●• خزآمىَ الصَحآرى « للشعْر والخَوآطرْ !

لا تـُحاول ان تقول كل مالديك؛ فربما الوقت غير مُناسب.. تريّث فلكل مقامٍ مقال و لكلِ مقامٍ مشاعر خاصة به.

‏وش عاد لو تنزل من العين دمعه
...................قد طاحت من عيون الاوادم اوادم

ياطير ياللي في قفص صدري سجين،
مااظن باقي بعد هالفرقا إجتماع،
قم نطوي الليله وجوه الراحلين،
وننسى الوداع اللي قبل دمع الوداع”

دنيا تضيق وفزعة الله قريبه
..............وعند الفرج مايخذ الضيق ساعة

وِيبَقىْ الحَنِينَ بِدآخِلّيْ سِر مَكتَوُم ..
................وِتبقى آلأمآني عآلقه فُوق الأحلأم..

انتي تقولين جده غير ,, وانتي بعد غير عن جده

يامسافره مع جنـاح الطيـر
حسبي على الطير من هـدّه

ضفّك جناحـه وعيّـن خيـر
وحبـال الأشــواق مـمــتـدّه

يابنت .. ما للسفـر تبريـر
خـص ٍ ليـا طالـت المـدّه

انـتـي تـقــولـيـن جــدّه غيـر
وانـتي بعد غير عـن جــدّه ؟

جيتي بحرها وجـاك مغيـر
مشتـال موجـه علـى يـدّه

المـوج ودّه يضمّـك ميـر
الـبـحــر .. ودّه ولا ودّه

يانفحـة الشيـح والنـويّـر
صــآحبك بـاح الجفـا سـدّه

وش خانة الشعـر والتعبيـر
أبنـي لـك البيـت وأهـدّه

دايم وطيفك ضحى واعصيـر
يشـنّ هجـمـات مـرتـدّه

واليا عرض لي عكست السير
وسيلّت دمعي على خـدّه ‍ !

الياس يقضى على التفكيـر
وافزع ورا الصبـر وارتـدّه

وانـادي الحـلـم للـتـفـســـيـر
ولازلت .. ولا زالت الشـدّه

من يوم كنتي وكنت صغيـر
نضحك على العمـر ونعـدّه

واليا حصـل بيننـا تقصيـر
نصدّ .. ولا تبطـي الصـدّه

لين ابتدا الشيـب والتوقيـر
وعلاقتـي معـك مشـتـدّه

محبّه .. وحشمه .. وتقديـر
ويضدنـا الحـظ ونـضـدّه

منتي على موجـة التغييـر
يابنـت الأجـواد محـتـدّه

لقيـاك مـا تقبـل التأخيـر
خصٍ بعـد طالـت المـدّه

انتي تقولين جده غير ,, وانتي بعد غير عن جده

اللي مشى في عـــــــزة النفس مابار
...............واللي يذل النفس بايــــــــــع ضميره

في مرحله من حياتك سوف تدرك أن بعض الأشخاص سبيقون في قلبك ولكن ليس في حياتك ..

عسى الله يحرمـك من دمعتك وبكاك
ليا من جيت في بالك ... وأنا سالي

وعسى الله مايجيب بغفلتي ذكراك
ليا من صـرت بين الناس ولـ حالي