مأزالت الحوادث مستمره في دوار الموت (دوار الدفاع)

انا ابي اعرف ليه وقفو عن صيانه الدوار ليه اهملوه كذا؟؟؟؟؟؟
وليه مايحطون لوحه كبيرة (امامك دوار انتبه ) قبلها بكيلو؟؟ .... بس مايحطونها وراء النخل مثل أشارات التنبيه ..
نرجو من المسؤل التحرك بسرعه والتفكير جيد في هذا الدوار العجيب

حمدا لله على سلامتهم

أمل من الأخ الفاضل المهندس --- سعيد بن ناصر القحطاني رئيس بلدية تمير
وكافة زملائه بالقسم الفنى
- دراسة وضع الدوار من الناحية الفنيه والذى وضع بشكل يفوق حجم الشارع الرئيسى بعدد أمتار (20م)
- تقييم الدوار من قبل مكتب هندسي متخصص في مجال هندسة الطرق
- اشراك إدارة المرور في وضع التقييم والدراسة
- دراسة الاسباب التى جعلت الحوادث تزداد يوما بعد يوم في هذا الدوار وبعدد يفوق (15) حادث وفي فترة قصيرة جدا
- وضع الحلول التى تخدم سالك الطريق قبل كل شئ
- الدوار وضع في منحنى خطير جدا لايشاهده صاحب المركبة القادم من الشمال للجنوب
- الحلول المناسبة التى نرى أن تكون لها فائدة هي كتالي :ــ
وضع مطبات تبدأ من أمام الهلال الاحمر تكون بدايتها خفيفه إلى متوسطة على أن تكون بنظام ( المشط )
تصغير الدوار بحيث يكون قطرة بحجم الشارع (40م) وليس ستين مترا حتى يكون قائد المركبة في جزء من حرم الطريق الأساسي
العلامات التى وضعت في الدوار مستواها مرتفع كثيرا يجب تنزيلها إلى مستوى ( مترا ) عن سطح الأرض
نحن نعرف جيدا أن رئيس البلدية وزملائة يتقبلون النقد الهادف البناء الذى يخدم المصلحة العامة
ونحن والبلدية مكملين لبعضنا في تقديم مايفيد لمدينتنا الغالية ( تمير ) سواء بالرأى أو المشوره

تحياتي لمنتدى تمير المرأة الحقيقية لمدينتنا العزيزة تمير الحب والعز

يا ناس يعني المسولين في البلديه ما يحسون ما يشوفون والله سيحاسبون على هذا

الإجازة قادمة وزوار تمير بالكوم بس الله يستر ويعدلون في الدوار أو يضعون مطبات ..

الحمد لله ع سلامت ابوعبدالله وعائلته وماتشوف شر ان شاء الله والله يعوضك ان شاء الله

ومانقول الا (حسبنا الله ونعم الوكيل )

اما الدوار هذا مصيبه .....

يعني لو صار فيه حادث واحد او اثنين او ثلاثه او اللي صادمين فيه من برا الديره يعني ماقد شافوه نقول يمكن
الغلط من اصحاب السيارات لانهم مانتبهو.... بس كل اسبوع لازم ضحيه... والمره هذي عائله و(الحمد لله) الله ستر عليهم
لانه مااسرع ....وش ننتضر من هالدوار بالله وش ننتضر الين تحصل فاجعه .....ماراح ينفع الندم ...

