جاكم البرد اللي يذكر

اقتباس: المشاركة الأصلية كتبت بواسطة النجدي    وش رايك يا نسيم نشري هدوم صيف والا شتاء للعيد ؟

مرحبا يالنجدي وين على شمسك غيوم؟
شف يبي لك طقمين يالنجدي صيفي وشتوي .في ساعات الصباح الباكر يبي لك بشت ولطمه وثوب جبر، والظهر تخفف نصف الحموله.

اليوم من اول ايام الشتاء الي عليه الكلام
الله يعينا نطلع الفراء والمطارح

وين طلع لنا ذا الموضوع ..
اليوم العصر ... شف العصر .. يعني المفروض أقل برودة .. شايف لي واحد لابس ثلاث ثياب وكوت جيشي وبشت لو تلبسه خنع كتفك .. وغادي وش كبره في الغمارة ...
دقيت عليه وقلت له اللهم من الدهوله عندك..!!
قال يارجال أسكت أنا ناوي أحلق رأسي قبل يومين في الحر وتعيجزت ... وبلشت ألحين أخاف أحلق رأسي ثم أبلش بالسباحة ..!!

اقتباس: المشاركة الأصلية كتبت بواسطة قائدالأسود    اليوم من اول ايام الشتاء الي عليه الكلام الله يعينا نطلع الفراء والمطارح

لاتخلي شي ماتطلعه ياقائد الاسود وعليك بالنفياء الازرق تراه ازين شي للبشرة السمراء لانه يقلب الوجه سماوي للبشرة البيضاء.

اقتباس: المشاركة الأصلية كتبت بواسطة المهند    وين طلع لنا ذا الموضوع .. اليوم العصر ... شف العصر .. يعني المفروض أقل برودة .. شايف لي واحد لابس ثلاث ثياب وكوت جيشي وبشت لو تلبسه خنع كتفك .. وغادي وش كبره في الغمارة ... دقيت عليه وقلت له اللهم من الدهوله عندك..!! قال يارجال أسكت أنا ناوي أحلق رأسي قبل يومين في الحر وتعيجزت ... وبلشت ألحين أخاف أحلق رأسي ثم أبلش بالسباحة ..!!

شف مثل هذا شوفته تجيب البرد وصراحة وصفك فيه روعني جعلي ما شوفه.لاني تخيلت شكله كنه من اهل منغوليا .

الله يستر شكل هالسنة جمدة


...

نسيم يقولون الهبه شماليه

شكلكم نصابين لابرد ولا شي

حنا لسى لابسين صيفي ناوين نروح نتقضاء للشتاء ونقول لسى بدري

وش فيكم مستعجلين على البرد

والله انكم تحف

اقتباس: المشاركة الأصلية كتبت بواسطة سنوات الضياع    شكلكم نصابين لابرد ولا شي حنا لسى لابسين صيفي ناوين نروح نتقضاء للشتاء ونقول لسى بدري وش فيكم مستعجلين على البرد والله انكم تحف

الموضوع قديم وانا خوك .