مطبخ تمير يحلى بوجودكـم

بسم الله الرحمن الرحيم

مرحبا الف بكل الاعضاء

معليش اذا انا تأخرت عليكم بس انشغلت شوي

جبت لكم حلى لذيذ وسهل جدا

طريقة البف باستري على شكل حلزوني وكمان على شكل ورود

واليكم المقادير والطريقة معا

اولا طريقة البف باستري الحلزوني
حليب محلى مركز +قرفه مطحونه +عجين البف باستري

نحظر البف باستري ونقسمها اربع اجزاء يعني يصير عندنا اربع مربعات
نحظر اول قطعةونقوم بمسح الحليب المركز عليها
ثم نرش فوق الحليب قرفه
ثم نغطيها بالقطعه الثانيه
وبعد كذا نقسم كل قطعه جهزناها الى ثلاث اقسام
ونمسكها من الاطراف ونلفها على شكل حلزوني

وهذي الصوره توضح لكم وتعبر اكثر من الكلام




واليكم الطريقة الشكل الثاني
ورود البف باستري

جبن كيري + عجين البف باستري

نقسم العجينه اربع اقسام
ونقوم بتشريح كل مربع من ناحية الزواياقليلا
ونضع الجبنه في الوسط
ثم نطوي كل شريحة على جنب من فوق الجبنه
الى ان نطوي الاربع شرائح


كما في الصورة



الطريقة مره سهله وما تاخذ وقت
وصورتها على الصينيه التيفال حتى يبان شكلها اكثر

وبعد كذا دخليها الفرن وهو حامي
وحمريها من تحت ثم من فوق

وبعد ما تخرج صبي عليها شيره او عسل او حليب محلى
كل وذوقه
طعمها لذيذ وسريعه

وهذا شكلها النهائي ان شاء الله يعجبكم




وبالهناء والعافية وعسى تكون نالت رضاكم

اورط بعدي الاخت الراقية

ماشاء الله تبارك الله..
الله يسلم هاليدين ..
والحلزونيه تقريبا نفس طريقتي ..

بانتظارك يالراقيه ورينا همتك..

مآشآء الله طبخآ ت حلوه وسريعه
تسلم هـ الأيادي يارب
وأنتظروني بكره إن شآء الله

واو حركات حلوة يااآحلام تسسلم يدينك

وبالعافية على قلبك

وبانتظار الراقيه متششوقه وبقوة وش بتسوي هع

شكلها طباخه وتخاف من العين هع هع

بإنتظار طبختك
يعطيك العافيه..

اقتباس: المشاركة الأصلية كتبت بواسطة ام منى    توريطه ولااحسن منها طلعت المواهب.. ماشاء الله عليك يابوحمد طبخه حلوه وبتنافس الطباخين والله يعافيك .. ..

كنت مستعجل يا ام منى والا كان وريتك شي احسن من هذا بس هذي طبخه وانا على عجل ايه هين ههه

هلابك وشكرا لك ولموضوعك الجميل الي بيخلينا ان شاء الله نشوووف مواهب الاعضاء..

اقتباس: المشاركة الأصلية كتبت بواسطة تذكروالقبروظلمته    الله الله وش هالطبخه محتررررف ختيييييييير ياشيف ابوحمد تسلم يدينك عالاكله الذذيذه بانتظار العظوه احلام ورديه

الشي اذا ذقتيها طعمها يصك في الراس ---> من جنبها هع

الله يسلمك وشكرا لك ولحضورك..

اقتباس: المشاركة الأصلية كتبت بواسطة احلام وردية    ههههههههه اجل تستاهل التوريطه ولو انك ورطتني بعدك يعني وحده بوحده بس ما شاء الله عليك شاطر بطبخ البيت الخفيف مثل شطارتك بطبخ البرالدسم تسلم يديك وانتظروني الليله ان الله اراد

انا يومني احط هالطبخه عشان ما احوس واجد ولا يكثر القش علي
ورجعت كل شي في مكانه وكأن لم شي يكن
وشغل البر ترى الي يزينه حوسته وما نخاف عليه حتى لو يخرب..
والله يسلمك ----> وتستاهلين التوريطه ههههه

اقتباس: المشاركة الأصلية كتبت بواسطة هلاليه وافتخر    مشكور يا بوحمد على الطبخه الخفيفه ويعطيك الف عافيه و بانتظار احلام ورديه........

