نسائم نسيم

امل الوجار وخلي البـاب مفتـوح

هذي قصيدة معروفه ومشهوره للشاعر

محمد بن شلاّح المطيري يرحمه الله

وقصتها :

يقولون ان الشاعر في عام 1384هـ قام ببناء بيت في حي الشرفية بمدينة جدة

وعمل غرفة في مقدمة المنزل وضع فيها «وجار»

وكان فاتح الباب الرئيسي للبيت وجالس في الغرفة ام اوجار

واللي يمر مع الشارع يشوف اللي جالسين داخل الغرفة ام وجار


وكان هذا المنظر غريب ذاك الوقت

ويقولون ان جدة في هذا التاريخ 1384هـ ليست كجدة الآن من توفر الفنادق والشقق

السكنية وحتى المطاعم ، وفي ثالث أيام عيد الفطر المبارك وعندما صلى ابن شلاح

الصبح فتح الباب، ودخل إلى داخل المنزل، وكان عنده رجل يقال له جميل

شب الضو جميل وقام يسوي القهوة، ولاّ ذاك الرجال الي دخل عليه

رحب به جميل وسأله هل تعرف صاحب البيت؟

قال الرجل:لا والله لكني خرجت من المسجد، ورأيت جميع

الأبواب مغلقة ما عدا باب هذا البيت، واستحيت لا اطرق الابواب أو انادي

فدخلت وانا شمري من قرى حائل أبحث عن ابني في مدارس الثغر، ومن هو

صاحب البيت؟ قال جميل هذا رجل مطيري ،، كل هذا الحوار الذي جرى بين جميل

والشمري سمعه من ؟

ابن شلاح سمع الكلام اللي دار بينهم وكان ورى جدار الغرفة ام وجار

ويوم سمع ذا الكلمة بالتحديد من الشمري استحييت ألا انادي

طرى على فكر الشاعر ذا البيت اللي هو مطلع القصيدة :

أمل الوجار وخلوا الباب مفتوح.......خوف المسير يستحيي لا ينادي

المهم جاهم ابن شلاح ورحب بالضيف وقاله ترى واجبك طايح

ورفض الشمري وحلف ابن شلاح وصار الواجب وانتهى شغل الشمري ورجع لاهله

واكمل ابن شلاح قصيدتة

و هذي القصيـــدة :.
...

امل الوجار وخلي البـاب مفتـوح
__________ خوف المسير يستحي مـا ينـادي

نبغي الى جاء نازح الـدار ملفـوح
__________ وشاف البيوت مصككة جاك بـادي

يقلط لديوان به الصـدر مشـروح
__________ ورزقه على رازق ضعاف الجرادي

يا نمر ما في صكت الباب مصلوح
__________ ولا هي بلنا يـا مضنـة فـوادي

تصلح لمخلوق يبي يستـر الـروح
__________ ناشي عليهـا معتمدهـا اعتمـادي

يا نمر لو المرجله سـدو مسـدوح
__________ كـل نقزهـا حـر ولا بــرادي

لكنها من دونهـا المـر مطـروح
__________ وارض تبي من بذر فعلك سمـادي

رجال تقصيره مع الناس مسمـوح
__________ لا حيث ماله في القديمـة شـدادي

ورجال تقصيره مع الناس مفضوح
__________ وكل يقول النـار تخـر رمـادي

الشيخ /عبد الكريم الجربا من شيوخ شمر ومعروف بالكرم ،وليس كرم بل طاغي في الكرم .ويسمونه او يلقبونه ابوخوذه نسبة الى كلمة (خذه)او (اخذه)يعني يعطيك.لانه اذا جاه احد يطلب منه قال خوذه يعني (خذه)مايرد احد ابد .
خوذه لهجة اهل حائل.
عرف الشيخ عبد الكريم الجربا من مشايخ قبيله شمر بالكرم اللامحدود حتى في احلك الاوقاتواعصبها اذ لم يذكر عنه انه اتاه ملتمسا لفضله واعاده خالي اليدين مما جعل الناس ان يسموه بابي خوذه لانه لم يعرف ان يقول لا للمستجدي به لانه في هذه الحاله لايقول الا خذ ومن الروايات التي حبكت حول كرم هذا الشيخ وتسامحه عن الغير وان كان ذلك الغير يقصد الاساءه للجربا نفسه..
ففي احد الليالي انطلق احدهم لغض الكسب من ابل عبدالكريم الجربا على غفله
منه وعندما وصل لمراح الابل رأى انه ليس من المناسب ان يعثو بالبل في لحظتها لان اغلب رجال النزل لازالوا يتجاذبون اطراف الحديث ولم يناموا بالسرعه التي كان يتصورها الحائف او الحنشولي .. وكانت تلك الليله من ليالي الشتاء البارده التي لايستطيع فيها الانسان ان يقي نفسه من البرد القارس الا بأحد طريقتين اما الاغطيه الجيده او اشعال النار وهو مالم يتوفر للحنشولي في وقتها..
وطال به الانتظار وشددت البروده قبضتهاعليه ففكر في مخرج من ذلك فرأى ان من الافضل له العدول عن السرقه واللجوء لبيت الجربا بدلا من سرقه ابله حتى ينجو بنفسه من البروده الزائده فدلف لداخل البيت واوقد النار فأستيقظ عبد الكريم على ضوء اشعاعها ونهض من محل نومه واتجه للمجلس حيث توقد النار لمعرفت الضيوف الذين حلوا لتوهم على بيته دون علمه وصاروا يوقدون النار لغرض ايقاظه من النوم فلما اطل بنفسه على المجلس وجد هذا الشخص لوحده فسأله من اين اتيت ؟ ... بعد ان حيابه فقال له انه اتى بغرض الكسب من ابله ولكن يقظه رجاله وبروده الجو حالا دون تحقيق رغبته وما اراد ان يفعله الجربا به بعد ذلك يفعله .. فقال عبدالكريم خذ هذه الفروه واحفظ نفسك بها من البروده واذا اصبحنا افلحنا وانصرف لمكان نومه فلما اصبح الصبح واجتمع القوم في بيت عبد الكريم جريا على العاده قال الحنشولي هذه الابيات:::


