وين الخصوصيه بقسم الولاده

الشكوى لله صارت نفسيتي زفت هذيك اللحظه شلون اهيأ نفسي اني اولد وعندي غرب بالغرفه قلنا يكفي الدكتور نكشف عنده من قوة الألام

يزود عليها هالعاملات وازعاجهن بالغرفه .. موبس انا ماره بهالشئ وحده ذكرت لي انها تتولد لحالها والدكتور الشيبه قاعد يكلم تلفون ثم تابع حالتها

راعوا حالتنا ياجماعه

ننتظر رد مندوب المستشفي, ونرى تعليقة

كلام صحيح وقد مرينا بمثل ذلك حيث كانت الولادة طبيعية واصر رجل التخدير والطبيب على الدخول مع ان الدكتورة موجودة وتم طردهم قبل الدخول وقد غضبوا كثيرا
الادارة ربما تكون لا تحيط ببعض الامور فوجب التنبيه


فيامستشفى تمير حفظكم الله الاعراض يجب ان تصان

جارٍِ انتظار تعليق مستشفى تمير ...

لابد من اللقافه في مدينتك..

الله يستر ..ويارب احد يعطيكم وجه ..

والله يستر على بنات المسلمين ..

كل ما ذكرتي بطرحك صحيح سمعنا من زمان عنه وأكثر النساء تذهب للمستشفيات المجاورة للخصوصية ولوبعدت المسافات تهون عن سواليف مجالس أهل تميرنشكرك علي ماذكرتي والله يشفي جميع المسلمين والمسلمات ويهديهم والله الموفق

يبي من ينتبه للموضوع من قبل ادارة المستشفى جزاهم الله خير


وانا اختي تقول انها ولدت ومحد لمها بغا يطيح الولد بس الحمدلله الله ستر

بعدين مايدخل الا صاحب الاختصاص الي مالهم فايدة لايدخلون!!

احمدي ربك ما جت واحده من العاملات وولدتك انا جاني بنت كل ربعي درو عنه قبل ما اطلع من المستشفى وغير كذا كل ما شافوك في المستشفى راحو يراقبونك وين تروح اتوقع انه لو تروح لمكاتبهم ما تلقى احد الملف يجلس ساعة ما يجي والسبب انه في الممرات يناظر الرايح والجاي ومضايقة الممرات وعدم المبالة في النساء

محقق كونان شي طبيعي يدرون وحنا نتولد الديره صغيره على قولتك لاشافوا فلان بالمستشفى حشروه بالاسئله وش جايبك عسى ماشر خاصه لاصار من اهله

على الاقل يكون فيه بوابه خاصه بقسم الولاده ابعد عن عيون المتطفلين اللي صاكين عند الطوارئ والسيب لدرجه ان الازواج صاروا يحطونا ويطلعون

وبينا وبينكم تلفون ؟؟؟ هذا من بسببه