صيد اليوم الخميس

نسيم ...
علمنا وينك صايدهن فيه .. خلنا نروح ونتشوف في محلك باتسر ...

وبعدين وش عندك كاتب اسمي في الصورة ...

اقتباس: المشاركة الأصلية كتبت بواسطة نسيم    استخدام القوة والضغط مايجيب نتيجة .وبعدين انت تبي الغداء حدر المكيف وحنا حدر طلحة .مشكله كبيرة عليه يامخاوي تمير.

حدر مكيف حدر طلحة حدر اثله هذا الكلام .. ما يهم الاهم انك تصير صادق مع نفسك

ولا تصير بخيل لا تفشلنا مع ابو منيرة الرجال يبي يجي يتعشى انا عازمه

ومدري احس انك غشاش العادة نشوف صور رجلين واظافر وش السبب في اخفائهن ؟

حتى المهند ما له ولا صورة !! اقول حمامك هذا شكلك مصيود لك

الصيد هذا من صيد العام ...

شف الحمام ... واضح أنه صايم وجوعان ...

المهم إن حصل عشاء أو غداء تراي معكم ...

اقتباس: المشاركة الأصلية كتبت بواسطة ابو منيره    الله يهديك يانسيم ماشوف مخاوي قال شي؟

ابو منيرة يعرف الصح من الخطأ

وانت يا نسيم كذبت حتى في اضافة اسم المهند معكم

الان اتضح لي انك سارق ايضاً الصورة

اقتباس: المشاركة الأصلية كتبت بواسطة المهند    نسيم ... علمنا وينك صايدهن فيه .. خلنا نروح ونتشوف في محلك باتسر ... وبعدين وش عندك كاتب اسمي في الصورة ...

اعلمك ههههههههههههههههه ضحكتني .
اسمك سقط سهواً للاسف الشديد .منول انت مراقب ونقول معليش لكن هالحين اصفر معد عندنا فيك ابد .

اقتباس: المشاركة الأصلية كتبت بواسطة مخاوي تمير    حدر مكيف حدر طلحة حدر اثله هذا الكلام .. ما يهم الاهم انك تصير صادق مع نفسك ولا تصير بخيل لا تفشلنا مع ابو منيرة الرجال يبي يجي يتعشى انا عازمه ومدري احس انك غشاش العادة نشوف صور رجلين واظافر وش السبب في اخفائهن ؟ حتى المهند ما له ولا صورة !! اقول حمامك هذا شكلك مصيود لك

الله وكبر تفشلنا !!!!!!!!!!!!!عشه انت ياخوي .
وبعدين لاتجيب طاري الاظفر لاني احس الناس قامت تناظر فيه رجاء خاص لاتجيب طاري الاظفر.
هذا كلامكم ماتخلونه ابد عشاني كلته ولا علمتكم، وبكره بعد ابوريك الصفاري والدخل وخلك تموت حسره

اقتباس: المشاركة الأصلية كتبت بواسطة المهند    الصيد هذا من صيد العام ... شف الحمام ... واضح أنه صايم وجوعان ... المهم إن حصل عشاء أو غداء تراي معكم ...

صيد العام!
شف عشان اعلمك انه صيد اليوم بكره الغداء ابتصل عليك وناديك بس تراك تبي تناظر فينا من بعيد يعني تغد قبل تجي

اقتباس: المشاركة الأصلية كتبت بواسطة مخاوي تمير    ابو منيرة يعرف الصح من الخطأ وانت يا نسيم كذبت حتى في اضافة اسم المهند معكم الان اتضح لي انك سارق ايضاً الصورة

سارق سارق يامخاوي تمير، لكن الوعد اذاجاء صديقي ابوحمد هو اللي معه الصور وتشوفون بعيونكم

ماشاء الله عليك يانسيم والله انك صادق
الصيد حظوظ كسرنا السياره ولا شفنا غير قوقسي وصعو
بس تستاهل والله يعافيك

بالعافيه اخوي نسسسسيم عليكم والله يرزقكم بالي اطيب منه
تحياتي ...,