البارحه ماهي من البارحاتي
من واهج ينفخ على البيت ويزير
البل تناحت كن فيه اطلاتي
والا تحش عضودها بالمناشير
لولا ابو خوذه كان هذا مماتي
في سهلة ماينوجد به حفافير
عطيته ماهي من البيناتي
فروه وعده عازلن لي مغاتير

فلما استمع الجربا لابيات الحنشولي قال له ان الابل التي غزيت من اهلك بطلبها قد كانت من نصيبك في هبه لك ولن يحول بينك وبينها حايل .. فسمعت ام عبدالكريم بهبة ابنها غير المشروطه وغير الواجبه للحنشولي في نفس الوقت دفعها حب المال لمعارضته بما فعل فقالت له: لا ياعبد الكريم انك اعطيته فروتك وانقذت حياته من الموت وعفوت عنه وهو الذي اتى لسرقتك فكيف تعطيه ابلك؟ فقال لها : اجل يايمه ليه سميتين عبد الكريم؟
ويأبى عبدالكريم الرجوع عن هبته ويستاق الحنشولي الابل بكاملها هبه لاسرقه ....
وهذه بحق مفخره من مفاخر العرب حيث العفو عند المقدره والكرم اللامتناهي ...

عفاك الله اخوي نسيم
ما يحتاج الشيخ عبدالكريم الجربا من اشهر الكرماء
ممتع طرحك يانسيم

ما تحس أن بعض الحكايات أصبحت كالأساطير عندما يطلع عليها الشباب اليوم يانسيم ..

أتوقع إن الاعلام في وقتها صار من صالح هالكرماء .. وطاروا بربعهم ..

اقتباس: المشاركة الأصلية كتبت بواسطة النادر    عفاك الله اخوي نسيم ما يحتاج الشيخ عبدالكريم الجربا من اشهر الكرماء ممتع طرحك يانسيم

تسلم يالنادر على حضورك.عبد الكريم الجربامن الكرماء والشجعان ايضا لانه مات مقتول في الحرب .

اقتباس: المشاركة الأصلية كتبت بواسطة المهند    ما تحس أن بعض الحكايات أصبحت كالأساطير عندما يطلع عليها الشباب اليوم يانسيم .. أتوقع إن الاعلام في وقتها صار من صالح هالكرماء .. وطاروا بربعهم ..

الشباب اليوم ليته يعرف هالسوالف او قد سمع بها حتى لو ينقد عليها لكن المشكله انهم ماعرفوا سوالف الاولين ولا التالين.
الاعلام سابقا لايذكر الا الشي الصحيح وقصصهم تناقلها البعيدين .مثل فجحان الفراوي المطيري

المهند نسيت شي واحد ومهم .انا اجمع هالقصيد والسوالف حتى تكون مرجع لي وللي يحبها .
تصدق منول اني حافظ هالسوالف وقصيده حفظ بنك .