الله يعافيك اختي هلاليه وكل الشكر لك ولحضورك..

اقتباس: المشاركة الأصلية كتبت بواسطة لميس    الله الله وش هالطبخه الجونان يابوحمد بس من جد ضحكت على العنوان ههه ان شالله مايلاحظون هع هع الله يعافي روح الورد خلتك تدخل وتطبخ وتحس بمعاناتنا مشششششكور يابوحمد ودي لك

هههههه العنوان لا يدري عنه احد بس وجاي متحمس قلت بجمع طلبين في موضوع واحد
بس ما كتبه الله ..
هلابك وكل الشكر لك ولحضورك..

اقتباس: المشاركة الأصلية كتبت بواسطة اخر شقاوه    يعطيك آلعآفيه أم منى ع آلموضوع آلرآئع .. وآلله رهيييبه طبختك يآبو حمد ( مآشآء آلله عليك ) .. شكلهآ سهله وحلوه .. وبأنتظآر أحلآم ورديه ..

سهله وتراها حقت العجازين الي مثلي هع

هلابك اخر شقاوه وكل الشكر لتواجدك...

بالعافيه عليك يا احلام ورديه وتسلم اديك

هذا الشغل الزين الي مهوب شغلي هههه..

اقتباس: ماشاء الله تبارك الله.. الله يسلم هاليدين .. والحلزونيه تقريبا نفس طريقتي .. بانتظارك يالراقيه ورينا همتك..

ويسلمك يا ام منى
اكيد شغلك احسن مني بعد

اقتباس: مآشآء الله طبخآ ت حلوه وسريعه تسلم هـ الأيادي يارب وأنتظروني بكره إن شآء الله

ويسلم يديك
وش ورانا منتضرينك

اقتباس: واو حركات حلوة يااآحلام تسسلم يدينك وبالعافية على قلبك وبانتظار الراقيه متششوقه وبقوة وش بتسوي هع شكلها طباخه وتخاف من العين هع هع

الله يسلمك يالمووس ويعافيك

اقتباس: بالعافيه عليك يا احلام ورديه وتسلم اديك هذا الشغل الزين الي مهوب شغلي هههه..

الله يعافيك ابو حمد
والعين ماتعلى على الحاجب

ماشاء الله عليكم

كل طبخة احلى من الثانية

يعطيكم العافيه ابوحمد ... احلام وردية

ويستاهل الموضوع التقييم والنجوم

السلآم عليكم ورحمة الله وبركآته
آهلآ بكم جميعآآآ
إليكم طبختي على السريع

قوآرب البطآطس

المقآدير
بطآطس ويكون من النوع الكبير أحسن أنا مالقيت الآ النوع الصغير
بآزلآء مسلوقه / جبنة المازورلآ / ملح / بهآرات مشكله / لحم مفروه ونص كاس ماء + معجون طماطم + شرائح طماطم

الطريقه

اولآ نسوي حمسة اللحم ثم نضع عليه الملح والبهآرات المشكله كمآ في الصوره

وبعد ذلك نغسل البطآطس ونقطعهآ الى نصفين ثم نكورها من الداخل وتاخذ شكل القآرب صراحه نسيت اصور شكلهآ ..
وبعد ذلك نقليها بالزيت ..

بعد ذلك اضع بداخل كل بططساايه هع جبنة مازورلآ واللحم والبآزلآ اضع بالصينيه شرائح الطماطم ثم قليل من الماء
وارتبهآ قوارب البطا طس بالصينيه تمهيدآ لدخولهآ الفرن
كما في الشكل التالي

ثم ادخلهآ بالفرن وهي مغطآه بالقصدير جيدآ

وهذي هي بعد ماطلعتهآ من الفرن الشكل النهآئي

وهذي بصحن التقديم على شكل قارب
مع تزيين الصحن بالبقدونس والجزر والبآزلآ

مع صحن رز وسلطه هذا غدآي اليوم
وبالعافيه
ان شاء الله عجبتكم الطبخه

ارشح بعدي ( ابو مشعل )