أحوال الضبان, في أرض الصمان , وفيديو يقطع المصران 5/6/1431هـ

يعطيكم العافية
تقرير جميل ما قصرت

اقتباس: المشاركة الأصلية كتبت بواسطة صاحب المعالي    ما شالله باين انها شبعانه مشكور على الصور

أن تقول أنها شبعانة ..
الشحم خطر انه يتفزر مع جنوبهن ياصاحب المعالي ..
العفو .. وشاكر لك حضورك ..

اقتباس: المشاركة الأصلية كتبت بواسطة ام منى    ماشاء الله تبارك الله.. يعطيك العافيه ع الصور ومقطع الفديو بصراحه ابداع.. الشكرلك ومخاوي تمير ع الاخراج الجميل.. واحلى تقييم..

الله يعافيك أختي أم منى ..
شاكر لك حضورك ..
ومخاوي تمير وأعماله تجعل الشخص يقدم الجديد والجديد ..
كل الشكر على التقييم والحضور ..

اقتباس: المشاركة الأصلية كتبت بواسطة الراقيه    مآشآء الله تبآرك الله كشته كامله مكمله الله لآيضركم الكشته كوم واللي بالسور كوم ثآني خفت وانا من ورى الشآشه بس شكل طبخكم روعه مآشآء الله شكلي بجرب اصيده وآكله مشكور على المقطع والله شوي وأموت من الضحك ياليته طول شوي يعطيك العاافيه يآرب على التقرير والله لايفرقكم ويجمعكم على طاعته وتستآهل التقييم

الله يعافيك أختي الراقية ..
لو فيه مسابقة أفضل طبخة هاليومين .. إن كان على المضمون .. لأن الكبسة على مرقة الضبان شيء ثان ..

كل الشكر على مرورك وتقييمك ..

اقتباس: المشاركة الأصلية كتبت بواسطة طير شلوى    وين هالتقرير قصرنا نحتريه يالمهند ،، تقرير رائع من شخصكم الرائع ،، وماشاء الله عليكم في الفديو كنكم باردين شوي وانتم تصيدون !! ماهوب حنا قلبه قلبه ولادسوس ولا شي ،، ماغير الحقه لين تخبط عليه وهو في يديك اما خبطت على ركبك وانشق سروالك بعد خخخخخخ ،، لاهنت وتستاهل التقييم بجدارة

هلا بك أخوي أبوعلي ..
وش نسوي الدعوة فيها فيديو وإخراج وتدوير تفحيط ..!!
وحنا نلعب على الخبرة في ملاحق الضبان .. يعني اللي وده يجي يجي .. واللي ماوده يجي بصره ..
أما المداس لايفوتك شيء ثاني .. لاتمخيش ولا تقطيع يدين ..
يريحك عسى من صنعه للجنة ..
كل الشكر على المرور والحضوروالتقييم ..

اقتباس: المشاركة الأصلية كتبت بواسطة فتى الديرة    ماشاء الله تبارك الله يعطيك الف عافيه يالمهند على الصور ومقطع الفديو ولاهنت وبيض الله وجهك وتستاهل التقييم

الله يعافيك يافتى الديرة ..
شاكر لك هالحضور وهالمرور وتسجيل الاعجاب ..
وإن شاء الله نكون عند حسن الظن ..
لاهنت على التقييم ..

اقتباس: المشاركة الأصلية كتبت بواسطة أبو تميم الفيصل    بارك الله فيك يالمهند على التقرير الرائع والله يكون في عونكم على هالحر يقطع الجلد اما مقطع الفديو قمة في الابداع

الله يبارك فيك يا أبوتميم ..
والله ياجان حر يوم الخميس قعدنا نلاحق الترمس ملاحق ..
شكراً لحضورك .. ولاهنت ..

اقتباس: المشاركة الأصلية كتبت بواسطة دحوم99    ماشاء الله تبارك الله ياخوي المهند دايم تقريرك رائع من شخص اروع وهالضبان والله كايفه والطلعه الحلوه ماشاء الله تشكرااات لك على التقرير احتراااامي

مرحباً لك أخوي دحوم ...
حضورك ومتابعتك الدائمة تجبرنا على تقديم الكثير والجميل ..
العفو ولاهنت على المداخلة ..

اقتباس: المشاركة الأصلية كتبت بواسطة كنـق تمير    عز الله ماقصرتوا بس خل عنك طلعة ولا في الخيال ههههههههههههههههههههههههههههههههههههه اما المقطع كلام ثاني والله ضحكت لين تمزع بطني هههههههههههههههه

بسم الله على بطنك ...
قايل لك لايشاهدها أصحاب البطون المتمزعة .. بس حقك وماجاك ..
شكراً لهالمرور ...
ولاهنت..

اقتباس: المشاركة الأصلية كتبت بواسطة جار القمر    ماشاء الله عليك يالمهند وياسعد من يخاويك بس تقريرك اليوم غير ماشاء الله مربربه وعكر مبترمه حرااااام عليكم حتى حياهم الزوجيه ما خلتوهم يستمتعون بها من لهيب الارض يحاول يرتفع شوي بس يازين لهيب الارض عند لهيب الشاخوف اما هذي ليتك ماطلعتها صارت مثل الشق في ...... خربت كلش اما الفيديو فهو والله يقطع القلوب مهوب المصران مرة من المرات سوينا الطريقه هذي وحطيت نعلتي وجلست انتظره وراحو الاخوان يلحقونه تصدق وانا اشوفه مقبل يمشي طبلونه يبي الامن في بيته ذكرت اخوانا في فلسطين وافغانستان ورحمته وشلت انعله وخليته يدخل تهانينا لك يالمهند وتستاهل التقييم

هلا بك يالجار ..
ويالله تولم هالاسبوع نروح يم قرية وبحر النعيرية ..
منها تمشية ومنها تضبيه ..>>>أشغلتنا هالضرورات الشعرية ..!!

تعليقات رائعة .. بدابة من ابترام العكر .. ما شاء الله تقول كنها تمر برحي مقصوص طرفه .. وانتفخت حبته .. وعساك تفهمها ..
أما الحياة الزوجية .. فلقيت لك أربعة ضبان في بيت واحد .. كل ماسحبنا الأول إلا الثاني قدامه وأشوى أن الأرض طينية .. وجبنا الأربعة كلها ...
ولو أن ألحن دارين أن لهيب الأرض يفيد فيه رقي الشجر إن كان ما بقى منا أحد على الأرض .. لكن شكل الدعوة لهيب بطون .. خصوصاً إلا منك جيت يم روضة حسناء ونورة ..
والضبان اللي على البلاط متمددات .. مسيكينات لهن يومين وهن على جلسة وحدة إلى أن يبسن ..

وترى الطريقة هذي حصرية .. بل نلفت الانتباه أننا خارج المسؤولية إذا دخلت الحذوة أو شيء ثاني وسط البيت ..!!

تعليقات جميلة ..
ومرور رائع منك أخوي جار القمر ..
كل الشكر على هالمداخلة ..