ديوان الشاعره عــــابــرة سبيل

(( كيــــــــفي مزاجـــــــي ))


كيفي مزاجي كل شي بكيفي...
.................. حره وحره والف مليوووون حره..

باخذ ربيعك منك واعطيك صيفي..
.................. وباخذ حلا الايام واعطيك مررره..

ذوق العنا خله يزاورك طيفي..
.................. ذوقي اللي ذقناه ولو كان مره..

عقب الهجر يا تعتذر يا وليفي..
.................. بأرد لك نص العنا والمضره..

لاخير بانسان رمى ثوب ماضيـه
..... وبالتالية يسعى لطمـس الهوية

للشمس نور يحسب إنّـه يغطيّـه
..... ما يدري كفوفـه بنـوره خفّيّـه

وأنا فدا الماضي ليا حل طاريـه
..... أنسى الحيـاة المترفة والشقية

طبع البداوة عشقي وميتة فيـه
..... وكلّي فخر لاقالـوا إنّـي بدويّـه

إيه أبدويه آخذ الخيـر وأعطيـه
..... وأبادل المعطي جزيـل العطية

إيه أبدويه وأزرع الطيب وأجنيه
..... الطيب زرعي ما زرعت ألرديه

إيه أبدويه لـو تزيـد المشاريـه
..... ببقـى على عهـد البداوة وفيّّـه

ماألاحق الموضة بسوق المسافيه
..... اللي لهن كل يوم روحـه وجيّـه

الله سترني ، ثوبهـم ذاك ماابيـه
..... لاصار تطريزه بسلـك الخطية

ماني من اللي أثبت العكس وأنفيه
..... وبيني وبين العيب حوض المنيّـه

ومانيب دلّوعه ولا قلت : (أمبيه)
..... ولالي على كثر الدلـع مقدريّـه

رزينه وثقلي على الخـفّ ابديّـه
..... دام الثقـل زينـه لعقـــل البنيّـه

كرامتي نجم سطـع فـي لياليـه
..... ولاذلّني مخلوق ما دمـت حيّـه

لنفسي عليّه دين لاشـك أبوفيـه
..... ولا دفعت لمقتـل الخـوف ديّـه

وأقول للي جهل الأيـام معميـه
..... مولوده ، وعشت ، وبموت أبدويه

.·:*¨`*:·. كوشة فرحها.·:*`¨*:·.

وكليلها الابيض بقايا كفنها
.................... تبريكاتهم اصبح عزى يجرح الصوت

صرخه ويبابه تشابه لحنا
.................... غصب عليها تقبل الوضع بسكوت

مهرة وعادات البداوه رسنها
.................... اغضت وصدت وانطلق صوت مكبوت

لابو تقاليد الحياة وسننها
.................... وراحت معاه وبقلبها حرف منحوت

يبقى معاها لين يطوي بدنها
.................... وراحت وبركان القهر لاتها لوت

تبي تصيح وفيه خوف سكنها
.................... راحت وصدى كلماتها زلزل بيوت

" لابو تقاليد الحياة وسننها "

(( خلنا نتفاهم ))

* لاترفع الصوت ماني فيك مجبوره *
*قررت دربي وصوتك ما يوقفني*

*أرضى أنا بقاسيه أرضى بمغروره*
ولا أرضى بعشرة حبيب ما تشرفني*

*ياما وياما وياما قلت بحروره*
*حاول تغيير ترى وضعك يكلفني*

*خلنا نتفاهم تعال نوضح الصوره*
*إما انت تمشي معي او لا توفقني*

*مسرور فيني وانا مانيب مسروره*
*حبي يشرفك وحبك ما يشرفني*

"""" لله ابشكـــي """"


لله ابــشــكــي (حــيــرتــي ) لله رب الـعـالـمــيــن
وامــد لــه كـفـي ( دعـــا ) يـــالله عـفــوك ياجليـــل


يامنتـهـى ( الشـكـوى) إلـــه العـابـديـن الصابريــن
يـالله (عونك .. فزعتـك) همـي عـلـى قلـبـي ثقيـــل


جتـنـي (رسـالـه) نصّـهـا ياعـابـره (حــزن وأنيــن )
مع( تجربه ) مضمـونـهـا فـيــه الـنـتـايـج والحصيـــل

في شكلها الظاهر ( غطا ) وفالباطن المعنى الدفين
وفـي ( حبرهـا ) تلميـح لايمكـن يصـيـر المستحـيـل


وانــا حقيـقـه مـاعـرفـت شـلــون بـبــدى يا حـنـيـن
مــدري ابــديّ كلمـتـي أو الــزم الصـمـت الفضـيـل

لا جـيـت ابتكـلـم لقـيـت الـوضـع قـاسـي مايـليـن
وان جيـت ابسكـت مالقـيـت عــلاج للقـلـب العليــل


