يوم في حياة عضو

هلا وغلا احلام ورديه معليش على التاخر بس كنت مشغول الين عيوني
يوم الجمعه كنت في البر وكان الجوى بارد وانا كنت نايم وكل ماقمت فتحت الفراش لقيت الجو مظلم وظاق صدري ودي اقوم بس انا شبعت نوم ماني فاضي اقوم المهم نمت مره ثانيه واحلام حلام مدري هو خيااااااال ولا صدق حلامت اني في البر ويوم فتحت الفراش ولا الدب فوق راسي يقولي اطلع قلت رح لمك بس قال بلا هبال اطلع ولا عظيتك ويوم قال بعضعك قلت خلاص ماني لاعب قال وش منتب لاعب قلت بتاكلني وش العبه لا تخربها قال قم بس قم واقوم واطلع من الفراش وذر الدعوه في حلام وخوي يقومني يقول قم صل ويحسبني استهبل معه يقول انت يابو فيصل استهبالك ماتخليه حتى وانت نايم قلت والله ما استهبل واصلن هو خويي دب ما الام المهم صلينا وشبينا الضوء وتقهوينا وافطرنا ومشينا في الروضات نتمشا رضه في روضه ووقفنا نتغدى وابو عبدالله كبس لنا كبسه ولا مطعم التنهات يسويها كبسه حاشي مع زلطه خياليه طماط مع بصل مع خيار مع ليمون تقطيع صغار وتغدينا ومشينا ورحت لتمير عند اهلي وجلست معهم وتقهويت ثم رحت لرياض وانا ياااالله اشوووووووف دربي بلحالي وكل شوي نايم وكل شوي نايم الين وصلت البيت انسدحت في مرقدي ويم جيت انام ولا انا جوعاااااان متعيجز اروح للمطعم قلت نوم خفيف احلى شي وانام وتجي الساعه ثنتين ولابطني يقرقع من الجوع وروح اخذلي سندوشت لها اسبوع في الثلجه وحميتها وكلتها ونمت وانا ما كملتها
اتمنا انكم استمتعتم معي واسف عن التاخير كان عندي موعد يوم السبت ولا جيت الدوم وشكر لك مره اخر احلام ورديه على الموضوع المتالق
ارشح طير شلوى

مع زلطه خياليه ...>>>زلطه يؤ ياكبرها سلطه خخخخخخ
حشى اجل خويك دب خخخخخخخخخخ
عليك حلم مب صاحي خخخخخخخخخخخخخخخ
يوم صراحه رهيبه
بانتظاار طير شلوى

من قدك نايم في البر(وحده تتمنى البر)
زين اللي ما رجفك ونقزك رفيقك يحسبك تستهبل
يوم ممتع قضيناه معك بس ياليتك جبت لنا من صور البر
لكن لي ملاحظه عليك
ما كان لازم تمشي للرياض وانت فيك نوم الله لا يقدر شر يجي عليك حادث وبعدها ما ينفع الندم

تشرفنا بحضورك واستمتعنا بيومك
وبإنتضارك ياطير شلوى

الله يسلمكم الصور موجوده21012010202.jpg

احلام ورديه ان شاء الله تتحقق امنياتك انك تنامين في البر وتوسعين صدرك

ماشاء الله عليك يوم ممتع
يسلمك ربي ويعطيك العافيه

حبي الوحيد تمير تسلم على الصوره
وربناكريم يكتب لنا طلعة بر زينه
مره ثانيه تسلم ومشكور

اقتباس: المشاركة الأصلية كتبت بواسطة طير شلوى    يوم دراسي جديد .. الساعه 7 وربع حركت من البيت متوجهه للجامعه . بسم الله وع بركه الله تحرك من البيت وتطلع ع الدايري تجلس ساعه الا ربع عشان تاصل ... تقعد تعشق في الموتر كل شوي وتاقف لين يجيك شد عضلي من هالزحمات وتكره الدراسه وتكره الرياض كلها من هالزحمات الي تروع " المراد وتقبل ع الجامعه وماتصدق خبر تدخل المواقف تلقاهم وقفين كل واحد يحتري الثاني يتحرك ..!! وتشوف هالسكرتي لايهش لا ينش .. قصدي ضابط اوب سكرتي وتقعد تحوس واخر شي توقف فوق رصيف ولا تلفزة بين هالمواتر .. والحمد الله تخلص من هالمشكله وتدخل الكليه وتروح تاخذ لك مويه تبل ريقك .. ولا الساعه قد صارت 8 وخمس دقايق تدخل القاعه الا الدكتور توه داخل قبلك بثانيه ويردك يقول انت متأخر ...!! عجيب حلال عليه حرام علينا .. الدكتور / وش مأخرك يا سعود. سعود / الي اخرك هو الي اخرني . الدكتور / بابتسامه المواقف زحمه شوي سعود / انتم الله يحييك لكم مواقف خاصه . وش نقول حنا الدكتور/ ادخل ولا تتأخرة مرة ثانيه . سعود يخاطب نفسه / ايييييه يالدنيا .. الحلال حلال ابونا والقوم اطردونا. والدكتور يبدا اشرح وسعود راعي سالفه مع رفيدزة الي جنبه يخططون ع فطور عند فوال خابرينه قريب التميس عنده ع كيف كيفك .. وماصدقوا خبر طلعوا من القاعه الا هم ناصين الفوال " وافطرنا ورجعنا للمحاظرة الثانيه الا فيه دكتور شريطي ابلشنا بيعات شريات عقارات سيارات بتاع كلوة الله يجزاه خير . لايقول تراني مالي في التدريس بس نقطع الوقت عندكم ونمشي لأشغالنا <<< شين وقوي عن اخر شي يقولن هذي الجامعه الاولى عربيا <<< امحق بس زيوا مواقفكم الله لايعيدها من مواقف مغير كل يوم جاين مخش ودقش في مواترانا . .. . دمتم سالمين

هذي مشاركتي يا حبي الوحيد تمير

يا طير شلوى يصلح تجيب لنا يوم جديد
غير ايام الدراسة كشتة بر طلعة مع الاهل
او خلاص ما صدقت يخلص يومك

هههههههههههههههههههههههههههههههههههههههههه
تصدق َ يصلح َ تكتب َ قصص هع
وقصمنْ فطست َ ضحك ِ عليك حلوة حسيت رجعت كلمات َ قديمة جداً
هههههههههههههههههه