حمايه الدهناء هل انت مع او ضد

انا مع الحمى حتى في الشعبان

ضد الحمى
....................................

اقتباس: المشاركة الأصلية كتبت بواسطة نسيم    هي كلها جرائم ضد البيئة يابوحمد،المفروض ان كل واحد يلقط حلاله ويروح لهله.الشي الاخر الشعبان اللي فيها الاشجار تحمى ايضا.ينزلون في القرشع وفي مزارع. والحل الوحيد والصحيح ان كيس الشعير 100ريال ،عشان اللي ماهوب راعي شغله يتركها ،هالحين ضاق البر وخرب من الاغنام هي افة البيئة وخصوصا النعيم.

بيت والله يجي قرار بمنع الرعي والي عنده اكثر من 200راس يطبق عليه مشروع ويكون في مكان محدد,,
وليت يغلى الشعير والله ويكون 100والله ان يقلون ..

اقتباس: المشاركة الأصلية كتبت بواسطة khaloody    تم التصويت .. ومع الحمى على ماسمعة ان يوم صارت محميه لقو اسلحه تحت الارض عند اهل الحلال .. !! بس ترا الحمى وقت معين بس .. مو كل يوم يعطيك العافيه اخوي ,

مقوله جديده هذي اخوي بس وش يمنع بعد ما يحط اسلحه ثانيه اذا كانت الكلام صحيح في مكانه الآخر,,
والحمى على ما سمعت 6شهور قابله للزياده ,,,

حياك وكل الشكر لحضورك..

اقتباس: المشاركة الأصلية كتبت بواسطة المهند    ليتهم والله ما يفكونها ... هالأيام طاحوا بعض الشباب في التميدح في جمع الأرطا ... ولو تلاحظ يا أبو حمد طراف الدهناء وش لون قالت .. جفاف وما فيه أي خضار ... أنا مع الحمى التام ... يعني ما يسمح لأحد بالرعي وآخر يمنع .. والأهم أن تكثف الحملات على أشجار الطلح والشعبان ... وعساهم على القوة ..

الحمى زين يا المهند بس وين بيرحون اهل الحلال
بيتجهون للشوكي وللأعصل وغيره من الفياض
وراح يجي فيها تكسير وتخريب مثل ما شفنامن كم شهروما فيه رادع لهذا الشي ,,

اقتباس: المشاركة الأصلية كتبت بواسطة الشقردي    الله يجعلهم يحمونها والله يعيننا على شرية الحطب وانا معك يحمونها ياخوي ابوحمد بس لايمنعونا اذا بغينا نكشت بها والله يعطيك العافية

شف يالشقردي نبي نكشت فيها وما راح يردنا احد ان شاء الله واصابعك مهيب سواء..

اقتباس: المشاركة الأصلية كتبت بواسطة مخاوي تمير    الله يجزاك الف خير يا ابو حمد والحمى مطلوب حتى لا تخسر الدهنا أكثر

ليتهم والله يطبقونه بعد على الشعاب وبطون الاوديه لان اشجار الطلح اكبر عمر من الأرطى..

تم التصويت

اقتباس: المشاركة الأصلية كتبت بواسطة هبوب الريح    انا صوت مع الحمى الدهنا ما عاد هيب مثل اول خربوها اهل الحطب واهل التطعيس واهل البل والغنم هم ياجوج وماجوج حاسوا الارض حووووووووس

اهل التطعيس اشوى من اهل الرعي والأغنام يجون ويرقون لهم كم طعس ويطلعون!!

والغنم والأبل هذي مصيبه ان طلعت من الدهناء راح تتجه يمكن الى فياضنا ومكاشيتنا..

وليت يكون عليها مراقبه ...

اقتباس: المشاركة الأصلية كتبت بواسطة اابو عزوز    ان حموها بيكسر الطلح اللي ف الشعبان كلها

طيب وش الحل يا ابو عزوز!!