فياليت يتلاحقون الموضوع قبل ( لا يطيح الفاس بالراس )


وتحياتي للجميع

الله يستر على كل ابناء تمير وضيوف تمير
انا مع اخي ابن المملكة اقتراحاته ممتازه جداً

اول شي الحمد لله على سلامة ابوعبدالله وماتشوف شر والعوض عند الله ,,

ومشكور اخوي على الموضوع الي بصراحه يحز في الخاطر ان الواحد يكتب فيه كلام ممكن يطلع من طوره نتيجه جهل من يقف على راس هرم البلديه ومن هم تحته وايضا عن اندفاع بعض المطبلين في المنتدى اللي اسأل الله ان لايريهم مكروه في عزيز عندهم .. ولا كان تغير كلامه 180 درجه يومه جاي ويقول ان السائق مسرع ويمشي 200 ,, ياخي انا واقف معه من صار الحادث حتي راح لبيته سالم معافي الرجال كبير في العمر وماهوب راعي سرعه في الخطوط السريعه عشان يسرع في شارع الموت في ديرك اللي مهيب متطورة اذا مثلك يطبل ويريش باهلها

بالله عليك هذا رد :

اقتباس: المشاركة الأصلية كتبت بواسطة عبودي تمير    اصلن وشوله يسروعون طاير الدور موب المفروض يشولونه يصغرونه بس اما يشولونه في المشمش

اقتباس: المشاركة الأصلية كتبت بواسطة عبودي تمير    عقب التعب هذا كله يشلونه مافيه لمبات تولع ان فيه دوار بس اهم سبك اذا طلع من الديره يمشي 200 وش علينا منه ام يصدم تحطون الحق علا البلاديه لو وحد منك مدير البلا ديه يبي يقول منقاله اسرع مافيه لمبات تعلمه

حبيبي بدل ماتقول الحمدلله على السلامه جاي مندفع وثانيا البيجو اصلا طبلونها كله 180 ولافيها جهد للسرعه .. واحمد ربك لايبلاك بمثله ,,

وخذ هذا مطبل اخر :

اقتباس: المشاركة الأصلية كتبت بواسطة عبدالعزيز الهزاع    الحين الرجال على كلام الشهود يقولون طاير بين السما والارض

اقتباس: المشاركة الأصلية كتبت بواسطة عبدالعزيز الهزاع    وش ذنب الدوار في الحادث؟ بعدين تخيلو على سرعته الجنونيه هذي وقبل لا يحطون الدوار ايام كان تقاطع طلع له سياره من الشارع الثاني وصدم فيه وصارت البلوى ثنتين هل بنجي نقول الخطأ من التقاطع شيلوه؟ حكمو عقولكم شوي وركزو على صاحب السياره الي يمشي ميتين ولا في طريق الرياض السريع

حبيبي برضو بدل ماتقول الحمد لله على السلامه جاي مندفع وتقول على كلام الشهود ,, شهودك هذولا ثقات ولا من حقين البربره والتجمع والتضييق على خلق الله ,, والتصوير واذا بغيتا فزعه عض ثوبه ,,

ياناس ياعالم اذا صار الي انتم تطبلون له يوم دخلوا عليه في البلديه يشتكون قال : عشان الناس تتعود ...!!! بالله هذا رد رجال معطي صلاحيه وماسك منصب اذا انت مانتاب قد الشغله ياخي غيرك اصغر في العمر و عنده جرأه انه يتراجع عن خطئه ,,

على فكره ترا عقب صلاة الفجر فيه واحد صاقع في الدوار بس الحمد لله جات خفيفه طاح صدام قدام ,, برضوا مسرع ياللي تطبلوووون ...!!!

لكن ماقول الا الله يعجل لنا بأمر من عنده ويقشون هالدوار الي بدأ في حصد المواتر والاوادم ,,

اسف على الاطاله لكن من حر ما في قلبي من هالشغله اللي صار الواحد يكره حتي انه يسولف فيها ,,,

وماترى باس يابوعبدالله ,,

الله يعطيك العافيه

المشكله المسئولين ما ينتبهون على الموضوع

الا اذا صارت وفيات والعياذ بالله

الله يحمينا ويحمي جيمع المسلمين

مفروض يخلون اسم الدوار (دوار الموت)

والله تمير ازين ديره بس كثرت الدوارات خلها ماش مدري شلون

الله يكون بالعون

الله يستربسسس ...