سواليف الضحى العااااالي

هب الهبوب وجدد الجرح ياعيد
ريح الشمال اليوم هيض دموعي

لياهب نسناسه بدت لي تراديد
عواطف تسكن خوافي ضلوعي

وزارتني بالذكرى رجال صناديد
كانت لهم صوله وجوله تروعي

وتذكار فرحه مالقيناه بالعيد
وعيشة بساطه والرفاقه بطوعي

وصفقت من ذكره على الايد بالايد
صفق الندم ياعيد مابه خضوعي

أحيابي العبرة هبوب بتجديد
ريح الشمال اليوم هيض دموعي

توني داخل من البلاد ومارن الخباز وشاري منه بـ2 ريالين خبز حار من التنور ومارن الصيدليه شاري حليب وحفايظ الله يكرمكم لصعينونه حصيصه بنيتي ياحليله والله كبرت يا هبوب منتب بسيط عندك بنيه


وتوني داخلن المزرعه وريحتها مرقة قرع تعطعط وينك يالي تشمها

بنتعشى بدري وعقب العشاء كلن ينصى حجرته اهلك لا تهلك ما بقى الا النوم

هذي حياتنا عجزنا عنها تتغير

ببروح اتعشى الحين

وعقب العشاء يصير خير اما جيتكم والا باتسر يصير خير ان تسانا من الحيين

الحمد لله على السلامه منورالمنتدى
واخر الغيبات
ومبروك عليك حصوص او حصيص
تتربى في عزك ان شاء الله
اشتقنا لسواليف الضحى الحلوه

اقتباس: المشاركة الأصلية كتبت بواسطة جروح الوفا*    الحمد لله على السلامه منورالمنتدى واخر الغيبات ومبروك عليك حصوص او حصيص تتربى في عزك ان شاء الله اشتقنا لسواليف الضحى الحلوه

الله يسلمس يا جريحه

حصوص هذا يبيله خشتن ناعمه مثل اهل الرياض اما حصيص هههههههههه متعودين عليها

اليوم عاد الاربعاء ابلش باهل الرياض كني اشوفهم مستانسين هم وبزارينهم يبون سدير

بس عندهم طبعا امحق اذا جو يوم الاربعاء الناس تجيب معها حلاو وكيك وهم يجيبون معهم خبزن يابس في كتون موز تقول الحن غنم

عاقبونا بهالطبع الامحق .عودو بقرنا يوم الخميس ما ياكل الا صامولي وخبز لبناني يابس

خلف الله علينا خبزنا من عند الافغاني وقرصان وقشر جح

يازين البرتسه بارده مرة
مع ان فيها شبا لكن حلاتها تسذا
ولا ازودك من الشعر بيت احسن ما في النخل المكينه بلاكستون اف بس والله ياهي تطرب الراس

حصيصه هذي غربلتني الله يصلحها والله بغيت اجلدها كبت الشاهي على لوحة المفاتيح حقت كمبيوتري

اهلا وسهلا بك يا هبوب الريح ..

نورت والله وين الغيبات وش جبت لنا من مزرعتكم

لاتقول قرع لاني ما احبه..

الله يخلي لك حصوص..وتتربى في عزك ان شاء الله.

ننتظر جديدك نبي سواليف جديده..وعن المزرعه..

اقتباس: المشاركة الأصلية كتبت بواسطة طفولة تمير    اهلا وسهلا بك يا هبوب الريح .. نورت والله وين الغيبات وش جبت لنا من مزرعتكم لاتقول قرع لاني ما احبه.. الله يخلي لك حصوص..وتتربى في عزك ان شاء الله. ننتظر جديدك نبي سواليف جديده..وعن المزرعه..

لالالالا ما اصدق طفوله عندي فيذا

يبي من يذبح خروف عشانها

حياتس ربي ومنورتن مجلسي