سواليف الضحى العااااالي

اقتباس: المشاركة الأصلية كتبت بواسطة همس الجفاء    الف الف مبرووك التتميز تستآآهل سواليف الضحى العااااالي ^_^ ممدونهه رووعه الصصرآحه وبقمممه الججمآل خخآصه يوميآتك ^_^ قمه في الروقآن ق1 آبدعت يآخخوي بمآطرحت فيها ق1 هههههههههههه ذذكرتني بنفسسي اوول ممآصصرت من المتميزين ققمت اححوسس وارجع للصفحآت الي وورآ هع ونفسس التفككير ووش سسويت عششآن يحذفها ابو حممد ههع <<ع ططول ممآفيه وققت شكيت بنفسي بسس آححمد ربي آني مموب لححآلي في ذآ الححركه .

يا حيالله همس الجفاء ما شاء الله وانا اقول مدونتي منوره اثرتس فيذا تباركين

يا ماللعافيه والله

اقتباس: المشاركة الأصلية كتبت بواسطة دروب الامل    مبروووك اخوي هبووب على التمييز وتسستااهل واللهـ ماشاء الله مدونتك رووووعه وتوسع الصدر

يا هلا ويا مسهلا باللي لفانا يادروب

نوتي مدونتي بنورك والله يبارك في عمرتس ان شاء الله

امس الجمعه قررنا قرار نهائي وين نقضي اجازتنا فيه وماراح تصدقون لأنه بصراحه سوين ضغط قوي لين وافق ابوي واصرينا انه يروح معنا هو وامي

والله من تب هين يا هبوب الريح انت واهلك بتتركون البقر والغنم والدجاج والبط وتتركون هاك البن والجح تحت المعشش الضحى العالي وذيك الكنديشه اللي تهفهف

لكن ابترك لكم وين بنروح واعلمكم يوم الاثنين ان الله عطانا عمر بنسافر الى (.....................)

ههههههههه بأنتظارك ..علمنا وين تتروح له..

اقتباس: المشاركة الأصلية كتبت بواسطة طفولة تمير    ههههههههه بأنتظارك ..علمنا وين تتروح له..

ما تتركين القافه عنتس يا طفوله لكن باعلمتس

مهب من عوايدي ادخل المنتدى هالحزه

زملين لسفر ما ندري وش نولم ولا ندري وش نخلي

السفر له فوائد عظيمه ومنها تعدد الثقافات

لكن المشكله الوحيده الي تعوقنا من يحط لدبش ومن يحش العشب اللي في النخل

الهنوود ما يتكل عليهم او الحن ما نتكل على احد هي وحده من الثنتين

الحن ما ندري وش السالفه ندربي روسنا ولا نعرف شي

الله يخليلنا ام حصه مدرسة انقليزي وتعرف تحتسي وفاهمه ومتعوده يومها اعزوبيه تسافر مع اهلها

اما ان ردة لي انا شخصيا يا هبوب

حدي مكه وابها وبس وغيره ما اعرفه حتى جده نسمع بها ولا نعرفها

مشكلتنا متحجرين ومتقوقعين عايشين حياة قديمه جدا

لازم الواحد يطلع من اللي هو فيه >>بدت الفلسفه يا هبوب وانت ما سافرت <<<<<<<< وشلون لو سافرت شكلك بتكر حنتسك

تصبحون على خير اخاف اسهر ثم تبدا سواليف الليل الي يمسحها النهار