أرشيف النشرات الجوية للخبير الجوي ( نــســيــم )

الله يعطيك العافيه اخوي ابن المملكه على هذي المتابعه..

تحياتي لك..

وش عندك يابن المملكة متعدي على حقوق الغير.
ترىماهوب نافعك المهند .

المهند،تراي ابعلم المتحد شوري عليك لاتوهق ابن المملكة

اقتباس: المشاركة الأصلية كتبت بواسطة نسيم    وش عندك يابن المملكة متعدي على حقوق الغير. ترىماهوب نافعك المهند .

ليتك والله يانسيم ... تحط أرشيفك ومواضيعك اللي أشغلتنا بها في ساحة المقتنيات والآثار ..
جاب الله ابن المملكة .. الخبرة بكاملها تحكي من واقع مدروس وحديث مهوب أساطير الأولين وسواليفهم ..

نتمنى منك عميدنا ابن المملكة موافاتنا بكل جديد .. وأبشر والله بالتقاييم ...

اقتباس: المشاركة الأصلية كتبت بواسطة نسيم    المهند،تراي ابعلم المتحد شوري عليك لاتوهق ابن المملكة

أنا اللي أبطالب المتحد يقشع أرشيف نشراتك هاللي مضيقة علينا .. وتاريخها منتهي ..

ويحط لنا موضوع خاص با ابن المملكة ..

مشكور أبن المملكه على المتآبعه المميزه
أستمر ونحن من المتآبعين لك
وتستآهل التقييم على موضوعك

مدري ليش يانسيم ..
ما تبي أحد يبرز ويطلع أحسن منك ..
وتحاول تهمشه وتنقص من خبراته ...

خلاص قدمت اللي عليك ,,وكفيت ووفيت .. افتح المجال لغيرك ...

هالأيام تحارب المتحد يومه يجيب نشر جديدة .. وهالحين انطلقت على ابن المملكة ..

يعني خلاص مليتوا من خبيركم يالمهند .انا برفع دعوى قضائية عليك يالمهند والراقية لانكم محرضين ومنظرين وتغرون الناس بكلام ابن المملكة اللي مايمت للواقع بصلة .
اجل الراقية تقول ابقيم ابن المملكة .ليش؟وانا .وش هالكرم يالراقية اللي توه ينزل عليك .
وين كبار المنتدى وين النادر وين مخاوي تمير وين توام الجود وين ابوحمد.

شف يالخبير القديم ..
كبار المنتدى لا تدخلهم معنا ..
وبعدين وش فيه تحليل ابن المملكة .. تحليل منطقي .. ما هو تحليل الخلاوي وصفصفته للأبيات الله يعفو عنه ..
العلم تطور ..
والأقمار الصناعية تصور ..
والأجهزة والقياسات اختلفت ..
افتح لك موضوع في المقتنيات والأثريات وشخمط على كيف كيفك ..

اقتباس: المشاركة الأصلية كتبت بواسطة المهند    شف يالخبير القديم .. كبار المنتدى لا تدخلهم معنا .. وبعدين وش فيه تحليل ابن المملكة .. تحليل منطقي .. ما هو تحليل الخلاوي وصفصفته للأبيات الله يعفو عنه .. العلم تطور .. والأقمار الصناعية تصور .. والأجهزة والقياسات اختلفت .. افتح لك موضوع في المقتنيات والأثريات وشخمط على كيف كيفك ..

شف ،من اليوم ورايح ابكتب النشرة من فجر لان الدعوى سباق من سبق لبق.وانا من اليوم ورايح ما راح اسكت عن اي حق لي مهما كان الخصم من كبير وصغير .وانت يالمهند بيض الله وجهك خليت الناس تنظر وتشوف التعدي والاحداث اللي صاير.وخليتني اعرف اعداء لي كنت احسبهم زملاء مخلصين .