لاكـنّ ( عزايـه ) مامعـي سلطـه ولا عـنـدي ضميـــن
ولااقــدر امـيّـل مـاعـدل ولاقـــدر اعـــدّل مايميــل

مـاعـنـدي الاّ ( كـلـمـة ٍ) فـيـهـا الـعــوارف خابريـــن
الـقــاع لاصــــارت دهــــر ( يـابـدو ) يـازيـن الرحيــــل


وخـلافـهـا (سـلامـتـج ) و الله عـلــى الـدنـيـا يـعـيـن
و الـصـبـر عنـوانـه( فـرج ) و الـغـيـث لابـــده يسيــــل


ويا منـتـهـى الـشـكـوى إلـــه الصـابـريـن العـابـديـن
لا حـارت افكـاري تـرى مالـي ســواك انــت الدليــل

رغبه


أنا أبيك .. وحش يحتوي داخله عصفور
وانا ابيك .. طفل يحتوي داخله رجـال

أبيك .. الأب بالعطف والأخ بالمعسور
أبيك أمي بالتدليل ومداعب الجهـّال

انا أبيك .. تاج الستر ياعاري المستور
أعاف العقل وانجن مادامهم عقــّال

أبيك .. المطاع الطايع المنذل المغرور
انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور
أبي تحتوي كل التناقض مع الاشكال

أباصيــر انا ويــاك.. داخل بعضنا نـدور
ياحتى نضيع وين كنا مع المـــدخال

خلاص انتهى صبري وتلاشت خيوط النور
أبعلن جنوني وش نلت من عالم العقال؟؟

"""" المشكلهــ""""


المشكله ماهيب هذي ولا ذيك
...................المشكلة لاحبت العين طايش

تزعل ويضحك وان تبسمت يبكيك
...................الموت جاك وهو بالأفراح عايش

تناقشه يزعل ، تداريه يشقيك
...................ترقع شروخ ويطلعن لك درايش

ماينتراضـى وبالزعل مايراضيـك
...................والصبر يثر بالقلوب الهشايش

"""" فرقاه صار """"


أغض عيني عن خطاه وخماله
................... وأرقع فضايحهم بزين التواصيـف

أثاري فيهم ماتفيد الجماله
................... والناس لاسبوه قلنا ملاقيف

فرقاه صار .. ونسيته لامحاله
................... ولاعاد في بوم الليالي لهم طيف

دموع عز ولا ابتسامة نذاله
................... دنياك مادامت لغيرك على الكيف

ô¤*~مسافره مسافره~*¤ô

مسافره مسافره وجمعت انا اشيائي
..بروح ادور لي ارض غير مأهوله

افكاري مبعثره والمشي عشوائي
..والدرب مخطوور والاحلام مشلوله

بروح امارس جنوني واقتل اعبائي
..مابي خوي يخاويني بهالجوله

بحمل معاي صراحه وقول تلقائي
..وقصة موادع وقطعة قلب منزوله

وشعري وجنوني وفلسفتي مع آرائي
..بأطلق لها عنانها وتقول ما تقوله

في رحلتي مستعده افقد اعضائي
..دام اني آمنت فيها صرت مسؤوله

مليت وانا انطعن بالظهر واستائي
..ماقلت لو مره هالطعن وشهوله؟!

مليت اكفر اخطاء ماهي اخطائي
..وادري براعي الخطا واقول من هو له؟!!

فرقبتي قلاده هي سبة ايذائي
..من قبل لا اولد وهي بالعنق مغلوله

محتاجة للنفس من ضيقة احشائي
..واشوف مفتاح قيدي وما اقدر اطوله

"""" وقفتــ أطالع ؟؟ """"

سألت عنه الشمس ، يا شمس وينه ؟
...................وأشوفها عنــــي لجـت تزبـن النــــو

وسألت عنــــــه فـي شـوارع مدينـه
...................لكن طفـت أنــــــوارهـا وأظلـم الجـو

ورحت أسأل الحاره هوى البال وينه ؟
...................عقب الرحيل اللي شهدتيه ما جو !!

تـكفيـن مثـل الغـيـــــر لا تنكريـنـه
...................يــامـا لعبنـا بالبـــــراحـه أنـا وهـو

وقفـت أطالـع بــــالأماكـن حزيـنـه
...................أسترجع الذكرى وأنـا داخلـي ضـو

ذكرى الطفوله و أول الطيـش فينـا
...................و حروفنا اللي كـن تسجيلهـا تــــو

وضحكه وخيال وصوت طفـل يبينـا
...................في ماقفي كـم قلـت ليـت ورا لـو

أسوق مـن عنـدي بشايـر ثميــنـه
................... اللـي يعلمنـي بهـم كانــهـم جـو