سر نجاح الابداع من اجمل ماريت في حياتي من تقرير

تكفي .. ليه ما تكفي ..

لكن :
أنت سر نجاح الابداع ما فهمتها ..

شكراً لوصفك بالجمال لهذا التقرير ..

اقتباس: المشاركة الأصلية كتبت بواسطة ابـو رائد    ** بعد شاهي العصر اتجهنا إلى سوق الميناء وأخذنا به جولة .. س سؤال / وش هي البضائع اللي في الميناء ؟ س سؤال ثاني / البيع بالجملة والا مفرق ؟ س سؤال ثالث / كيف الاسعار ؟ يله جاوب بسرعة الدرجة من 10

هلا أبو رائد ..

البضائع خم وطري .. ومحلات الملابس بالكوم ..
والبيع بكل شيء .. جملة .. مفرق .. اللي تبي ..

والأسعار ..رخيصة بعض الشيء ...
أهم شيء تروح وأنت تعرف الأسعار .. لأن فيه أشياء أغلى من القطاعي ..

يكفيني 8 درجات ..

عطنا السؤال اللي بعده ..

اقتباس: المشاركة الأصلية كتبت بواسطة المهند    هلا أبو رائد .. البضائع خم وطري .. ومحلات الملابس بالكوم .. والبيع بكل شيء .. جملة .. مفرق .. اللي تبي .. والأسعار ..رخيصة بعض الشيء ... أهم شيء تروح وأنت تعرف الأسعار .. لأن فيه أشياء أغلى من القطاعي .. يكفيني 8 درجات .. عطنا السؤال اللي بعده ..

لا بعطيك 10/10 تستاهل الاجابة كاملة والخط حلو ومرتب وفي الاملاء زين . .

ماشاء الله على التقرير عاد تصدق انه انقلب راسي ووجعني من كثر الصوره والحكي

وحمدلله على السلآمه وعمره مقبوله ..

ما شاء الله

الحمد لله على سلامة الوصول

وعمره مقبوله

تقرير وافي وشامل كما عهدناك يا المهند

تجولنا في ربوع المملكه عبر هذا التقرير المميز والفريد من نوعه

كل الشكر لك ولمن معك على ما اتحفتونا به من معلومات مفيده

بيض الله وجهك وجزاك الله خير

اقتباس: المشاركة الأصلية كتبت بواسطة ابـو رائد    لا بعطيك 10/10 تستاهل الاجابة كاملة والخط حلو ومرتب وفي الاملاء زين . .

نحن في الخدمة يا أبو رائد ..

حياك الله ..