شكرااا رجال الحسبه

شكرا شكرا لرجال الهيئة هذا ماكان يتمناااه الغيورين على نسائهم و دينهم ومدينتهم
وجزى الله القائمين على إنكار المنكر كل خير

شكرا لكل من ساهم في منع باب فتنة
شكرا للجميع ووفق الله الجميع لمرضاته

اتمني من اهل تمير اذ عندهم حفل يحطونه مكان بعيد عن النساء علشان مايجون
دامكم من يومين مبلغينهم ليش يجون قله حياء
والله حرام وش ذنب الاطفال الالازم تقتلون فرحتهم
الله يهديكم والله يجزاء الهيئة كل خير

اقتباس: المشاركة الأصلية كتبت بواسطة كلي طيب    الحمدالله والشكر وفرحه هالاطفال ماتتم الا بغضب الرحمن..!! مايكفي ماصار العام من قله الادب وفسخ الحياء..!! محد مانع من اسعاد هالصغار لكن بحدود الشرع وبعيد عن الاختلاط والفتن انا من اول المأييدات ع اقامه الحفل لهالصغار لكن بشرط مايكون في مكان عام مثل هالمكان ... بصراحه مدري وشلون تفكرون هل فعلآ انتم تتكلمون من عقلكم ياللي متضايقين من الغاء الحفل او وش سالفتكم!!!!!

وش غضبه الله يصلحكم ترا كلها نطيطه وكم لعبه للاطفال طيب ارفعي معروض للديوان الملكي

يمنعون الاحتفال في تمير فالمدارس وغيرها كذا بنوفر نشتري بروشرات واعلام مالها داعي

الغلط من راعي الحفل كان عارف ان المكان مخصص للنساء وعارف ايش حصل العام الماضي

واستمر بتكرار الموقف ماندري وش الهدف من هذا التغريض والشوشره على هذا الحفل واحداث بلبله

نحن في غنى عنها الديره ماضاقت بحفلكم لكن كان متعمد ان يتكرر الماضي في نفوس البعض

والله اعلم

حمانا واياكم من شر الفتن

حاطينه في مكان حريم وماتبونهن يجن
احتفالات الرجال لها مكانها ومَ اشوف انه من حقكم تمنعونهم لأن المكان مخصص للعوائل !
ماقول الا الله يكتب شقى هالعمال الي ركبو على غير سنع اجر عند الله

لالالالا تعليق

اقتباس: المشاركة الأصلية كتبت بواسطة مخاوي الصحراء    مجرد اقتراح ياليت كل حفل يقام في مدينة تمير ان يدرس دراسة كاملة من قبل لجنة منظمة لهذا الحفل ومكونة من 1/ بلدية تمير 2/ رجال الحسبة 3 / مركز تمير 4/ شرطة تمير لتنظيم السير وذلك لابداء راي كل واحد منهم ليصلوا الى حل موحد ومنظم لاقامة هذا الحفل

كلام جميل واستئذنك في اعادة الترتيب

1) رئيس المركز : هو الأهم في البلد ونتمنى أن يستشار

2) الجهة المنظمة : سواءً كانت خيرية أو حكومية

3) البلدية : جهة تنفيذية وترتيب وتجهيز

4) الهيئة والشرطة : لتنظيم السير والميداني للحضور

5) المجلس البلدي : فهو الجهة المرشحة من الحكومة والأهالي فلابد من كلمة لهم

جزى الله كل من سعى في ايقافها وطالب خير الجزاء وبارك فيه ..
اذ احد كسر فرحه اطفالكم ع حد قولكم فهو انتم يانساء يامن حضرتن بدون دعوه وان المكان مخصص للاطفال فقط
واذ كان الموقع اصلا للنساء وش المشكله لو كان وقت الحفل فقط واكرر فقط ماخرجت النساء حتى ماتكسر فرحه اطفالها واحتراما لمن طالب بعدم وجود النساء ..
انتم من تسببتم بايقاف الحفل .. فالحمد لله اولا واخرا

هل افهم انه سيتم ازالة الممشى والحديقة يوما ما

الشكر اولا للمحافظ
وثانيا للهيئة
وجزاهم الله خيرا

وكل العتب على البلدية والمجلس البلدي واللجنة