هذي قصيدة للشاعر سعود الوسمي غزلية وتعد من الروائع وجاراه شعراء كبار فيها
تغنّت طيور الشعر في روضة البستان
،،،،،،،،،،،،،،،،،،،،،،،،تغرّد طرب وانا جذبني تغردها

جذبني صدى صوته على الحاجر المليان
،،،،،،،،،،،،،،،،،،،،يطوّّّّح مواويل(ن)على البال ارددها

تهيّض وهيّضني شجا وحرّك الاشجان
،،،،،،،،،،،،،،،،،،،،،يداعب شعور الشعر كنه يعاندها

وجته القوافي مطلقات(ن)بدون اعنان
،،،،،،،،،،،،،،،،،،،،،مطرّز معانيهن بصافي زمردها

تجاوبت انا والورق في ملتقى الخلان
،،،،،،،،،،،،،،،،،،مكان(ن)اليا جيته همومي يبددها

مكان(ن)نقش في داخل الذاكره عنوان
،،،،،،،،،،،،،،،،،،يذكّر عليّ عهودها يوم اعاهدها

سقاه الحيا من هامل الديم له ودّان
،،،،،،،،،،،،،،،،،،،،يربّع بروضه والمأثر يجددها

لجل كد مشى في روضته قايد العزلان
،،،،،،،،،،،،،،،فريد(ن)فرد بالزين والرب فاردها

غريبه وصوفه ماوصوفه وصوف انسان
،،،،،،،،،،من الحور جلّ اللي عن الخلق زايدها

كساه الحلا والملح والنور فيه الوان
،،،،،،،،،،ملاك(ن) ملك نفسي عن الغير قيّدها

غرير(ن) غرور مغطرس(ن)بالجهل غرقان
،،،،،،قريب(ن) بعيد(ن) عن هل اللعب مبعدها

نظيف(ن) عفيف(ن) ماقضى للمولع شان
،،،،،،،،تموت النفوس من العطش مايشهّدها

محافظ على عهده مهو للعده خوّان
،،،،،،،،،هواها على وضح النقا ذي عوايدها

اخذنا بماض الوقت انا والغضي عبّان
،،،،،،،،،،،،قبل لايفرقنا حسودي وحاسدها

تجدد عهود الود غصبن عن الزعلان
،،،،،،،،وتبرا قلوب(ن) كايد الود ضاهدها

وتطيب النفوس اللي طواها نيا الحرمان
،،،،،،،،،،،توارا الزمان ولانفعها تجلّدها

قلوب(ن) تساعر وسطها واهج الضيّان
،،،،،،،،،تقل بالخناجر والهنادي تقددها

حرمها عن اللي تشتهي ميّت الوجدان
،،حرمها حرم من شوف عينه ومرقدها

عسى الله يعوّض مامضى بنعمة النسيان
،،،،،،،تجدد امال(ن) مابقى الا شرايدها

هذي القصيدة مجاراة لها من شاعر اخر
سمعت البيوت اللي من الحصّ والمرجان
بيوت(ن) صنعها المصنع اللي مورّدها

من الوسمي اللي صار في خانة الهزان
تذيع الاذاعه به وتنشر جرايدها

تذكّر وذكرني وجيته من الحيطان
كما المضميه تذكر عليها مواردها

سعود يتمشى في بحور الهوا غرقان
وانا عبرتي في داخل الصدر اذاودها

ذكرتك الغلا ياعارض الما على العطشان
كبود(ن) تحب وتشتهي وش يجوّدها

سقا الله سقا الله ماذكرته هك الزمان
طرف ليلة(ن) ماتنتحسّب فوايدها

مع الجادل اللي كنها مطرق الريحان
حشى ماعطتني بس مناك اشاهدها

واحب التراب اللي تجي فيه لو صوّان
وارصّه على كبدي شوي(ن) يبرّدها

يطفي لهيب(ن) ثاير(ن) كنّه اليركان
تضمّّّه مهاديف(ن) عسى الله يساعدها

من العندل اللي شوفها يبري الاحزان
اكنّ الموده من طرفها واجاهدها

من الحور لولا الحور رافعهن الرحمن
لقول ان زين الحور فيها موالدها

تحشر البشر في حسنها الباهي الفتّان
هك الغرّّه اللي تشتعل وين تاجدها

ليا قضّت الاشقر ومال وكسى الامتان
جميع العذارا في عيونك تزاهدها

يميل الهوا في عودها الناعم الريّان
هواف(ن) خواصرها وقوف(ن) نواهدها

هدب عينها لاطرّقت به على الاوجان
شخاتير مزن(ن)في بياض(ن) يطاردها

ليا طبّت الملعب يصيب الوقوف جنان
كما الكرده اللي تعجبك في تمرعدها

مع الزين والقبله عليها حلاة لسان
تسلّ النفوس اللي قوي(ن) عقايدها

لو انه من اول يوم لهل الرمك ميدان
ثمنها المهار اللي طوال(ن) جلامدها

عسى ديرة(ن) تسكن بها لوهي الصمان
عليها قنوف الوسم ترخي قلايدها

لعل المزون اللي تكاشف لها ربّان
تهشّم عليها لين تملا مصامدها

هايض قصيد يانسيم بيض الله وجهك
سر وعين الله ترعاك