أرشيف النشرات الجوية للخبير الجوي ( نــســيــم )

وش هالسموم اليوم يا نسيم وش السبب في هالحر الي مايخلي الواحد يطلع من بيته..

اقتباس: المشاركة الأصلية كتبت بواسطة أبـوحـمـد    وش هالسموم اليوم يا نسيم وش السبب في هالحر الي مايخلي الواحد يطلع من بيته..

هههههههههههه انت تبيني احكي وانا رجال مره ماحب الحكي.
حنا ياطويل العمر في جمرة القيض (الثريا)والايام هذي يبدء يتلون طلع النخل .وبعدها ان شاء الله يستقر الوضع ويروح السموم لكن الشمس محرقه والليل يزين لكن بعد 15يوم او عشرين يوم بحول الله

اقتباس: المشاركة الأصلية كتبت بواسطة نسيم    هههههههههههه انت تبيني احكي وانا رجال مره ماحب الحكي.

اقتباس: المشاركة الأصلية كتبت بواسطة نسيم    حنا ياطويل العمر في جمرة القيض (الثريا)والايام هذي يبدء يتلون طلع النخل .وبعدها ان شاء الله يستقر الوضع ويروح السموم لكن الشمس محرقه والليل يزين لكن بعد 15يوم او عشرين يوم بحول الله

صادق عز الله انك صادق !! طيب تمرالمدينه كم بقى عليه ويجينا تتوقع 15 يوم او شهر..

نسبم انت اطرم ما تشرح النشرة

حنا ما نعرف لصورة النشرة حنا نبي واحد يكتب وش فيها

والا فكنا من نشراتك خير شر

اقتباس: المشاركة الأصلية كتبت بواسطة أبـوحـمـد    صادق عز الله انك صادق !! طيب تمرالمدينه كم بقى عليه ويجينا تتوقع 15 يوم او شهر..

شف يابوحمد حنا الان نمر بحالة نادرة جدا اللي هي شدة الحر .ومن ناحية التمر ولونه، جانا شي يطبخ العسبان ،والتمر عليه خطر يخرب من شدة الحرارة.الان لو تلاحظ فيه لواهيب في الليل وهذا شي غريب .اللواهيب هذي تأتي بعد 20يوم لانها تطبخ التمر لكي يصبح رطبا جنيا.
اتوقع المدينة وجنوب الرياض اذا استمر الوضع بهذه الطريقة يخرفون بعد بكره.
والعادة لتمر المدينة بعدحوالي 20يوم.

اقتباس: المشاركة الأصلية كتبت بواسطة مخاوي تمير    نسبم انت اطرم ما تشرح النشرة حنا ما نعرف لصورة النشرة حنا نبي واحد يكتب وش فيها والا فكنا من نشراتك خير شر

ابدا لكن انت تشوف شي يستحق الشرح يامخاوي تمير ويستحق رفع الصوت والهجوم هذا .
تراي مانيب اللي حط الدوار ههههههههههههه

صدق أخوي مخآوي
شكل نشرتك محطوطه على الصآمت ههههه
أن شاء الله لي عوده لها بالشتآء ووقت الآمطآر
على العموم مشكور وماقصرت

اقتباس: المشاركة الأصلية كتبت بواسطة الراقيه    صدق أخوي مخآوي شكل نشرتك محطوطه على الصآمت ههههه أن شاء الله لي عوده لها بالشتآء ووقت الآمطآر على العموم مشكور وماقصرت

ايه مخاوي تمير صح .مواطن يحب المصلحة .والله لو اني مدير عام كان تقولون النشرة تحكي .
ماقصرتي والله يالراقية

نسيم ترى أغلب الربع صادقين
خلى نشراتك أذا دخل الوسمي أزين..
بس ما أقول إللى يسلمك ربي على ماتقدم وما قدمت.

اقتباس: المشاركة الأصلية كتبت بواسطة ابو منيره    نسيم ترى أغلب الربع صادقين خلى نشراتك أذا دخل الوسمي أزين.. بس ما أقول إللى يسلمك ربي على ماتقدم وما قدمت.

صح يابومنيرة،انت يحق لك تبي اللون الاخضر وهذا من حقك .وكلها عاى حساب مشاعري واحاسيس.